Vafasamur boðskapur

Með allri virðingu fyrir þeim mæta manni Vilhjálmi Bjarnasyni, þá vil ég koma einu á framfæri.

Ég hef engum peningum hent út um gluggann.

Ég hef ekki tekið þátt í gróðærinu og búið til þetta ástand sem hefur sett þjóðina á höfuðið.

Ég og annað venjulegt fólk erum algjörlega blásaklaus af þessum stórglæp sem jaðrar við landráð.

Undirtitill boðskaps Vilhjálms er:

„Hvernig gat íslensk þjóð leiðst út í skuldir sem eru hærri en tölum tekur?“

Þessi spurning má eiga rétt á sér en hvað mig varðar þá heitir þetta að beina athyglinni annað en þar sem hún á að vera.

Að stjórnvöldum..

og græðgifurstunum.

Allt annað er rugl.

Aldrei of blönk til að hugsa

Athugasemdir

[Hrönn Sigurðardóttir, 15.2.2009 kl. 17:06]

Enda sé ég hvergi í þessari umfjöllun að hann sé að ásaka hinn almenna borgara um slíkt. Þvert á móti: "Að sögn Vilhjálms brugðust allir þegar kom að hruni stóru viðskiptabankanna þriggja, bæði stjórnendur, stjórnarmenn, innri endurskoðendur, Fjármálaeftirlitið og Seðlabanki Íslands svo einhverjir séu nefndir."

[Jenný Anna Baldursdóttir, 15.2.2009 kl. 17:20]

Ég er ekkert ósammála VB því sem hann segir í stórum dráttum en ég geri athugasemd við það sem ég bendi á í færslunni.

[Sigrún Jónsdóttir, 15.2.2009 kl. 17:23]

Jenný, "við erum ekki þjóðin" manstu?

[Jenný Anna Baldursdóttir, 15.2.2009 kl. 17:27]

Segðu Sigrún mín.  Bara alls ekki þjóðin.

Við erum ekkert annað en helvítis dráttarklárar sem borgum brúsann.

[Ólöf de Bont, 15.2.2009 kl. 17:28]

Við vitum að hinn íslenski almúgi átti ekki sök á hruninu, það voru þeir sem stýrðu, veittu ráðleggingar og eyddu almannaféi.

[Hrönn Sigurðardóttir, 15.2.2009 kl. 17:57]

Já! Er það ekki nákvæmlega það sem hann er að segja?

[Páll A. Þorgeirsson (IP-tala skráð) 15.2.2009 kl. 18:13]

Var Vilhjálmur ekki einn af þessum "fjárfestum" ?

Lítið heyrði ég frá honum á "fyrstu uppgangsárum" græðgisvæðingarinnar (á meðan loftbólan stækkaði). Það var ekki fyrr en "bólan fór að hjaðna" og menn komnir í alls konar "reddingar" (samb. FL-group o.fl. fyrirtæki) að á honum fór að kræla, enda séð fram á "minni hagnað". Að eigin sögn hafði hann fjárfest fyrir sig og sína í ýmsum fyritækjum. Vilhjálmur hlýtur að hafa verið "ánægður með hagnaðinn" af fjárfestingum sínum fyrstu árin, ég heyrði hann ekki gagnrýna á þeim árum. Hann hefur sennilega beðið of lengi með að "selja" eins og margir sem höfðu greinilega "tröllatrú" á "loftbólukenningunni" sem sprakk að lokum framan í þá. ;-)

Margir af þeim sem tóku þátt í þessari "græðgisvæðingu" sem kom þjóðinni að lokum í rúst "högnuðust vel á tímabili" en flest af þessu "venjulega fólki" fær það í hausinn með lækkandi eftirlaunum, hærri sköttum og fleira "góðgæti" og er örugglega ekki eins vel búið undir "kreppuna og fjárfestarnir ..... ;-)

Annars er margt ágætt sem Vilhjálmur segir, en hann er greinilega mjög "ósáttur" maður ;-)

[Katrín Snæhólm Baldursdóttir, 15.2.2009 kl. 18:20]

Jenný mín hver á þá þessa hauga af renblautum seðlum sem eru fyrir utan gluggann þinn?

Hættu að henda peningunum þínum út um gluggann..heyrirðu það?