Af þjónum fólksins

Ég horfði á útsendinguna frá Alþingi áðan, eins og ég geri oft reyndar, og það jafngilti heilu skemmtiatriði, eða hefði gert væri landið ekki á haus og allt á vonarvöl.

Þvílíkt sjónarspil í boði arfabrjálaðra Sjálfstæðismanna.

Mér finnst dapurlegt ef að Sjálfstæðismenn fullir af heift yfir nýrri stöðu sinni, ætla að láta eins og keipakrakkar sem leikfangið hefur verið rifið af og tefja störf þingsins.

Hver á fætur öðrum komu þeir í pontu og þeir áttu ekki orð yfir ósvífni MINNIHLUTARÍKISSTJÓRNARINNAR (hefði átt að telja hversu oft þeir hnykktu á því) að halda ekki Sturla Böðvarssyni áfram sem forseta þingsins.  ÞEIRRA MANNI eins og Arnbjörg Sveinsdóttir réttilega sagði.

Að þingmeirihluti vilji skipta um forseta heitir nú aðför að persónu Sturlu Böðvarssonar.

Sjálfstæðismenn hafa átt þingforsetastólinn í 18 ár samfellt.

En um þá gilda vitanlega aðrar reglur.

Sér einhver þá í anda bjóða minnihluta þingsins upp á forsetaembættið?

Halló.

Ég veit að það er ljótt að láta hlakka í sér yfir "óförum" annarra en mikið skelfing gleður það mig að Sjálfstæðisflokkurinn fái smá æfingu í minnihlutasetu.

Ég ætla að vona að sá skóli vari út næsta kjörtímabil að minnsta kosti.

Að fjórum árum liðnum gæti verið farið að örla á smá auðmýkt sem nauðsynleg er öllu fólki og sérstaklega þjónum fólksins.

Því alþingismenn eru ekkert annað en þjónar fólksins.

Það væri mörgum hollt að muna á milli kosninga.

Ójá.

Gagnrýna forsetaskipti

Athugasemdir

[Stefán (IP-tala skráð) 4.2.2009 kl. 15:39]

Þeir sem ætla sér að kjósa Sjálfstæðisflokkinn í næstu alþingiskosningum hafa klárlega greind langt undir meðallagi.

[Halldór Halldórsson, 4.2.2009 kl. 15:50]

Það kemur ekkert á óvart að vinstra liðið minnist ekki einu orði á áralanga kröfu Steingríms Joð um að stjórnarandstaða hverju sinni tilnefni þingforseta; enda standa öll prinsipissin þeirra Vinstri Grænna ekki stundinni lengur en það tekur að leggja ráðherrabílnum í stæði.

[Auður Proppé, 4.2.2009 kl. 17:23]

Kjósum fólk ekki flokka

[Hildigunnur Rúnarsdóttir, 4.2.2009 kl. 17:27]

Halldór, það er bara ekki einum einasta Sjálfstæðismanni treystandi... :P

[Jenný Anna Baldursdóttir, 4.2.2009 kl. 17:31]

Halldór: Get over it, geimið er tapað.

Auður: Helst enga flokka í kosningum sko.

Hildigunnur: Góð.

Stefán: Hehe, ekki fjarri lagi amk. þessa dagana.

[linda (IP-tala skráð) 4.2.2009 kl. 22:24]

Mér finnst nú bara sanngjarnt að sjálfstæðisflokkurinn verði í stjórnarandsstöðu næstu 18 árin