Ríki í ríkinu

Halldór Blöndal ásakar forsætisráðherra um einelti.

Mikið skelfing finnst mér það verndara Davíðs til minnkunar að grípa til þessarar lýsingar á eðlilegri kröfu forsætisráðherra sem er þarna að orða háværa kröfu meirihluta þjóðarinnar.

Það er ekkert óeðlilegt við að Seðlabankastjórarnir segi af sér.

Finnst öllum sem hugsa öðruvísi en á beinum flokksnótum.

Einelti er lýsing á skelfilegu ofbeldi sem beinist oftast að börnum og unglingum.

Mér finnst reyndar að þetta orð sé gróflega ofnotað í málinu og að það gengisfelli hina skelfilegu reynslu þeirra sem verða fyrir ofbeldinu.

Ríkisstjórnin gaf sig vegna þrýstings frá almenningi og með réttu.  Átti að gera það miklu fyrr.

En Seðlabankastjórarnir hopa hvergi.

Þeir eru eins og ríki í ríkinu. 

Svara ekki síma, tala ekki við nokkurn mann.

Í fleiri vikur hafa fréttamenn reynt að fá viðtal við Davíð Oddsson, á ögurstundu þjóðarinnar, en nei, maðurinn er ekki í stuði.

Svörtuloft virðast mér vera hin eiginlega valdastofnun í þessu þjóðfélagi.

Og eitthvað segir mér að það sé ekki nóg að reka Davíð úr vinnu.

Að um hann gildi aðrar reglur.

Svo er að bíða og sjá.

Yfirlýsingar jaðra við einelti

Athugasemdir

[, 3.2.2009 kl. 10:55]

Já eins og Vatíkanið nem jafnvel enn spilltari. Barnaskapurinn alger - sést ekki = er ekki. Út með þetta spillingarlið og það strax.

[Ár & síð, 3.2.2009 kl. 11:05]

Fjórir bankar fóru (a.m.k tæknilega) á hausinn í haust og ríkið varð að bjarga þeim öllum. Bankastjórum þriggja þeirra var sagt um strax en beðið var með Seðlabankamenn. Ástæðan kom aldrei fram en nú á að ljúka verkinu og kominn tími til.
Matthías

[Ásthildur Cesil Þórðardóttir, 3.2.2009 kl. 11:12]

Hvernig væri að girða þessi svörtuloft af, loka símanum til þeirra og slíta stjórnmálasambandi við stofnunina.  Þeir geta þá leikið sér þarna að vild, en hefðu engin völd.  En fyrst þyrfti auðvitað að ná gíslunum út úr bankanum, ásamt gullinu

[Jónína Dúadóttir, 3.2.2009 kl. 11:33]

Það er ekki einelti að fara fram á að óhæft fólk hætti í vinnunni sinni ! Það er eðlileg krafa og viðgengst á öllum vinnustöðum... nema í Seðlabankanum

[Sigurbjörg, 3.2.2009 kl. 11:58]

Dabbi er trúlega ennþá í hlutverki Bubba kóngs. En því miður virðist hann ekki nógu vel gefinn til að sjá að hans tími er löngu liðinn.

Að Halldór sé gjammandi einhverja vitleysu er ekkert nýtt, amk man ég ekki eftir neinu öðru en gjammi og hávaða frá honum, man ekki eftir neinu af viti sem komið hefur frá honum