Ég ætla ekki að drepa þig - ég ætla að bana þér

 

Flott hjá stelpunum að klæða Jón í bleikt.  Fer honum.

Annars er þetta jólafærsla.  Það er ekki hægt að slugsa svona með jólaæsinginn sem ég á að kveikja hjá lesendum þessarar síðu í boði jólasveinsins.  Ég er ekki að standa mig.

Ég gerðist djörf í framkvæmdunum í dag.  Þvoði glugga og henti upp seríum og ég gerði það sjálf og alein. 

Það er stórmerkilegt í sjálfu sér fyrir mig svona persónulega vegna þess að ég er með fóbíu fyrir öllu sem þarf að mekanisera með einhverjum hætti.

Ég er vön að láta hinn aðila heimilissins í svona djobb.

Þarna þurfti ég að negla 2 litla krúttlega nagla og það tókst.

Hamar notaður og allt, engin slys á fólki og engar rúður brotnar.

Arg... ég get ekki jólast.

Ég er svo reið og áhyggjufull.

Og löggan, halló, kallar viðbjóðslegan piparúðann - VARNARÚÐA!

Get a live, hvern er hún að reyna að blekkja?

Þetta er eins og að segja t.d. ég ætla ekki að drepa þig ég ætla að bana þér.

Sami hlutur og jafn vont.

Helvítis aulaháttur.

Ég ætla að hugleiða smá.

Cry me a river

Neyðarstjórn kvenna klæddi Jón

Athugasemdir

[Jón Steinar Ragnarsson, 22.11.2008 kl. 22:14]

Ég náði nú ekki neinum tengslum við hvað þessar kellingar voru að gera með þessu. Fannst þetta álíka vanvirða við lýðveldið eins og eggjakastið.  Ef þær voru að vekja athygli á feminisma, þá var það gersamlega út úr kú við akllt samhengi mótmælanna og smekklaus tækifærismennska í besta falli. Sorry. Maður lítur í gegnum fingur sér með krakkaskratta, sem henda eggjum, en þetta voru fullorðnar manneskjur. Ekki nokkur maður skildi tilganginn með þessu og ég efast um að þær hafi gert það.

[Salvör Kristjana Gissurardóttir, 22.11.2008 kl. 22:31]

það er komin tími á Neyðarstjórn kvenna. Annars fer allt í vitleysu. Best ég fari líka að jólast hérna heima hjá mér um helgina.

[Ía Jóhannsdóttir, 22.11.2008 kl. 22:42]

Ég er svo ósammála þér núna.  Hvers vegna að klæða aumingja Jón forseta í bleik klæði?  En það er ekkert að marka mig núna ég er svo rosalega hátt stefnd eftir að hlusta á fundinn í dag á Rás 2. 

Svo bara skil ég ekki svona gjörninga enda bara af 68 kynslóðinni.

Er líka komin í jóla- hjóla fíling og ekki orð um það meir.

Góða nótt vinkona.

[Gunnar Hrafn Jónsson (IP-tala skráð) 22.11.2008 kl. 22:59]

Þetta með varnarúðan er ennþá skondnara í ljósi þess að þeim er sagt að öskra "GAS GAS GAS!!!" (eins og frægt er orðið). Svo þvertaka þeir fyrir að þetta sé gas og skamma fólk fyrir að kalla þetta ekki piparúða.

Ættu þeir ekki að öskra: "PIPAR! PIPAR! PIPAR!!"? Það er kannski of líkt einhverju sem maður myndi heyra á ítölskum veitingastað

Reyndar held ég að það sé ekki hægt annað en að sýna því fullan skilning að lögreglan hafi notað piparúða í dag, í ljósi fyrri tilefna sem þeir töldu sig hafa. Það var verið að brjóta niður dyrnar á helstu lögreglustöð landsins. Ef það hefur einhverntíman verið tilefni til að nota þetta blessaða krydd hér á landi þá var það væntanlega í dag.

Ég er ekki að segja að tilgangurinn helgi öll meðöl en þegar maður er að vinna á lögreglustöðinni vill maður væntanlega koma í veg fyrir að æstur múgur ráðist þar til inngöngu í þeim tilgangi að frelsa fanga. Það er í það minnsta á svona topp þrjú listanum eða svo yfir hluti sem ég get ímyndað mér að séu óheppilegir fyrir lögreglumann að lenda í.  

[Magnús Jónsson, 22.11.2008 kl. 23:45]

Jenný: mér fannst eiginleg alveg ótrúlegt að enginn skildi hafa gert þetta fyrr, að klæða styttuna í eitthvað fínt, hefði reyndar vilja að þær hefðu baðað styttugarminn sko, skolað af honum fugladritið þó ekki hefði veri meira, en svona án gríns eru konur með svona mikla minnimáttarkennd að þær þurfi á svona löguðu að halda, þú rífur þig við allt og alla og ekkert nema gott um það að segja, og það gera margar aðrar konur sem betur fer, en í alvöru er svona kvennabrölt ekki tímaskekkja?, erum við ekki öll manneskjur, er ekki ein Ingibjörg einni Ingibjörg ofaukið???

[Theódór Norðkvist, 23.11.2008 kl. 00:13]

Mér fannst Margrét Pétursdóttir sýna Jóni Sigurðssyni örgustu vanvirðingu og þetta setti svartan blett á nauðsynleg mótmæli.

Réttara hefði verið að henda Margréti í dýflissu en grínistanum Hauki.

[Jenný Anna Baldursdóttir, 23.11.2008 kl. 00:33]

Theódór og Magnús: Rosaleg viðkvæmni er þetta fyrir steypuhlunk.  Kommon það mætti halda að Jón stæði þarna í eigin persónu.  Má ekki flikka upp á karlinn?

Magnús: Það er nauðsynlegt að minna á það reglulega að enn er launamunur karla og kvenna töluverður á Íslandi.  Á meðan verður fólk að þola að minnt sé á þann veruleika.

Takk öll fyrir innlegg.

[Jenný Anna Baldursdóttir, 23.11.2008 kl. 00:33]

Jón Steinar: Vanvirða við lýðræðið.  Jesús minn, get a grip.

[Greta Björg Úlfsdóttir, 23.11.2008 kl. 10:55]

Er það ekki álíka "glæpur" að klæða Jón í bleikan kjól, eins og að flagga Bónusfána á Alþingishúsinu?

Því voru þessar kellur ekki handteknar?

Meira að segja mun lægra að klifra upp eftir þeirr sem framkvæmdi verkið.