Hvurs lags karlmenn?

 

Ég með mína fjölmörgu eiginmenn, elskhuga, kærasta og einnarnæturmenn (róleg) á ekki eitt einasta ástarbréf.

Hvurs lags karlmenn hef ég lagt lag mitt við?

Allt óskrifandi skítapakk? 

Ó, nú man ég, þeir hafa alltaf verið eins og skugginn minn og því aldrei komið til bréfaskrifta.

Án gamans þá á ég ekki ástarbréf.  Hef ekki fengið mörg heldur það kemur kannski til af því að mér finnst bréfarómantík væmin alveg eins og blóma- og skartgriparómantíkin og því ekki laðað að mér skiflæga elskhuga.

Hmm...

En ég hef blendnar tilfinningar gagnvart Edith Piaf, sem var alin upp í hóruhúsi þessi dúlla.

Hún var frábær listamaður og á aldrei eftir að gleymast.

En hún var glataður mannþekkjari og lenti á alls kyns ógeðismönnum sem fóru illa með hana.

Og hvað hún söng fallega konan!  Litli spörfuglinn. 

En talandi um blendnar tilfinningar til þessarar frábæru konu þá fæ ég alltaf sting í hjartað þegar hún syngur.

Ég man eftir lögunum hennar á gömlu gufunni þegar ég var barn og ég varð alltaf svo hrygg.  Hún var svo leið í röddinni og lögin svo mædd.

En ég er smá svekkt yfir að eiga ekki ástarbréf.  Það væri gaman að geta gefið þau út á bók svona þegar hægist um og aldursrökkrið færist yfir.

Kannski hefði verið gerð um þau bíómynd því ég er að segja ykkur að ég hef kynnst litríkum karakterum í gegnum tíðina.

Verst hvað þeir voru lítið fyrir að setja tilfinningar sínar niður á blað.

Kannski eins gott?

Hvað veit ég?

Er á leiðinni á Borgarafund í Háskólabíó kl. átta hvar ég reikna með að hitta ykkur öll, hvert einasta eitt.

Adjö så länge.

 

Ástarbréf frá Edith Piaf á uppboði

Athugasemdir

[Marinó G. Njálsson, 8.12.2008 kl. 18:28]

Það er nú kannksi eins gott, því upp á síðkastið hefur Seðlabankinn ekki einu sinni viljað taka "ástarbréfin" góð og gild.

[Greta Björg Úlfsdóttir, 8.12.2008 kl. 19:09]

Ég var búin að skrifa hér eitthvað um ástarbréf - en henti því svo út.

Ég hef alltaf haldið mikið upp á Piaf, alveg síðan ég hlustað á hana í gömlu gufunni, eins og þú, hún vekur upp svo ljúfsárar tilfinningar með söng sínum.

Af hverju er það annars kallað "gufan"? Var ekki útsendingin í gegnum eitthvert Gufunesradíó, eða eitthvað svoleiðis?

[Jóhanna Magnúsar- og Völudóttir , 8.12.2008 kl. 19:15]

 ...   Mínar fjalir* hafa sumar skrifað ástarbréf, en aðrar ort ljóð ...Núverandi er ekki beint mikið í svoleiðis, enda meira svona rationell sko. Dekrar mig bara á annan hátt!  Syng nú bara eins og Willie Nelson; "To all the Guys I loved before..."

*= ekki við eina fjölina felld.

[Ía Jóhannsdóttir, 8.12.2008 kl. 19:26]

Mín eru hérna einhvers staðar vel falin og vafin með bleikum borða, en ef ég undi nú hvar 

 Edith Piaf er ein af mínum uppáhalds söngkonum. 

[Hrönn Sigurðardóttir, 8.12.2008 kl. 19:34]

Gefðu mér gemsann þinn og ég skal koma númerinu þínu áleiðis! Það verða kannski ekki öll falleg skilaboðin sem þú færð - en hugsanlega gæti slæðst eitt og eitt með sem mætti gera mynd um......

[Nína S (IP-tala skráð) 8.12.2008 kl. 19:52]

Jenný, það er æðislegt að eiga ástarbréf. Einu sinni átti ég nokkra bunka, raðaði þeim snyrtilega og batt skrautband um þau til minningar um glóandi, eldheita ást. Til að fullkomna rómantíkina geymdi ég þau í sérsmíðuðum máluðum kistli og hlýnaði um hjartað í hvert sinn og ég leit þau augum.  En svo kom hin nístandi ástarsorg og mín manneskja kveikti í öllum bunkanum í grillinu á ágústkvöldi. Með kalt hjarta og afar raunsæislegt viðhorf til þessa funhita ástarinnar.  Skrýtið að sjá öll ástarorðin fuðra upp í logunum. Ég sakna þeirra ekki baun í dag, frekar en þeirra sem skrifuðu þau. En það VAR gaman að eiga þau. Neita því ekki. En þau voru af öðrum heimi. Svona er þetta bara.

[Helga Magnúsdóttir, 8.12.2008 kl. 20:58]

Ég fékk fullt af ástarbréfum þegar ég var 16 og kærastinn fór til Svíþjóðar um tíma. Þau voru svo væmin að ég fékk nóg og sagði honum upp. Er ekki rómantískari en þetta.

[Júlíus Valsson, 8.12.2008 kl. 21:36]

Alltaf er maður að læra eitthvað nýtt

[Hrafnhildur Ýr Vilbertsdóttir, 8.12.2008 kl. 22:07]

Vá hvað ég hefði verið til í að lesa ástarbréfin þín.... en hvenær kemur bókin? Er orðin soldið þreytt á að bíða sko!

[kjons (IP-tala skráð) 8.12.2008 kl. 22:08]

Hvurslags karlmenn?

Voru þeir ekki bara svona eftir á að hyggja óskrifuð blöð?

[Víðir Benediktsson, 8.12.2008 kl. 22:09]

Væru þau ekki orðin verðlaus hvort eð er?

[Steingrímur Helgason, 8.12.2008 kl. 22:15]

Eitt gott ráð varðandi ástarbréf frá fyrrverandi.

EKKI GEYMA ÞAU !

Núverandi & síverandi finna alltaf slíkar útfylltar hégómaávízanir.

Truzdmí.

[Huld S. Ringsted, 8.12.2008 kl. 23:16]

Huh aldrei fékk ég nein ástarbréf............................eða ekki svo ég muni eftir en Edith Piaf er flott, langt síðan ég hef hlustað á hana

[Nína S (IP-tala skráð) 8.12.2008 kl. 23:22]

Sendi mínum einu sinni lag með Edith Piaf í Óskalagaþætti sjómanna, Je ne regrette rien og það varð ferlegt fíaskó, heyrðu, frá hvaða plánetu er konan þín eiginlega? Það var þá.

[Linda Linnet Hilmarsdóttir, 8.12.2008 kl. 23:50]

Innlitskvitt og ljúfar yndislegar kveðjur á fallegum ljúfum vetrakvöldi

[Rut Sumarliðadóttir, 9.12.2008 kl. 11:33]

Haha, ég á mörg og þar með eitt fallegasta ástarbréf sem ég hef séð. Nefnum engin nöfn en margir koma til greina....

[Sigurður Þór Guðjónsson, 10.12.2008 kl. 23:58]

Ég hef nú aldrei þolað þessa Edith Piaf. Ef eitthvað er tilfinningaklám þá er það hún. Og tilfinningaklám um ástina er verra en brútalasta pornó.