..eins og iðnaðarmaður á sterum

Ég skil vel þá skoðun Jóns Bjarnasonar þingsmanns VG á að heilbrigðisráðherra eigi að segja af sér en það er mun líklegra að Jón Ásgeir kaupi sér íbúð í verkó.

Óskhyggja kæri Jón.

Ég hef reyndar aldrei séð neina glóru í að láta frjálshyggjumann í þetta embætti.

En mergurinn málsins er þessi;

Guðlaugur Þór er að sinna hugðarefni sínu kæru Íslendingar.

Sem er auðvitað að þjösnast á heilbrigðisþjónustunni, minnka aðkomu ríkisins að henni og færa stóra hluta hennar til einkaaðila.

Nú er kjörið tækifæri fyrir Guðlaug Þór að láta til skarar skríða.  Það er komin kreppa, príma kjörlendi fyrir niðurskurð þar sem síst skyldi.

Spara, spara, spara og skera niður.  Það hvín í niðurskurðaröxinni.  Hviss og bang.

Það má þó segja þessum ástmanni frjálshyggjunnar til hróss að hann er að vinna vinnuna sína, blóðugur upp að öxlum að vísu en iðinn sem iðnaðarmaður á sterum.

Sem er meira en hægt er að segja um stóran hluta ríkisstjórnar.

Hefur einhver séð Björgvin G nýlega?  Mér datt það svona í hug af því að hann er ráðherra bankamála og hér hafa bankar farið á hausinn og allt er í upplausn í þjóðfélaginu.

Ó, kannski hann hafi gleymt því, nú eða einhver ekki látið hann vita.

Eða þeir hinir sem hvorki sjást né heyrast á þessum örlagadögum.

Enn í jólafríi?

Maður spyr sig.

Og þið kæru kjósendur Sjálfstæðisflokksins sem örkuðuð röggsamlega inn í kjörklefann í hitteðfyrra og settuð X við D.

Þið ættuð að hafa verið meðvituð um að íhaldið hefur aldrei lagt sig fram um að standa vörð um heilbrigðis- og félagsmálageirann.

Þið getið vart verið í alvörunni hissa og sár - ha?

Maður á ekki að segja svona en af því ég er komin með upp í kok af öllum sofandahætti landsmanna minna, til dæmis þeim sem sitja og býsnast og hneyklast yfir klæðaburði mótmælenda þá segi ég við ykkur.;

I frigging told you so!

 

Ráðherra segi af sér

Athugasemdir

[Þröstur Unnar, 8.1.2009 kl. 14:49]

Ég hef alltaf hneysklast á ungu fólki sem þrífur sig ekki, gengur með ullarfrollur yfir síðu klepruðu hári og segist elska Ísland.

Aha. ég var fyrstur núna..........

[Lísa Björk Ingólfsdóttir, 8.1.2009 kl. 14:56]

Það hlýtur að vera erfitt að vera fyrirskipað að skera fjárlög til heilbrigðismála niður um 6,7 milljarða þegar frekar þyrfti að auka fjárlögin.  Vildi ekki vera í hans sporum........

[Lára Hanna Einarsdóttir, 8.1.2009 kl. 15:05]

Ég get ekki verið annað en sammála þessu. Skrifaði sjálf pistil um þetta í nótt, enda ennþá í sólarhringsviðsnúnigi eftir jólin og áramótin... 

[Sigrún Jónsdóttir, 8.1.2009 kl. 15:35]

Sammála og vel að orði komist eins og venjulega.

[Jónína Dúadóttir, 8.1.2009 kl. 15:38]

Ég hætti auðvitað að lesa eftir setninguna "Maður spyr sig", það sem kom þar á eftir er ekki ætlað mérÞað er alltaf verið að skera niður í heilbrigðismálum... mig vantar að sjá skorið niður á fleiri sviðum, tek sem dæmi utanríkisþjónustuna...

[Helga Magnúsdóttir, 8.1.2009 kl. 15:43]

Það er ekkert skorið niður í lúxusnum sem þetta fólk hefur komið sér upp og er orðið vant. Meira að segja nýbúið að hækka framlög til stjórnmálaflokka. Mér dettur samt eitt í hug sem ég vildi vita. Borgaði ríkið allan sjúkrakostnað ISG en mömmu hennar Ellu Dísar var neitað um aðstoð?

[Ía Jóhannsdóttir, 8.1.2009 kl. 16:48]

Norðmenn syngja um það að jólin nái alveg til páska svo hva....

[Júlíus Garðar Júlíusson, 8.1.2009 kl. 16:51]

Heyr heyr

[Ævar Rafn Kjartansson, 8.1.2009 kl. 16:56]

Það virðist vera einhver keppni í gangi milli ráðherranna um hver þeirra sé mesta fíflið. Guðlaugur kemur sterkur inn með þessum „skemmtilega“ afleik óhugsuðum útfrá öðru en tölfræðikúnstum frjálshyggjunnar. Hvort Geir eða Grani (BB) eigi svo vinninginn eða dýralæknirinn ætla ég ekki að dæma um en Ingibjörg með sína skoðun á hverjir séu þjóðin og nýjasti álhausinn í Iðnaðarráðuneytinu fylgja þeim fast á eftir. Eina leiðin fyrir Kristján Möller til að komast inn í leikinn er að grafa göng til Eyja!