Og stjórnin fauk en hvað svo?

Þar fauk stjórnin.

Löngu, löngu tímabært.

Auðvitað er það hið besta mál en það sem sló mig eins og blautur þvottapoki í andlitið er eftirfarandi:

Flokkahagsmunir eru ofar þjóðarhag, nú eftir sem áður.

Forgangsröðunin er skýr, flokkurinn fyrst svo kemur þjóðin með ef hún vill.

Sjálfstæðisflokkurinn gat ekki látið eftir forsætisráðuneytið, af því bara sagði Geir það getum við ekki sætt okkur við.

Skýring Geirs á ástæðunni fyrir að svona er komið er að stærstum hluta vegna þess að Samfylkingin er sundruð, tætt og hver höndin upp á móti annarri.

Geir vill hafa forystu í þjóðstjórn, enda hefur vinnan eftir hrun gengið alveg prýðilega.

Geir hefur áhyggjur af áliti heimsins, hvað mun fólk halda?  Mun það missa allt traust á íslenskum stjórnvöldum?

Geir er sem sagt ekki ljóst að enginn hefur trú á íslenskum stjórnvöldum, ekki kjaftur í útlöndum.

Það sem mér fannst nánast lamandi er sú staðreynd að Geir minntist ekki orði á fólkið í landinu.

Sú staðreynd að tiltrú almennings um allt land á stjórninni er löngu farin virðist gjörsamlega hafa farið fram hjá ráðherranum.

Hann sendi okkur ekki einu sinni kveðjur (jeræt, beið alveg með öndina).

Svo kysstust þau bless hann og ISG.

Geir fullyrti við Höllu Gunnars þingfréttaritara að ástand mála er ekki honum að kenna.

Hann hefur ekki brugðist.

Gott fólk ég er með upp í háls af flokkakerfinu.

Er einhver hissa á því?

Áfram grasrót, nýtt fólk og frjóir heilar af öllum stéttum, um allt land á öllum aldri.

Nú er lag, leggjum í púkkið.

Nýtt lýðveldi.

Stjórnarsamstarfi lokið

Athugasemdir

[Birna Dis Vilbertsdóttir (IP-tala skráð) 26.1.2009 kl. 14:46]

Gott mál að ný stjórn komi.En það er eins gott að Steingrímur standi sig eftir öll diguryrðin undanfarin ár.Mér finnst kallinn óþolandi leiðinlegur og er óþolandi oft sammála honum.Vonandi eru þetta breytingar til góðs.

[Anna , 26.1.2009 kl. 14:48]

Það gefur alveg augaleið að ríkisstjórnin fell vegna þess að Geir vildi ekki að Davíð flokkbróðir hans víki.

[Ásthildur Cesil Þórðardóttir, 26.1.2009 kl. 14:54]

Já Jenný mín nú er að bíða og sjá.  Góð ertu alltaf.

[Svanur Gísli Þorkelsson, 26.1.2009 kl. 15:08]

Já nú setjast öll goðin á ráðstóla (ekki nógu margir ráðherrastólar hvort eð er fyrir alla.

Þessi uppákoma minnir um margt á orð Alec Guinnes í stórmyndinni Arabíu Laurence þegar að Laurence er búinn að taka Damaskus og stríðinu er lokið. " Stríð eru háð af ungum mönnum, en um friðinn samið af hinum aldrei" segir sheikinn.  Þetta er vitanlega Arabískt háð en það á vel hér heima. Mótmælendur hafa sem sagt  lokið hlutverki sínu, nú taka alvöru-pólitíkusar við málunum...

[Svanur Gísli Þorkelsson, 26.1.2009 kl. 15:10]

...samið af hinum eldri" átti þetta að vera

[Jenný Anna Baldursdóttir, 26.1.2009 kl. 15:10]

Svanur: Frábær samlíking en mótmælin hætta ekki strax.  Davíð situr enn.  Framhald óljóst. 

Takk Ásthildur mín.

Takk fyrir innlegg.

[Rut Sumarliðadóttir, 26.1.2009 kl. 15:25]

Gæti ekki orðað þetta betur!

[Vala Guðbjartsdóttir (IP-tala skráð) 26.1.2009 kl. 18:37]

Ekki degi of seint?  :)

[Jenný Anna Baldursdóttir, 26.1.2009 kl. 20:32]

Vala: Takk fyrir ábendinguna.  Hahahaha, rosalegt miss er þetta.