Að treysta

Maður á auðvitað ekki að treysta í blindni á nokkurn annan en sjálfan sig, en svei mér þá ég treysti henni Jóhönnu 100% og ekki er ég í sama flokki og hún.  Er reyndar utanflokka, en það er sama, slagsíðan mín er VG - ójá,.

Reyndar er það ekki í neinni blindni sem fólk setur traust sitt á þessa kjarnakonu.

Hún er einfaldlega ærleg, fylgin sér fyrir hönd almennings og það er ekkert andskotans búllsjitt og krúsidúllu ladídadída hjá henni.

Ég treysti líka Steingrími J., Ögmundi og Kötu.

Já og Gylfa.

Og þingkonunni Álfheiði Inga, en ég get svarið það konan vinnur eins og brjálæðingur í þinginu og hefur gert frá því hún steig þar inn fyrir dyr.

Eða honum Altla Gísla, ég myndi treysta honum fyrir lífi minna nánustu sko í stjórnmálalegum skilningi.

Ég veit þetta börnin mín á galeiðunni, ég fylgist grannt með þinginu og hef gert lengi.

Reyndar set ég fyrirvara á allt mitt traust.

Þann fyrirvara sem hver og einn gefur sér þegar stjórnmálamenn eiga í hlut.

Ég ætla að dæma stjórnina af verkum sínum þessa daga sem hún situr.

Jabb, lömbin mín, það ætla ég að gera.

Af gefnu tilefni þá minni ég á þingfund í beinni kl. 15,00 fyrir þá sem ekki komast á palla.

Súmí.

Flestir bera traust til Jóhönnu

Athugasemdir

[Finnur Bárðarson, 16.2.2009 kl. 14:14]

Er þá loksins komið að áfengisfrumvarpi Sigurðar Kára ? Maður er búinn að bíða ansi lengi.

[Jenný Anna Baldursdóttir, 16.2.2009 kl. 14:23]

Finnur: Dagskrá þingsins er hér fyrir neðan.  Sko, maðurinn fer að brenna inni með þetta bráðnauðsynlega þjóðþrifamál.  Ésús.

Líf mitt verður ekki fullkomnað fyrr en búsinn er kominn í Bónus.

Hehe.

[Birna Dis Vilbertsdóttir (IP-tala skráð) 16.2.2009 kl. 14:46]

Þetta er flottur hópur sem þú taldir upp.Ég treysti þeim nokkuð vel,en ekki má gleyma því að þau eru bara manneskjur.Manneskjur gera mistök.Þess vegna treysti ég þeim vel en ekki 100%.Þau eru að vinna vel sýnist mér.Áfengisfrumvarpið mikla omg

[DoctorE (IP-tala skráð) 16.2.2009 kl. 15:34]

Ég treysti engum... ég myndi hugsanlega treysta fleirum ef ég gæti alltaf kippt með mér öllara í bónus heheh
Kidding

[Sigrún Jónsdóttir, 16.2.2009 kl. 15:57]

Ég treysti því að þetta fólk sem þú telur upp vilji vinna heiðarlega.  Ég er bara ekki viss um að nokkur manneskja geti unnið okkur út úr vandanum í náinni framtíð...til þess erum við of djúpt sokkin