Á að fara að þéra?

Fjölmiðlamenn hafa kvartað yfir því að það sé erfitt að ná sambandi við ráðamenn nú á þessum síðustu og verstu.

Alþingismenn kvarta hástöfum yfir skorti á upplýsingum.

Ég þarf varla að fara út í hvernig okkur venjulega fólkinu líður í myrkrinu þar sem afdrif okkar og okkar nánustu er undir og við fáum engin svör.

Svo var ég að lesa Eyjuna að vanda.  Í þetta skipti fangaði Hallgrímur Thorst athygli mína,þ.e. gestapenninn á síðunni hans, Kristín Þorsteinsdóttir..  Hún skrifar um keisaraviðtalið við Geir á RÚV í gær.

Ég náði ekki að horfa á allan fréttatímann í gærkvöldi og fór því inn og skoði viðtalið áðan sem var í fréttunum undir "máli dagsins".  Ég fíflið sem hélt að "mál dagsins" væri alvöru umfjöllun um atburði.

Á fyrstu árum sjónvarps voru ráðamenn þéraðir og sumir þeirra sendu spurningar til fréttamanna sem þeir vildu fá og ekkert mátti spyrja umfram það.  Það var mikið þjónkunartímabil.

Við erum greinilega að fara aftur um nokkra áratugi í fleiri en bara efnahagslegum skilningi. 

Strákar hjá RÚV; á að fara að þéra?

Og já ég er sammála Hallgrími að þjónkunin hjá RÚV er þannig að það hríslast um mann vesaldómshrollur.

Mér finnst reyndar að svona viðtöl þar sem einhver kemur og talar að vild um það sem honum þóknast án nokkurrar eða lítillar truflunar frá "spyrlunum" móðgun við áhorfendur.

Spyrlarnir eru ekkert nema propps þarna í sviðsmyndinni.

Hefði mátt notatast við segulbandstæki.

Ég vil fara að sjá almennilega umfjöllun, það getur ekki gengið að halda fólki í fullkominni óvissu um afdrif sín og sinna.

Hversu ljótt er ástandið?  Í hversu djúpum skít erum við?  Ég vil vita, aðeins þannig get ég tekið á málum. 

Við þurftum nefnilega að vakna upp við vondan draum í lok september og nú fjandinn hafi það þýðir ekki lengur að segja ósatt eða steinþegja.   

Lítilsvirðing ráðamanna við almenning í þessu landi er algjör og leiðinlegt að ríkisfjölmiðillinn skuli fara niður á þetta plan.

Svo tók fréttamaðurinn fram að viðtalið hafi verið tekið upp á meðan fólk var að mótmæla á Austurvelli.

Hver var tilgangurinn?

Hélt hann að Geir hefði mætt ef hann hefði átt lausa stund?

Við sjáum hvernig safnast á Austurvöll á næsta laugardag, kannski mætir "dúddinn".

Ég er að hugsa um að fara að fylgjast bara með erlendum fréttum.  Svei mér þá ef Fox fréttastofann er ekki áltilegur kostur í samanburði.

Ég get þó alltént sagt við sjálfa mig í hálfum hljóðum þegar bunan stendur út úr þeim; meiri fíflin þessir útlendingar.  Ekki gagnrýna hugsun að finna hjá Fox.

Friggings keisaraviðtalið er hér.

Og hvað með andskotans IMF? 

Hvar er það mál statt eiginlega?

Styðja illa Íslendinga hjá IMF

Athugasemdir

[Kolgrima, 9.11.2008 kl. 17:27]

Þessi óvissa er óþolandi og sumum óbærileg. Jóhanna segir að það sé verið að vinna í að aðstoða heimilin í landinu og undirbúa stuðning við atvinnulausa. Hefur tekið langan tíma og mér skilst að niðurstöðu verði langt að bíða. Enda málið flókið.

Ekki einu einasta orði hefur verið vikið að því hvernig á að sporna við því að fólk VERÐI atvinnulaust. Það virðist ekki einu sinni vera að byrja að ræða það.

Séstaða okkar er fjöldi einyrkjafyrirtækja í öllum atvinnugreinum; landbúnaði, sjávarútvegi, ferðaþjónustu, menntakerfinu, þjónustu, iðnaði, verslun...

Einyrkjafyrirtækin eru eiginlega einn af hornsteinum atvinnulífsins og þeu verða fyrst til að fara á hausinn. Af hverju er ekki búið að frysta erlendu lánin hjá þeim? Bara tímabundið meðan verið er að leita einhverra leiða til að bjarga þessari vesalings þjóð.

[Sigrún Jónsdóttir, 9.11.2008 kl. 17:28]

Reyndar er þetta gestablogg hjá Hallgrími, skrifað af Kristínu Þorsteinsdóttur, f.v. starfsmanni RÚV.  Frábær skrif.

