Tæknileg mistök?

Ef það er eitthvað sem ég og vel flestir í þessu þjóðfélagi höfum fengið nægju okkar af, fyrir utan landlægar þrásetur og pólitískt ábyrðarleysi, þá eru það leyndarmál.

Orðið "tæknilegt" hefur líka svipuð áhrif á mig og rauð dula á naut.

Ég sé - já rétt til getið rautt!

Eru þeir að vasast í frumvarpagerð hér uppi á Íslandi?

Ráða þeir meiru en við höldum?

Þessi frétt lítur sakleysislega út en Alþjóðagjaldeyrissjóðurinn sendi "tæknilegar" ábendingar í trúnaði til Forsætisráðherra, varðandi Seðlabankafrumvarpið.

Þetta hringir öllum þeim ofsóknarbjöllum sem fyrirfinnast í hausnum á mér og þær hafa hátt.

Bing-bang-fokkings-bing!

Tæknileg afbrot, tæknilegar ábendingar, tæknileg mistök!

Ég fæ grænar bólur.

Svo er það leyndóið!

Ég segi nú eins og mafíósinn: Ef þú hefur eitthvað við mig að segja, segðu það í návist vina minna, hér ríkir fullkominn trúnaður.

Segið þjóðinni það kæru alþjóðagjaldeyrissjóðamenn.

Enda hefur Forsætisráðherra farið fram á að leyndinni sé létt af friggings skjalinu.

Sem er bara eins gott, nógu er maður paranojaður fyrir.

Tæknilegar ábendingar í trúnaði

Athugasemdir

[Guðmundur Ásgeirsson, 9.2.2009 kl. 22:47]

Hefur ekki ferill IMF í nýmarkaðsríkjum banalýðveldum eins og Íslandi einmitt einkennst af því að tjónka upp á afdankaða einræðisherra sem hægt er að temja til hlýðni? Vanalega er þeim líka slétt sama hvort einræðisherrann er einhverskonar þjóðhöfðingjanefna eða bara seðlabankstjóri sem er ósnertanlegur af ríkisstjórn landins. Enda eins og IMF segir sjálfur þá skiptir hann sér ekki af pólitík, aðeins efnahagsmálum. Með stjórn Seðlabankans í vasanum geta þeir einmitt haft ansi mikil áhrif á framvindu peningamála í landinu.

Svo spilar eflaust þarna inn í að það má sennilega ekki hrófla við síðasta Bilderberg fulltrúanum sem enn er við völd í landinu...

[Einar Áskelsson (IP-tala skráð) 9.2.2009 kl. 23:00]

Hélt að þú vissir Jenný að það má EKKI persónugera hlutina, afsakið mistökin. Er og verður tæknilegt sem kemur brestum manneskjunnar ekkert við. Og það er ekki tæknilegt að verða paranojaður.

[Sigrún Jónsdóttir, 9.2.2009 kl. 23:38]

Gott hjá Jóhönnu að fara fram á að leyndinni sé aflétt.  En það sem ég skil ekki er; af hverju stuttbuxnadeild sjallanna vissi af þessu "trúnaðarskjali" á undan forsætisráðherra

[Jóna Kolbrún Garðarsdóttir, 10.2.2009 kl. 01:22]

IMF stjórnar hérna á Íslandi núna ekki stjórnin, allavega ekki peningamálunum. 

[Jenný Anna Baldursdóttir, 10.2.2009 kl. 09:48]

Vó, Bilderberger.  Má skrifa það, hvað þá hugsa um það?

Ég var einmitt að velta því fyrir mér hversu "merkilegt" það er að íhaldið skuli vita um póstsendingar frá Alþjóða til forsætis á undan ráðherranum.

[Hrönn Sigurðardóttir, 10.2.2009 kl. 09:54]

IMF er ekki búið að breyta netföngum hjá sér!

....en hvað í veröldinni er bilderberger? Mér dettur í hug einn kaldur?

[Ásthildur Cesil Þórðardóttir, 10.2.2009 kl. 10:24]

http://en.wikipedia.org/wiki/Bilderberg_Group Ég held að Björn Bjarna sé líka félagi í Bilderberg mafíunni.