Vanir menn og vönduð vinna

 

 

Fólk hefur missjúkan húmor. 

Sumir svo sjúkan að manni nánast blöskrar. (Ég er svo sjúk að ég brosti, ók hló, þetta er svo bilað stönt).

Eða var þetta kannski ekki til gamans gert, var þetta tilraun til fjársvika?

Djöfuls spilling á Hrauninu ef rétt reynist.

Algjörar helvítis glæpajurtir þar innan dyra.

Ég hélt að alvöru glæpamenn væru allir UTAN girðingar!

Þetta verður ekki fyrirgefið.

Fangarnir Knold og Tot eru að gera eitthvað vitlaust.

Snúa sér til eigenda gömlu bankanna drengir.

Þar eru vanir menn og vönduð vinna.

Úje

Grín sem gekk of langt

Athugasemdir

[Lilja Guðrún Þorvaldsdóttir, 12.12.2008 kl. 00:58]

Þeir hafa áreiðanlega fengið það út úr þessu sem þeir þurftu, semsagt ókeypis auglýsingar og kynningar á fangastarfsemi á Litla Hrauni. -

[Stefán (IP-tala skráð) 12.12.2008 kl. 01:09]

Djöf.... líkaði þér sem sagt ekki við myndina af mér ?

[Jakobína Ingunn Ólafsdóttir, 12.12.2008 kl. 01:16]

Það þarf að kenna þessum mönnum almennilega til verka!

[Ragnheiður , 12.12.2008 kl. 01:30]

Þetta sló mig illa enda kennitalan sem gefin var upp næstum alveg sú sama og Himma míns.

Mér fannst þetta ekki fyndið en ég skil alveg að sumum geti þótt það fyndið.

[Brjánn Guðjónsson, 12.12.2008 kl. 02:00]

alvöru glæponar eru ekki bara utan girðingar, heldur er þeim komið fyrir í bankakerfinu og í ríkisstjórn. þar eru þeir best geymdir

[Lísa Björk Ingólfsdóttir, 12.12.2008 kl. 02:22]

Glæponarnir innan dyra eru fyndnir - ekki þeir sem eru utan girðingar!  Þeir sem húka inni eru vændir um fjársvik við minnsta tilefni meðan hinir mega fremja óteljandi fjársvik og önnur svik án þess að talandi sé um.......

Þetta er lýðræði

[Jónína Dúadóttir, 12.12.2008 kl. 06:16]

Er þetta nokkuð verra en fjármálaspillingin hjá þeim sem ganga lausir utan fangelsanna ? Bara ný aðferð...

[, 12.12.2008 kl. 11:09]

Þeir hafa greinilega horft á "Friends" en tekið þetta skrefinu lengra og bætt við styrktarbeiðni. Þessi aðferð er nú síst verri en sú sem stjórnvöld eru að nota á okkur.

[Ásthildur Cesil Þórðardóttir, 12.12.2008 kl. 11:36]

Ég skemmti mér nú ágætlega yfir þessu, en ég get skilið fólk sem ekki getur tekið þessu gríni, sérstaklega varð mér hugsað til ættingja piltsins sem átti að vera "dauður", þ.e. annar þessara pörupilta.  Sérstaklega hafði ég gaman af setningunni um að þeir sem vildu minnast hans, leggðu inn á söfnunarreikning blalalala  Þetta gæti orðið til þess að fólk bæði frekar um að leggja inn á slíkan reikning, heldur en að gefa blóm og kransa.  Enda ekki slæm hugmynd, það myndi geta slagað upp í greftrarkostnaðinn.

[Edda Agnarsdóttir, 12.12.2008 kl. 12:01]

Þetta er nú ekkert í fyrsta, annað eða þriðjaskiptið sem svona kaldranalegur húmor fer af stað. Ég man þá tíð þegar jafnaldri minn setti dánartilkynningu sína í blöðin og er talið að þar hafi hann fyrst og fremst verið að mótmæla skírnarnafni sínu s.s. tilkynna andlát þess og þeirri neikvæðu athygli sem hann fékk við nafninu. Vegna nafn þess sem hann bar og kannski ber þótti fólki þetta fyndið þeir sem ekki þekktu til, því eflaust hefur það haldið að nafnið væri ekki til! Nafnið er notað töluvert sem seinni liður í bæði kvennmanns og karlmannsnöfnum en ekki sem einnefni nú á dögum nema í þessu tilviki.

[Anna Ragna Alexandersdóttir, 12.12.2008 kl. 12:05]

Með húmorinn í lægi

[Greta Björg Úlfsdóttir, 12.12.2008 kl. 16:19]

Mér fannst þetta hreint ekkert fyndið.

Bæði vegna þess að ég berst sjálf við krabbamein, þó ég sjái fram á að enda ekki ævi mína á líknardeildinni í bráð, og líka vegna þess að mér varð hugsað til móður hans Himma og þess söknuðar sem hún býr við eftir drenginn sinn og hans sorglega dauðdaga.