Kreppan hefur náð mér alla leið!

Ég er ekki vön að segja frá draumum mínum, enda hundleiðinlegt fyrir hlustandann, þið vitið ég var á Laugavegi sem var ekki Laugavegur heldur Oxford Street, með manninum mínum sem var ekki maðurinn minn heldur Charlton Heston (martröð).

En nú get ég ekki látið hjá líða að segja frá þremur ördraumum sem sérfræðingur á vettvangi hefur þýtt jafnóðum og þeir hafa komið í hús (höfuð).

Um daginn dreymdi mig að ég sæi samankominn þingflokk Sjálfstæðisflokksins þar sem þeir voru með blaðamannafund fyrir utan Núllið í Bankastrætinu.

Þeir voru samróma um að þeir þjáðust af harðlífi!

Sérfræðingur á vettvangi túlkaði þetta strax.  Enginn mannaskítur, ekkert fjármagn.

Svo dreymdi mig ráðherra sömu stjórnar hvar allir voru nauðasköllóttir og var til þess tekið hvað þessi nýja greiðsla fór starfandi menntamálaráðherra vel.

Sérfræðingur var ekki í vandræðum: Ekkert hár, ekkert fjármagn.

Þann þriðja dreymdi mig rétt fyrir birtingu í morgun, hvenær ég hrökk upp svitastorkin og skelfingu lostin.

Í draumnum stóð ég í Bónus og var að þrefa við afgreiðslukonu vegna ónýts kattarfóðurs sem ég hafði keypt á kvöldverðarborðið fyrir okkur á kærleiks vegna fátæktar.

Bónuskonan (sem var ekki kona heldur Jón Ásgeir) vildi ekki greiða mér til baka, heldur láta mig fá nýjan kattarmat.

Við slógumst og tuskuðumst til, ég var mjög reið.  Ég veinaði og grét.  "Peningana mína, peningana mína" ég grét með þungum ekka.

Það er skemmst frá því að segja að ég gjörtapaði málinu.

Draumarnir segir mér bara eitt, að kreppan hefur náð mér alla leið. 

Einkum með tilliti til þess að slagsmál í draumi númer þrjú voru upp á 178 krónur íslenskar.

Hér þurfti engan sérfræðing til túlkunar og Geir ekki reyna að fegra ástandið!

Cry me a river!

Gera of mikið úr vandanum

Athugasemdir

[Vignir (IP-tala skráð) 30.1.2009 kl. 14:28]

Hver þarf að drekka ofaní geðlyf sem dreymir svona...

....þetta er rólerkósterræd í hvert sinn sem þú hrýtur!

Ég öfunda þig.

[Þröstur Unnar, 30.1.2009 kl. 14:30]

Er nýji fjármálaráðherran ekki hárlaus?

Sveet dreames..........

[Þröstur Unnar, 30.1.2009 kl. 14:30]

n

[Erla (IP-tala skráð) 30.1.2009 kl. 14:50]

Ekki segja mér að þú verslir ennþá í Bónus?

[Jenný Anna Baldursdóttir, 30.1.2009 kl. 15:03]

Erla: Nebb, aldrei og ekki Hagkaupum heldur. 

Þröstur: Það er ekki af fjárskorti, það er af lífefnafræðilegum hvötum júsí.

Vignir: Múha ég er á þunglyndis og þarf ekki að drekka ofan í þau til að hafa skemmtilegt á nóttunni offkors.

[Vignir (IP-tala skráð) 30.1.2009 kl. 15:36]

Droppa þunglyndislyfjum, fara frekar út að labba í klukkutíma á dag og hafa hemil á helvítis hugsununum, maður má ekki sleppa heilanum lausum ;)

Berglind, mana þig til að prófa Fjarðarkaup, alveg dásamlega retro og yndislegt

[Sigurður Ingi Jónsson, 30.1.2009 kl. 15:39]

Vera bjartsýn eins og Geir og maðurinn sem féll ofan af þaki Empire State Building. Það heyrðist til hans þegar hann féll framhjá opnum glugga á 47. hæð: "So far, so good"...

[Þröstur Unnar, 30.1.2009 kl. 15:43]

Þegar þessu brölti er lokið hjá VG og Samúel, þá fáum við mann með hár í stólinn, krullað hár.

[María Guðmundsdóttir, 30.1.2009 kl. 16:30]

góda helgi Jenný já og verum bjartsýn....."minn afturendi"...sorry..

[, 30.1.2009 kl. 17:34]

Hvílíkar martraðir  Vona að draumstöðvarnar róist með nýrri ríkisstjórn og tiltekt í Seðlabanka og fleiri "góðum" stöðum

[Kolbrún Kvaran, 30.1.2009 kl. 17:49]

Það er nú bara alveg hreint mega að lesa færslurnar þínar!!

"Ein Jenný á dag kemur skapinu í lag"

Hendum þunglyndislyfjunum og lesum Jenný!!

[Guðríður Hrefna Haraldsdóttir, 30.1.2009 kl. 19:09]

Ef ég man þetta rétt þá ætti síðasti draumurinn að vita á eintóma hamingju og hlátur. Að gráta í draumi er víst ógurlega gott! Þannig að ... don´t worry!

[Linda Linnet Hilmarsdóttir, 30.1.2009 kl. 21:06]

knús knús í hús ljúfust frá okkur.....

[Hrönn Sigurðardóttir, 30.1.2009 kl. 21:48]

Jenný!! plíííís, þessir litir drepa mig - ef framsókn tekst það ekki fyrr. Eruð þið í einhverju mission saman?

[Jenný Anna Baldursdóttir, 30.1.2009 kl. 22:43]

Þessi litur er nýja stjórnin.

Ókei, ég skal tóna þennan græna Hrönnsla.

[Sigrún Jónsdóttir, 30.1.2009 kl. 22:48]

"Vondur draumur mar"  tek undir með Hrönn...vona bara að niðurstaðan verði utanþingsstjórn ef þú ætlar að halda þessum litum á meðan væntanlegt stjórnarsamstarf varir....

[Margrét St Hafsteinsdóttir, 30.1.2009 kl. 23:10]

Þetta er snilldar draumafærsla

[Hrönn Sigurðardóttir, 31.1.2009 kl. 07:43]

þeinkjú.