Hvað er satt og hvað logið?

Ég veit ekki hvað greiðslustöðvun inniber svona upp á punkt og prik en góð er hún ekki.

Allt að fara í hundana bara?

En ég sá að Jón Ásgeir heldur því fram að Davíð neiti að víkja úr Seðlabanka nema Baugur verði gerður gjaldþrota fyrst.

Stundum er það sem manni er sagt svo ótrúlegt að það tekur lélegasta reyfara langt fram.

Ef það er rétt að Davíð gengur svona langt þá er maðurinn stórhættulegur (sko hættulegri en þegar er borðleggjandi).

Ef Jón Ásgeir er að ljúga þá er hann stórhættulegur og mannorðsmorðingi í þokkabót.

Hvers lags heimur er á bak við tjöldin?

Æi ekki segja mér það í smáatriðum, það endar með því að trú mín á mannkyni bíður illilegan hnekki.

Eru engir góðir gæjar í viðskiptum?

Nú eða í Sjálfstæðisflokknum (djók, eða ekki)?

Meira ruglið.

Baugur í greiðslustöðvun

Athugasemdir

[Þröstur Unnar, 4.2.2009 kl. 13:55]

Ég er góður og í viðskiptum.

[Þröstur Unnar, 4.2.2009 kl. 13:56]

Mér finnst ég í raun betri en ég gerði mér grein fyrir.

[Hrönn Sigurðardóttir, 4.2.2009 kl. 14:04]

Ég er alveg hrikalega góður viðskiptavinur.......

[P.Valdimar Guðjónsson, 4.2.2009 kl. 14:05]

Ég held með báðum.  JÁJ og DO.     Öðrum reyndar aðeins meira en hinum.    En óneitanlega hefur gengið fallið síðustu mánuði.  Það hefur orðið velgengisfall  hjá báðum.

Kommon.  Þetta er nú ekkert nýtt.   Á eigin miðli pantar JÁJ viðtal hjá blaðamanni. Eða blaðamaðurinn öfugt hjá eiganda sínum og skaffara.   Hvað kemur síðan fram?   Sama og alltaf áður.  "Þetta er allt öðrum að kenna.   Þetta er persónuleg hefnd á mér og mínum (eignum).           Alveg sama rullan og þegar Glitnir rúllaði.   Það var allt öðrum að kenna.  Í því tilviki Seðlabankanum.  Seðló vildi ekki ausa láni frá almenningi til Glitnis einungis til að honum væri bært að lifa nokkrum dögum lengur.   Ástæðan var einfaldlega sú að allar lánalínur um allan heim voru lokaðar og eru enn.   

[Vignir (IP-tala skráð) 4.2.2009 kl. 14:12]

Davíð hættulegur? eflaust

....en þetta voldugur? komm on. Er ekki bara algengt hjá þeim sem eru ekkert voða fótvissir í sínu að kenna öðrum um allt, alkahólísk hegðun anyone?

[Jenný Anna Baldursdóttir, 4.2.2009 kl. 15:11]

Vignir: Ég er anyone, alki og alles og jú ég kannast við það að kenna öðrum um á ákveðnu stigi.

En þetta er lyginni líkast þessar ásakanir sem fljúga á víxl.´

Auðvitað hefur maður séð að Davíð neitar sér um fátt þegar hann hefnir sín (Brúðkaup ÓRG) og svo er litli grís örugglega ekki vandur að meðölum heldur.

Setjum þá báða í meðferð.

[Halla Rut , 4.2.2009 kl. 15:32]

Bara eitt sem fáir hafa veitt athygli í öllu þessu; hvaða góða persónulega samband á Jón Ásgeir við einhvern hátt settan úr Sjálfstæðisflokknum að hann hringi persónulegt símtal í Jón og blaðri þessu í hann?

Hér er Jón Ásgeri kannski að segja okkur meira en hann ætlaði sér.