Viðtalið við Geir í "máli dagsins" var fáránlegt "drottningaviðtal", eins og þau gerast verst.

[Jenný Anna Baldursdóttir, 9.11.2008 kl. 17:33]

Ó, ég þarf að breyta þessu.

Sást yfir það.

Takk Sigrún.

[Jenný Anna Baldursdóttir, 9.11.2008 kl. 17:35]

Hjördís: Fornaldarviðhorf sem á ekki heima í nútímanum.  Nema að maður vilji endilega horfa UPP til fólks.

[Jenný Anna Baldursdóttir, 9.11.2008 kl. 17:36]

Kolgríma: Algjörlega sammála.

[Greta Björg Úlfsdóttir, 9.11.2008 kl. 17:42]

Jenný, því miður sýnist mér að þú fáir að vita um dýpt skítsins í viðtalinu við Jan Eritsen (veit ekki hvort það er skrifað svona), hollenska blaðamanninn sem var í Silfri Egils í dag.

[Greta Björg Úlfsdóttir, 9.11.2008 kl. 17:44]

Er þessi Hjördís Kvaran af þessum heimi, eða er hún uppvakningur frá síðustu öld, hingað sendur til að hrella okkur lesendur þína, Jenný?

[Jenný Anna Baldursdóttir, 9.11.2008 kl. 17:44]

Já reyndar sá ég það.  Enda með hnút í maganum.

[Huld S. Ringsted, 9.11.2008 kl. 17:44]

Æ ekki vil ég sjá að það verði tekið upp að þéra, finnst það kalla á meiri stéttarskiptingu. Sammála með hvað okkur öllum er haldið í óvissu, óþolandi að ráðamenn skuli ekki segja okkur satt og rétt frá, ástandið er nógu erfitt samt

[Greta Björg Úlfsdóttir, 9.11.2008 kl. 17:45]

Myndin af henni gæti bent til þess síðara.

[Greta Björg Úlfsdóttir, 9.11.2008 kl. 17:45]

...og nafnið...

[Jenný Anna Baldursdóttir, 9.11.2008 kl. 17:46]

Þérun er til þess gerð að halda fólki í fjarlægð og jú sýna ákveðna virðingu einhverjum eldri, reyndari, eða hærra settum.  Þannig er nú það.

Þjóðverjar verða seint taldir líberal.

[Fríða Eyland, 9.11.2008 kl. 17:55]

Það hlaut að koma að því að einhver kæmi útúr skápnum þara sem annarstaðar

[Greta Björg Úlfsdóttir, 9.11.2008 kl. 17:56]

Ég mun verða við bón yðar, frk. Hjördís, í fleiri en einu skilningi, eins ég þér líkast til komið auga á ef þér gaumfæfið nákvæmlega hátíðlega framsetningu orða þeirra er ég beini nú til yðar háverðuru (og ef til vill eðalbornu?) persónu:

Eruð þér raunveruleg persóna sem gengur um holdi klædd á jörð vorri, eða eruð þér uppvakningur spíritískt sinnaðs galgopa sem finnst gaman að gera at í fólk og henda gaman að því, sér í lagi fákunnandi og illa siðuðum (að yðar dómi) konum eins og mér?

Ég bið yður að svara mér af einurð og sannleikanum samkvæmt þegar þér hafið komist að niðurstöðu um svar yðar við þessari vandasömu spurningu.

[Fríða Eyland, 9.11.2008 kl. 17:59]

Það er gaman að þéra

[Kolgrima, 9.11.2008 kl. 18:13]

Þéra ekki útlendingar allir meira eða minna? Við (og Þjóðverjar) erum með svo flókna sagnbeygingu að þéringin hefur áhrif á málfarið en enskumælandi þjóðir láta sér nægja að ávarpa fólk með Ms/Mrs/Mr eftirnafn. 

Ég þekki svo lítið til í heiminum, er það ekki þannig t.d. á Norðurlöndum?

Annars er meiri fjarlægð á milli fólks einhvern veginn ekki það sem vér í nauðum stadda þjóð þurfum á að halda!

[Greta Björg Úlfsdóttir, 9.11.2008 kl. 18:16]

Um þéringar:

Það var reyndar viss sjarmi yfir þéringum í gamla daga. En þjóðfélagið var reyndar svo allt annað fyrir næstum hálfri öld síðan, þar er ólíku saman að jafna.

Maður gerði sér enga grein fyrir hvað fólst í þéringunum sem barn, en ég man að mér fannst þær alltaf sprenghlægilegar í sjónvarpinu.

Ég þéraði stundum ókunnugt, gamalt fólk eftir að ég flutti til Reykjavíkur,  svona eftir því hvernig mér leist á það, ég held að það hafi farið eftir því hvort það var vingjarnlegt eða ekki, vingjarnlega fólkið þúaði ég, minnir mig. Í sveitinni heima þéraði enginn.

