"Allir frá borði!"

 

Sigurður Kári Kristjánsson, alþingismaður, hefur komið sér upp ákveðinni dramatík öreigans í röddina.

Hann segir "heimilin í landinu" eins og skipstjóri sökkvandi skips kallar "allir frá borði!"

Þetta er í raun bæði ógeðslega krúttlegt og viðbjóðslega fyndið.

Ég meina að SKK er ekkert sérstaklega þekktur fyrir heitan málflutning sinn svona yfirleitt, nema auðvitað í "bjóríbúðir"-málinu og svo minnir mig að hann hafi talað sig rauðan í framan þegar hann var að verja lögleiðingu vændis sem er auðvitað svartur blettur á íslensku samfélagi og þáverandi þingmeirihluta til skammar.

En áðan horfði ég á hann í ræðustól Alþingis taka svalaræðuna eins og sjálfur Laurence Olivier og hann brilleraði í funheitri vandlætingu á óvinum alþýðunnar í ríkisstjórninni sem væru að fokka upp heimilunum í landinu.

Kosningabaráttan úr ræðustól Alþingis er brilljant skemmtun.

Laurence vinurinn oflék hryllilega, SKK líka.

Í guðs bænum dramajafnið strákar mínir.

En annars skemmti ég mér konunglega.

Hækka ekki skatta á árinu

Athugasemdir

[Árni Gunnarsson, 9.2.2009 kl. 16:44]

Nú bíð ég eftir að Pétur Blöndal fari að tala með klökkva í rómnum og grátviprur á andlitinu um þá hungruðu öreiga á íslandi sem vinstri menn séu að svelta í hel.

[Steinar Arason Ólafsson (IP-tala skráð) 9.2.2009 kl. 16:46]

Lögleiðin vændis er nátturulega mesta skömm sem ég hef vitað um. Þessi saklausa þjóð sem gerir engum mein skuli hafa lögleitt vændi. Í öllum stéttum getur maður fundið úldinn hund.

Kveðja Steinar Arason

[ASE (IP-tala skráð) 9.2.2009 kl. 17:22]

LOL - Dramajafnið, er þetta ekki barasta nýyrði? En held að eigi eftir að koma að góðum notum á næstu vikum og mánuðum.

[Ásdís Sigurðardóttir, 9.2.2009 kl. 17:40]

Ég verð greinilega að fara að horfa á Alþingi, annarst leiðist mér lifandi bísn að hlusta á hvolpana á þingi sem halda að þeir hafi fundið upp, ja, just name it, þeir eru allavega bjargvættir "litla mannsins" í nútímanum, að þeirra mati.  SKK má alveg missa sig. (úr pólutík) mín vegna.

[Finnur Bárðarson, 9.2.2009 kl. 17:43]

"krúttlegt en ógeðslegt", slæm blanda sem ekki hæfir Sigurði Kára

[Einar Örn Einarsson, 9.2.2009 kl. 18:03]

Nú bara sé ég ekki á skjáinn vegna tára, slík eru tilþrifin.

Melódrama !

Legg til að Sigurður Kári verði tilnefndur til Eddunnar. Gott komment þetta með sorgarrendurnar hjá Búkollu, hún klikkar ekki.

[Hrönn Sigurðardóttir, 9.2.2009 kl. 19:09]

Ég datt út við bjór íbúðir.......

[María Guðmundsdóttir, 9.2.2009 kl. 19:13]

ok..bara kem ekki ordum ad thvi..svo læt thetta duga  SKK, madur althýdunnar...ok,afsakid medan ég fæ nidurgang..kem ad vørmu...

[Sigrún Jónsdóttir, 9.2.2009 kl. 20:51]

Æi, þeir eiga svo bágt greyin litlu og stóru

[Jenný Anna Baldursdóttir, 9.2.2009 kl. 20:55]

Þetta er nokkuð mikil skemmtun, þ.e. að horfa á þingið.  Órólega deildin er verulega óróleg.

[hilmar jónsson, 9.2.2009 kl. 20:58]

Árni: Pétur Blöndal hefur ávallt talað með klökkva og æsing um öreiga, en meira í þeim stíl: að það að vera öreigi, sé viðkomandi að kenna og að hann eigi ekki annað skilið.