Pólitískar slysabætur?

Var að hugsa um eftirlaun áðan á meðan ég gekki um.  Var að æfa mig í að hugsa og ganga.  Gekk nokkuð vel bara.

Skil ekki alveg þetta eftirlaunafyrirkomulag en það er bara eitt af mörgu sem ég næ ekki að ryðja nothæfu í gegnum heilabússvinnsluna.

Sko, ef þú ert búin/n að vera ráðherra í meira en eitt ár samfellt þá áttu rétt á 12 mánaða biðlaunum.

Næ því, tékk.

Allir fráfarandi ráðherrar Sjálfstæðisflokksins eru alþingismenn.

Tékk, tékk.

Þær færa sig um sæti í vinnunni, fara af háborði yfir á lágstól og fá 335 þúsund ofan á alþingismannalaunin sín í 12 mánuði vegna aðeins minna skrifborðs, olnboga- og fótarýmis.

(Ekkert tékk)

Pólitískar slysabætur?

Olnbogabætur?

Hnésbætur?

Árni Matt ætlar að taka sín biðlaun og hefur nú þegar látið það berast þannig að enginn gangi nú um með væntingar um  fagurt eðli og hegðun til eftirbreytni, þegar hann á í hlut.

Hann segist vanur að taka því sem að honum er rétt!

Það kallar á ýmsar spurningar Árni minn?

Einhver annar en ég gæti stokkið á þetta svar og spurt sí svona hvort þetta eigi við um allar greiðslur sem þér bjóðast?

Bæði ofan og neðan borðs?

Nei, það getur ekki verið, ljótt af mér að fabúlera svona en þú verður að gæta orða þinna karlinn minn.

Svo ætla ég að segja eins og börnin:

Glætan að einn einasti af fráfarandi ráðherrum Sjálfstæðisflokksins afþakki biðlaun.

Þeir eiga þennan rétt samkvæmt lögum og þeir fara ekki að gerast lögbrjótar, ónei, haraldurá hafsbotni.

Later.

Ráðherrar afsali sér biðlaunarétti

Athugasemdir

[Óskar Þorkelsson, 30.1.2009 kl. 23:11]

góð að vanda :)

[Sigrún Jónsdóttir, 30.1.2009 kl. 23:43]

Á ekki von á að sjallarnir afsali sér þessum rétti, en það verður fróðlegt að vita hvort samfylkingar "niðursetningar" geri það....Björgvin hefur nú þegar afþakkað biðlaunin.

[Jóna Kolbrún Garðarsdóttir, 31.1.2009 kl. 00:37]

  þessum mönnum er ekkert heilagt. 

[Hildigunnur Rúnarsdóttir, 31.1.2009 kl. 00:45]

Sjáum til

Ég er samt ekkert gríðarlega bjartsýn...

[Ásdís Sigurðardóttir, 31.1.2009 kl. 01:27]

Síðan þín er að verða eins og aldingarður, rock on woman. 

[Ingibjörg Hinriksdóttir, 31.1.2009 kl. 01:29]

Hjartanlega er ég sammála þér. En elsku Jenný, þessi settering á blogginu ... ert þú ekki að grínast?

[Jenný Anna Baldursdóttir, 31.1.2009 kl. 01:37]

Þetta er litur nýrrar stjórnar.  Hvað er að börnin góð?

Hélt að allir yrðu svo glaðir með þessa liti.

[Ía Jóhannsdóttir, 31.1.2009 kl. 05:58]

Heheheh jóla hvað?  Annars bara góðan og blessaðan daginn Jenný mín.

[Hrönn Sigurðardóttir, 31.1.2009 kl. 07:45]

Árni þáði líka bætur fyrir dætur sínar, eigandi lögheimili í Þykkvabænum, sem ég efast um að hann viti hvar er.............

Segi það enn og aftur: Sjálfstæðismenn eru eins og hver önnur andleg eyðimörk.

[Hrönn Sigurðardóttir, 31.1.2009 kl. 07:49]

....og varðandi litinn á siðunni - þá væri náttúrulega óskastaðan að geta tekið græna litinn út þar sem hinn nýji, ungi og af svo mörgum kallaður efnilegi, formaður virðist vera að falla ofan í sama grægispyttinn og aðrir sem hafa nálægt ríkisstjórn komið sl. 17 ár eða svo.....

[Bergljót Hreinsdóttir, 31.1.2009 kl. 10:19]

Alltaf góð!!!!

[Ingibjörg Hinriksdóttir, 31.1.2009 kl. 12:07]

Sjúkk maður, ég skildi þetta bara ekki í nótt! Hef sennilega verið með óráði. Í dagsbirtu lítur þetta miklu betur út!