Vinsamlegast hlýðið

Steingrímur J. krefst upplýsinga.

Hann hefur óskað eftir fundi í utanríkismálanefnd Alþingis og að þar verði verði lögð fram öll skjöl og gögn sem snúa að lánsumsókn Íslendinga til Alþjóðagjaldeyrissjóðsins.

Steingrímur vill eftirfarandi:

1. Öll gögn vegna umsókar um lán til IMF

2. Samkomulag við Hollendinga sem fjármálaráðherra undirritaði í Washington vegna Ice-save deilunnar

3. Skjöl vegna fundar fjármálaráðherra EES/ESB í Brussel 4. nóvember og skjöl sem tengjast vinnu embættismanna í framhaldinu undir forustu formennskulandsins Frakka

4. Bréf sem fjármálaráðherra ritaði 6. eða 7. nóvember þar sem Ísland sagði sig frá því vinnuferli sem ákveðið var í lok áður nefnds fjármálaráðherrafundar (sjá tölulið 3)

5. Lagaálit, ef einhver eru til, hjá íslenskum stjórnvöldum vegna Ice-save deilunnar

6. Fundargerð, minnisblöð eða nótur frá fundi Björgvins G. Sigurðssonar og fjármálaráðherra Breta Alister Darlings 2. september sl.

7. Öll önnur skjöl sem til eru hjá ráðuneytum og opinberum stofnunum, hvort sem þau eru bundin trúnaði eða ekki, og þessum ofangreindu málum og samskiptum við aðra um þau tengjast.

Takk Steingrímur fyrir að hnykkja á þessu, þú átt liðlega þrjúhundruðþúsund skoðanasystkini hvorki meira né minna.

Ég vil þessa stjórn frá, ég vil Seðlabankastjórn frá, ég vil stjórn Fjármálaeftirlitsins frá.

Vinsamlegast hlýðið.

Arg.

Steingrímur J. krefst upplýsinga

Athugasemdir

[Hólmdís Hjartardóttir, 17.11.2008 kl. 13:25]

Tek undir

[Sigrún Jónsdóttir, 17.11.2008 kl. 13:29]

Sammála.

[Lilja Guðrún Þorvaldsdóttir, 17.11.2008 kl. 13:29]

Tek heilshugar undir með Stengrími J. - Ég tek líka heilshugar undir með þér. - Svo Ísland lifi.

[Greta Björg Úlfsdóttir, 17.11.2008 kl. 13:30]

Tek undir þessi orð.

Mér finnst að almenningur eigi að fara að láta til sín alla daga. Trufla störf Alþingis, trufla störf í Seðlabanka og Stjórnarráði þangað til eitthvað gerist. Löggan fengi nóg að gera. Það ætti að vera hægt að manna 6000+ manns sem gæti skipt liði. Friðsamleg mótmæli í anda Gandhis. Fjöldasetur á pöllum og göngum o.s.frv.

[Elísabet Sigurðardóttir, 17.11.2008 kl. 13:32]

Tek líka undir þetta.

[Greta Björg Úlfsdóttir, 17.11.2008 kl. 13:32]

Það þyrfti ekki að hrópa á pöllunum, það mæti láta síma hringja, skrjáfa í blöðum, smella tyggjókúlum og fleira í þeim dúr, já ropa líka og reka við!

[Greta Björg Úlfsdóttir, 17.11.2008 kl. 13:34]

Að sjálfsögðu tek ég undir með Steingrími (það átti að vera innifalið í fyrra kommenti) Þetta eru fullkomlega eðlilegar og réttmætar kröfur.

Ef ekki verður farið að þeim mæli ég með að gripið verði til ofangreindra aðgerða!

[assa (IP-tala skráð) 17.11.2008 kl. 13:46]

Geir og Ingibjörg, þið eruð rekin! Það er maður eins og Steingrímur sem við viljum hafa samskipti við, ekki ykkur. Steingrímur er eins og við hin, hugsar eins og við hin, og vill það sama og við hin. Steingrímur er ráðinn svo vinsamlegast takið pokann ykkar og snautið heim!

[Ásthildur Cesil Þórðardóttir, 17.11.2008 kl. 14:02]

Sammála þessu, við hljótum öll að krefjast þessara svara. 

