Steingrímur hvatvísi

Steingrímur talaði við mann hjá Alþjóðagjaldeyrissjóðnum í dag.

Himnar opnuðust ekki.

Fjöllin standa enn.

Möndulhalli jarðar er sá hinn sami og fyrir símtal.

Alþjóðagjaldeyrirssjóðurinn mun enn vera að störfum.

Allir þar innan dyra munu vera kúl á því að reikna, nú eða í pásu að kjafta og svona.

Enginn maður liggur slasaður eftir svo vitað sé.

Sjúkkit, þarna hefði getað farið illa.

Steingrímur bara lyftir símanum og hringir í sjóðinn!

Oh, svo hvatvís hann Steingrímur J. 

Steingrímur ræddi við IMF í dag

Athugasemdir

[Þórður Möller (IP-tala skráð) 5.2.2009 kl. 01:04]

Hann Steingrímur er nú bara að sjá að hann getur ekki gert nein kraftaverk. Eina sem hann getur sagt nú að örugglega engin hefur tekið við eins slæmu búi og hann. Aumingja kallinn. Hann minnir mig nú alltaf svolítið á Georg Bjarnfreðarson.

[Einar Örn Einarsson, 5.2.2009 kl. 01:36]

Hehe rétt.

Nú er komið að því að gera í stað þess að tala, dálítið fyndið að sjá karakterbreytingarnar í liðinu sem er búið að skipta um hlutverk.

[Hildur Helga Sigurðardóttir, 5.2.2009 kl. 05:43]

Jahérna Jenný, Er jafn hissa og þú á því að Steingrímur skyldi ekki rústa IMF með einu símtali.   Hvernig datt líka fráfarandi ríkisstjórn í hug að leyfa þessum manni að hafa síma ?  (Þó varla óhleraðan ?) 

Og nú er hann kominn inn í ráðuneyti sem þau eiga !   Ósvífnin ríður ekki við einteyming !

Hvernig getur "þetta fólk" horfst í augu við fólkið í landinu ?  Eins og fráfarandi...

[Jónína Dúadóttir, 5.2.2009 kl. 08:01]

Núorðið eru gefin lyf við hvatvísi

[Hrönn Sigurðardóttir, 5.2.2009 kl. 08:31]

Jedúddamía...... hringdi hann? Ertu viss um að það sé allt í lagi? Hugsanlega er innviðir IMF að falla og enginn sér það....

[, 5.2.2009 kl. 09:23]

Hahahaha já að hugsa sér

[Heiða B. Heiðars, 5.2.2009 kl. 09:23]

Sögur herma að það sé búið að taka símaráðin af Steingrími

[Guðmundur Ásgeirsson, 5.2.2009 kl. 09:49]

Drottin minn dýri... hringdi hann í alvöru þangað? Og er ekki "friðargæslulið" á leiðinni til landsins nú þegar???

Ég meina, Hannes Hólmsteinn er búinn að senda neyðarkall til Financial Times vegna blóðugs valdaráns kommúnista hérna á skerinu og allez...

...eða er Hannes kannski eins og aðrir Sjálfstæðismenn búinn að gleyma að Washington gaf þeim puttann fyrir löngu síðan, nánar tiltekið 30. September 2006. Sorry Hannes, þeir eru ekkert á leiðinni að koma og bjarga ykkur, nanana-búbú!

[Helga Magnúsdóttir, 5.2.2009 kl. 10:34]

Steingrímur virðist halda að honum leyfist bara hvað sem er. Verður ekki að fara að gera honum ljóst að hann er bara íslenskur ráðherra og á ekkert að vera að þenja sig út um allar koppagrundir.

[Brjánn Guðjónsson, 5.2.2009 kl. 10:39]

uss já, hann er kaldur hann Joð.

verð annars að leiðrétta eitt. þetta hefur vissulega haft afleiðingar. möndulhallinn hefur minnkað um allavega eina gráðu síðan símtalið átti sér stað.

[halkatla, 5.2.2009 kl. 11:10]

loksins er semsagt einhver með viti að hringja útum hvippinn og hvappinn fyrir Íslands hönd - senn verðum við ekki lengur þekkt as the gimps of the world

[Jenný Anna Baldursdóttir, 5.2.2009 kl. 11:44]

Þeir eru enn að tuða um IMF eða voru í morgun.

Árni Matt er að drepast úr áhyggjum.

Ætlar Steingrímur að bylta öllum innviðum fjármálaaráðuneytisins?

Ætlar hann að eyðileggja hina frábæru vinnu sem Áddni hefur unnið?

Er ekki í lagi?