Fúleggið og fréttamaðurinn

Ég veit ekki hvað er að verða með fréttastöðvarnar.

Þær skiptast á um að ganga fram af mér þessa dagana.

En núna held ég að þeir séu endanlega að flippa út.

Í fréttunum var rætt við félagsfræðing sem hafði áhyggjur af reiði almennings vegna skorts á svörum.  Hann hafði áhyggjur af því hvernig sú reiði gæti gæti endað ef ekkert yrði að gert.

Sem sagt fullkomlega alvarlegt umfjöllunarefni á skelfilegum tímum kreppu.

Gísli brandarakarl og fréttamaður sá ástæðu til að krydda þessa frétt með gamanmálum svona eins og hann hefur sennilega gert á Þorrablótum lífs síns, eða á töðugjöldum og hvað þau nú heita öll þessi fyrirkomulög úti í sveitum þar sem praktíseruð er lókalfyndni sem enginn nema innvígðir fá nokkurn botn í.

Með þessu er ég ekki að ráðast á landsbyggðina.

Öllu heldur er ég að ráðast á sveitamennskuna í fréttamanninum og skort hans á innsæi.  Hvenær er tími til að hlæja og hvenær er smekklegt að láta það eiga sig.

Í enda fréttarinnar át hann eggið.

Er einhverjum hlátur í hug?

Ég held að fjölmiðlarnir ættu að senda þá verst höldnu af starfsmönnum sínum í krísuviðtöl hjá sérfræðingunum.  Sumum virðist alls ekki sjálfrátt.

Og í lokin Gísli:  Þetta með gapastokkinn og lýðinn.  Ekki fyndið.  Bara alls ekki.

Sjá hér.

Athugasemdir

[Greta Björg Úlfsdóttir, 9.11.2008 kl. 21:21]

Gísli greyið fékk það verkefni að reyna að klóra yfir fréttina frá í gærkvöld með gamanyrðum, er það ekki augljóst?

Eruð þér einnig að hugsa um að segja upp störfum yðar, frú?

Mér fannst hann pínku fyndinn, en vorkenndi kallinum um leið.

[Helga Magnúsdóttir, 9.11.2008 kl. 21:28]

Sumir þekkja bara ekki sinn vitjunartíma.

[Bjöggi (IP-tala skráð) 9.11.2008 kl. 22:16]

Mér finnst þetta akkúrat frétt sem má krydda aðeins með gamanmáli. Gera smá grín af líðnum sem kastaði eggjunum.

Always look on the bright side of life, dú dú dú dúdúdúdú...

[Greta Björg Úlfsdóttir, 9.11.2008 kl. 22:18]

Hér talar hinn viti borni maður, sé ég.

[María Kristjánsdóttir, 9.11.2008 kl. 22:45]

En nú skil ég allt þetta andlega harðlífi á fréttastofunni- fyrst þeir lifa á harðsoðnum eggjum!

[Sigrún Jónsdóttir, 9.11.2008 kl. 22:52]

Sá ekki meintan húmor í þessu hjá Gísla, samt er ég landsbyggðartútta að upplagi

[alva (IP-tala skráð) 9.11.2008 kl. 23:14]

Greinilega gúrkutíð eftir allan æsinginn undanfarið á fréttastofum landsins ef það þarf að fara að harðsjóða egg fyrir útsendingu.

[Róslín A. Valdemarsdóttir, 9.11.2008 kl. 23:16]

Sá sem borðaði eggið í fréttinni er frændi minn... hahaha

[Jón Steinar Ragnarsson, 10.11.2008 kl. 05:03]

Vá! Þvílikt taktleysi og hroki! Gísli, mér fannst þú ágætur en nú ertu bara fífl eins og ég hafði lúmskan grun um. Far vel.