Kiddinn er pólitískur dúllurass

Í Frjálslynda flokknum líkt og í öðrum hægri flokki á Alþingi er bannað að fara eftir sannfæringu sinni. 

Kristinn H. er pólitísk dúlla að mínu mati.  Gamaldags og ærlegur hefur mér sýnst.  Það er ekki alltaf vinsæll eiginleiki í pólitík.

Ég er auðvitað gjörsamlega ósammála manninum og finnst ekki par huggulegt að hann skuli ekki hafa drattast til að kjósa með vantraustinu en ég virði hann fyrir að standa með skoðun sinni.  Sem nota bene sumir kollegar hans í þinginu mættu taka sér tileinka sér.

Mér var sagt fyrir löngu af vísum manni að þingmönnum bæri fyrst og síðast að fara eftir sannfæringu sinni.

Í dag kallar það á fyrirtöku í flokki að láta slík ósköp henda sig.

Kristinn Sleggja þú verður væntanlega látinn út á guð og gaddinn enda held ég að þú hafir þarna lagt félögunum kjörið tækifæri í hramma.

Svei mér þá ef ég er ekki að sannfærast betur og betur um að flokkakerfi eru til óþurftar.

Í mörgum flokkum eru kollektívar skoðanir búnar til á flokksþingum.

Hver getur undirgengist þau ósköp svo vel sé?

Já ég veit margir. 

Einn fyrir alla, allir fyrir einn.

Það er eitthvað svo "dagurinn í gær" finnst ykkur ekki?

Kiddi, þú ert boðinn velkominn í nýja stjórnmálaaflið á Íslandi.  Grasrótina.

Jájá.

Afstaða Kristins tekin fyrir

Athugasemdir

[Jónína Dúadóttir, 26.11.2008 kl. 09:37]

Það má virða það við hann að hann er sannfæringu sinni trúr

[Ásdís Sigurðardóttir, 26.11.2008 kl. 09:46]

Aldrei mundi ég ganga í flokk með þessum manni. En það er nú bara mín skoðun.

[Hrönn Sigurðardóttir, 26.11.2008 kl. 09:59]

Kristinn er minn uppáhaldsstjórnmálamaður þessa dagana! Svo er hann myndarlegur líka

[Þuríður Björg Þorgrímsdóttir, 26.11.2008 kl. 10:03]

Ég er ósammála því að hann hefði átt að sitja hjá, ég virði hann fyrir að greiða atkvæði samkvæmt sannfæringu sinni. Ég er ekki sammála honum en ég virði hann samt fyrir þetta vegna þess að ég hef oft hneykslast á því að fólk sitji hjá í stað þess að segja skoðun sína. Er ekki atkvæðagreiðslan til þess að hægt sé að koma í gegn fleiri málum en þeim sem sitjandi stjórn ákveður? Og til að hægt sé að fella stjórnarfrumvörp? Mér finnst meira að segja að atkvæðagreiðslan eigi að vera leynileg svo þingmenn séu ekki hræddir við að fara eftir sannfæringu sinni ef hún er önnur en flokksins.

[Laufey B Waage, 26.11.2008 kl. 10:12]

Sammála. Mikið væri heimurinn betri, ef fleiri - ekki síst ráðamenn þjóðarinnar, - væru heiðarlegri - og sannfæringu sinni trúir.

[Birna Dis Vilbertsdóttir (IP-tala skráð) 26.11.2008 kl. 10:37]

Pólitískur dúllurass er smart orðað.  Er hann að koma eða fara í dag?

[Ásthildur Cesil Þórðardóttir, 26.11.2008 kl. 11:12]

Ég hef starfað með Kristni, og á minn þátt í því að hann fór í framboð með okkur.  Kristinn er mjög alvörugefinn maður, fylgin sér, og á sennilega erfitt með umgengni við aðra, en heiðarlegri mann þekki ég ekki, hann er trúr því sem hann lofar í kosningum.  Ef það er ekki kostur við alþingismann, þá veit ég ekki hvað.  Reyndar er ég honum reið fyrir að gera þetta.   Hann átti bara að sitja hjá.  En svo má segja, er þetta ekki einmitt það sem við erum að prédika, að standa með sinni meiningu?

[Anna Ragna Alexandersdóttir, 26.11.2008 kl. 11:34]

Stóllin er volgur.

[Héðinn Björnsson, 26.11.2008 kl. 13:11]

Ég hef ekkert á móti því að hann kjósi eftir sannfæringu sinni enda er það skylda hans. Hann verður hinsvegar að gera sér grein fyrir því að það hefur afleiðingar. Ef þú velur að verða stjórnarþingmaður þvert á stefnu flokksins þá er maður náttúrulega að kljúfa hann. Það er leyfilegt en maður getur ekki bæði varið stjórnina falli og komið svo af fjöllum um að maður sé stjórnarþingmaður. Það er nú einu sinni skylgreiningin á því að vera stjórnarþingmaður.

[Hugarfluga, 26.11.2008 kl. 15:29]

Kristinn H. Gunnarsson virðist hafa það eitt að markmiði/leiðarljósi ... og það er að vera ekki sammála. Þreytandi gaur par excellance.