Hjónaskilnaður á fullu blasti

Allir sem lesa síðuna mína vita að ég hef átt fjölmarga eiginmenn.  Jájá.

Þar sem ég hef skilið við einn til að giftast öðrum nokkuð reglulega þá þekki ég skilnaði alveg út í hörgul.  Ég er nú hrædd um það.  Vanir menn, vönduð ... þið vitið.

Áður en lengra er haldið þá er best að segja að ég ýki mjög sjaldan og aldrei í sambandi við hjónabönd mín sem hafa gert mig að eftirsóttum skilnaðarráðunaut víða um heim.

Enda bíð ég við síman í þessum rituðum orðum.

En aftur að skilnaði dagsins.

Nú haga stjórnarflokkarnir sér eins og hjón í skilnaði.

Reyndar hagar Sjálfstæðisflokkurinn sér eins og aðilinn sem vill ekki skilja og er ofboðslega ósáttur við makann sem er stokkinn á brott og kominn á glænýjar biðilsbuxur.

Makann sem jafnvel er kominn í hálfgildings hankípankí með öðrum.

Ásakanirnar koma á færibandi frá þingmönnum flokksins og ráðherrum.

Þeir nota þar sína uppáhalds ásökun á andstæðinga í pólitík sem er orðin svo þreytt og bitlaus að maður brosir bara og reynir að umbera þessi krútt.

Samfylkingin er ekki starfhæf, segja þeir.  Allt í glundroða á þeim bæ.  Þeir geta ekki hagað sér á meðan mamman bregður sér frá og þá gera þeir allt vitlaust.

Hún er svo tætt Samfylkingin klykkja þeir út með.  Svei og skamm.

Það er ekki til verri glæpur í pólitík í augum íhaldsins en óþekkt í flokki.

Að einhver segi skoðun sína áður en að slá fyrst á til formanns og fá leyfi.

Ein rödd einn flokkur er þeirra mottó.

Það er nú meira hvað það skilar miklu.

En.. nú veit ég ekkert hvað verður frekar en aðrir.

Það eina sem ég veit er að ég vill fá breytta stjórnarskrá, meira lýðræði og minni flokkavald.

Ég vil fá að kjósa fólk.

En ég verð að játa að þegar ég horfði á Ingibjörgu Sólrúnu á blaðamannafundinum í morgun þá sá ég glitta í gömlu góðu ISG, þessa konu sem mér finnst frábær.  Það kviknaði örlítill baráttublossi í hjartanu á mér sem ég tengi einkum við gamla bardaga sem voru eldheitir.

Það er greinilega stórhættulegt úteislun fólks að starfa með Sjálfstæðisflokknum.

Svo er eitt að lokum, en samt ekki að lokum, mikið ofboðslega fer í taugarnar á mér hvað veist er að honum Steingrími J. og honum ætlaðir alls kyns hlutir, eins og að skila láninu frá IMF.  Maðurinn sagðist vilja sjá skilmálana.  Andið róleg.

Djöfuls hræðsla er þetta.

VG bjuggu ekki til þetta hrun.  Voru algjörlega fjarverandi á meðan græðgisfurstarnir tóku okkur í görnina í stærsta bankaráni sögunnar.

Skrifa undir hér

Samfylkingin ekki starfhæf

Athugasemdir

[Ævar Rafn Kjartansson, 26.1.2009 kl. 15:11]

Drífðu þig niður á þing og veittu þeim skilnaðarráðgjöf. Svo getur þú bent ISG á hvern hún á að deita.

[Jenný Anna Baldursdóttir, 26.1.2009 kl. 15:15]

Ævar: Best ég geri það.  Þetta fólk leitar hvort sem er aldrei til réttu ráðgjafana.  What can I say? 

[Anna Margrét Bragadóttir, 26.1.2009 kl. 15:15]

'Eg er sammála þér í því að ég vil fá að kjósa fólk 

[, 26.1.2009 kl. 16:08]

Ekki meira flokkapot. Helst utanþingsstjórn en að öðrum kosti eintaklinga.

[Jón (IP-tala skráð) 26.1.2009 kl. 16:36]

Steingrímur sagði reyndar í sjónvarpsviðtali að hann vildi skila láninu en reyndi svo að draga í land síðar þegar hann sá hvers konar fjarstæðu hann var að tala um.

Það má reyndar velta því fyrir sér hvort ástandið sé kannski ekkert svo slæmt eftir allt saman ef við getum bara skilað öllum lánunum og minnkað allan niðurskurðinn eins og Steingrímur vill gera. Það væri betur ef svo væri.

[Sigrún Jónsdóttir, 26.1.2009 kl. 16:52]

Ef þú verður kölluð til í hjónabandsráðgjöf....í guðana bænum ekki bjarga síðasta ríkisstjórnar "hjónabandi"

[Jenný Anna Baldursdóttir, 26.1.2009 kl. 17:17]

Sigrún mín sko ég er sérfræðingur í MISHEPPNUÐUM hjónaböndum.

Þess vegna reikna ég með að það verði kallað í mig til að skilja ENDANLEGA á milli.

[Ía Jóhannsdóttir, 26.1.2009 kl. 17:56]

Mér sýnist vera hrikalega erfið vinna framundan. 

[Jón Arnar, 26.1.2009 kl. 18:47]

Og ekki fer ástandið neitt batnandi næstu vikurnar - nú fer allur tíminn í að verða sammála um að vera ósammála um að vera samála

[Steingerður Steinarsdóttir, 26.1.2009 kl. 19:19]

Ég er ekki alveg sammála þér Jenný með Vinstri græna. Þeir sátu á þingi þótt þeir hefðu ekki völdin. Þeir hefðu geta beitt sér meira, hlustað eftir varnaðarorðum og sýnt virkara andóf. Ekki eins stór synd og hinna en synd vanrækslu samt. Tek hins vegar heils hugar undir áskorunina um Nýtt lýðveldi. Það er leiðin.

[Magnús Geir Guðmundsson, 26.1.2009 kl. 19:31]

Hversu mörg eru þau, hversu mörg kella mín?

[Linda Linnet Hilmarsdóttir, 26.1.2009 kl. 20:20]

Knús knús í hús og ljúfar góðar kveðjur......

[Jenný Anna Baldursdóttir, 26.1.2009 kl. 20:42]

Fjöldi hjónabanda ekki gefin upp.  Einkamál í héraði.

Fyrir utan að það tekur spennuna úr fullyrðingunni um mína fjölmörgu eiginmenn.

Múha.

[Steingrímur Helgason, 26.1.2009 kl. 20:52]

Í smátíma hafði ég áhyggjur & tók upp huglæga áfallahjálparsettið.

Svo áttaði ég mig á því að þú varzt bara að mala um pólitík.

Zkamm...

[Ævar Rafn Kjartansson, 26.1.2009 kl. 21:23]

Hjónabönd eru ekkert misheppnuð þó þeim ljúki. Þau eru bara mislengi heppnuð. Hjónaband Ingibjargar og Geirs var velheppnað meðan þau þurftu ekki að tala saman. Svo voru þau náttúrulega með erfið börn úr fyrri hjónaböndum. Já og geðstirðan fósturpabba Geirs.