[corvus corax, 17.11.2008 kl. 14:15]

Væri ekki sniðugt að bjóða þessu stjórnarglæpahyski upp á nokkra kokteila af Molotov gerðinni? Það er ótrúlegt að Ceaucescu Oddsson í Bleðlabankanum skuli leggja til í plaggi til IMF að bankamenn skuli verða látnir axla ábyrgð og hypja sig ef þeir reynast hafa framið afglöp í starfi. Ef einhver hefur framið afglöp í starfi og verið algjörlega skyni skroppinn og kunnáttulaus í bankamálum á Íslandi þá er það nefndur Ceaucescu Oddsson alveg eins og nafni hans í Rúmeníu hérna um árið. Og þetta fífl þykist geta talað um afglöp annarra!

[Greta Björg Úlfsdóttir, 17.11.2008 kl. 14:30]

Corvus, ég vel Gandhi-leiðina, mér er annt um eigur mínar, það er að segja ríkisins - meira en hægt er að segja um stjórnvöld!

[Steingrímur Helgason, 17.11.2008 kl. 14:34]

Alltaf erum við nafnar ágætir, ég mæri hann sjálfur.

[Greta Björg Úlfsdóttir, 17.11.2008 kl. 14:38]

Bla, bla, bla...

Steingrímur, fórstu í úlpuna og mættir á laugardaginn var?

[Aldís Gunnarsdóttir, 17.11.2008 kl. 15:30]

Ég er hjartanlega sammála...

Við verðum að standa saman og mæta á Austurvöll!

[Hákon Jóhannesson (IP-tala skráð) 17.11.2008 kl. 15:45]

Kjarni málsins er sá að starfandi ríkisstjórn er stöðugt að vanvirða borgara þessa lands með þögninni, nú eða að aðeins er látið uppi hluti þeirra upplýsinga sem við eigum rétt á.

Það er alveg dagsljóst að við þetta er og verður ekki unað - ekki búandi við - ekki sátt um - og ég vona svo innlega að það verði viðsnúningur á þessu, hvernig svo sem hann verður til.

Kveðja HJ

[Brjánn Guðjónsson, 17.11.2008 kl. 17:32]

mér er hætt að lítast á blikuna, að vera sammála Joðinu

einhver skrifaði, einhvers staðar, að fara að kjósa VG.
hægan hægan! við skulum nú ekki missa okkur alveg

[Nína S (IP-tala skráð) 17.11.2008 kl. 22:35]

já, það eru forkastanleg vinnubrögð að upplýsa ekki einu sinni stjórnarandstöðuna, hina almennu alþingismenn um gang mála, setja þá inn í málin, þó ekki væri nema vegna þess að við erum lýðræðisríki og nauðsynlegt fyrir stjórnarandstöðu að setja sig inn í málin, rétt eins og almenning, væntanlega kjósendur, frekar en að pukrast með þessi mál eins og algert leyndó sem kæmi engum við nema nokkrum útvöldum í ríkisstjórninni. Og, já, Brjánn, ég hvatti til þess að fólk kysi VG, ekki vegna þess að ég styddi alla stefnuskrá þeirra, heldur til að sýna andstöðuna við þau vinnubrögð  sem hafa verið viðhöfð og eru það enn. Hvaða valkosti höfum við kjósendur í raun og veru?

[Greta Björg Úlfsdóttir, 17.11.2008 kl. 23:06]

Ég held ekki að það muni takast að klambra saman trúverðugu nýju framboði ef kosningar fara fram í vor. Af tvennu illu er þó betra að kjósa þá en að láta stjórnina sitja áfram út tímabilið, næstu tvö og hálft árið, samkvæmt hefðinni. Maður fær hroll við tilhugsunina. Núverandi stjórn er víst ekki búin að vera lengur en í eitt og hálft ár.(Samt finnst mér svo langt síðan 24. maí, 2007).

Betra að fylkja sér um flokk sem er búinn að starfa í þó þennan tíma sem VG hefur gert, er með skýra stefnu og er með inniviðina klára, en að styðja einhverja bráðbirgða hrákasmíð út í loftið.

[Greta Björg Úlfsdóttir, 17.11.2008 kl. 23:08]

Samt vil ég fá að hafa Jóhönnu áfram...!!!

[Nína S (IP-tala skráð) 17.11.2008 kl. 23:47]

Það er það sárasta við þetta allt saman. Í hverjum flokki eru hugsjónarmenn líka alþingismenn eins og Jóhanna. Bara ef - í óskadraumi - væri hægt að fá akkúrat þá alþingismenn, eins og t.d. Katrínu Jakobsdóttur líka og fleiri saman í einn flokk, þá væri það alger óskadraumur.

[Greta Björg Úlfsdóttir, 18.11.2008 kl. 10:08]

Það verður bara að samþykkja sérlög um Jóhönnu og ákveða að hún verði félagsmálaráðherra til sjötugs!