Ég man ekki eftir að hafa verið sagt að þéra fólk, en manni bar að hneigja sig í hnjánum þegar maður þakkaði fyrir matinn með handarbandi í gestaboðum og líka þegar maður heilsaði fullorðnu fólki. Svona var nú uppeldið þá, þér sjáið hversu mjög mér er aftur farið, frk. Hjördís, ef þér hafið látið svo lítið að lesa þessar línur.

[101 (IP-tala skráð) 9.11.2008 kl. 18:19]

Frábær grein hjá Kristínu sem staðfestir það sem maður hefur heyrt gegnum tíðina.  Bogi í bíl til Valhallar. 

Hann er áróðursmálaráðherrann ef menn pæla aðeins í því og passar upp á að ekkert fari út nema það sé lesið yfir og leiðrétt í Valöll.

Við eigum að krefjast afsagnar Boga líka um leið og ríkisstjórnarinnar.

Út með Boga og Loga -  Við viljum réttar frásagnir af atburðum.

[Greta Björg Úlfsdóttir, 9.11.2008 kl. 18:20]

Englendingar þéra ekki, en þeir nota herra og frú og fröken og gjörðu svo vel og afsakið ótæpilega.

Norðmenn, Svíar og Danir þéra og nota titla, annars held ég þeir séu mikið farnir að slaka á í þessu.

Frönsk börn af "betri" borgara ættum þéra enn foreldra sína, að því er mér skilst.

Japanska þjóðfélagið er undirlagt af kurteisisseremóníum.

Við Íslendingar erum groddar upp til hópa hvað varðar framkomu.

Ég þekkti Íslending fyrir mörgum árum sem þéraði ennþá tengdamóður sína eftir margra ára hjónaband, ekki veit ég af hverju.

[Greta Björg Úlfsdóttir, 9.11.2008 kl. 19:21]

Hjördís,

Að kalla fólk sem er manni ekki sammála barnalegt og segja það tuða ber vott um hroka. Sem er næsti bær við dónaskap.

Ég frábið mér algjörlega að þú kallir mig "elsku". Það finnst mér alltof náið og persónulegt ávarp við manneskju sem þú þekkir ekki neitt. Sem þér þykir þar að auki dónaleg (að vera dónalegur = að sýna af sér dónaskap). Með þessu ávarpi talar þú niður til mín. Þó þér þyki ég barnalega átt þú ekkert með að ávarpa mig sem slíkt. Fólk verður að þekkja sín takmörk.

Þú getur haft þær skoðanir sem þú vilt í friði fyrir mér.

En það er varla hægt að lá mér að sá grunur hafi læðst að mér hvort þú værir raunveruleg manneskja eða ekki, eins fornaldarlegar og mér virðast vangaveltum þínum um að taka upp þéringar á ný, á tímum þegar kallast má gott að geta vanið börn af að nota erlend fúkyrði í tíma og ótíma og kennt þeim nota réttar beygingar.

Ég ætla áfram að hafa mína skoðun á þínum skoðunum og viðra þær rétt eins og mér sýnist...rétt eins og þú.

Annars kem ég til með að varast að beina orðum að þér í framtíðinni, verðir þú áfram á stjái hér í bloggheimum, en þar fyrir mun ég ekki hætta að tjá mig hér í kommentum ef ég finn hjá mér hvöt til slíks. Þú verður þá bara að hlaupa yfir þær athugasemdir ef þær koma til með að pirra þig.

Peace and love

[Jóhanna Magnúsar- og Völudóttir , 9.11.2008 kl. 20:04]

Eruð þér að skapa fæting meðal kvenna með þessari færslu yðar frú Jenný Anna?  ..

Mér finnst þérun snobb og mér leiðist snobb.

[Heiða B. Heiðars, 9.11.2008 kl. 20:12]

Er þetta ekki sama manneskjan og var með dónaskap og leiðindi við Brynjar..Brylla?

[Jón Steinar Ragnarsson, 9.11.2008 kl. 20:30]

Er upplýsingaskorturinn meðvitaður eða ómeðvitaður? http://bjb.blog.is/blog/bjb/#entry-705206

[Greta Björg Úlfsdóttir, 9.11.2008 kl. 20:38]

Hjördís, ég þekki margar dísir, þó ekki allar með föðurnafni. Enn hef ég ekki áttað mig á hver þeirra dísa sem ég þekki þú ert. Þig þarf varla að undra það, þar sem mér virðist myndin sem þú hefur á blogginu þínu vera frá því að þú varst á tvítugsaldri, en ég reikna með að þú sért töluvert eldri nú, þar sem myndin er að sjá ekki alveg ný. Gæti verið frá 1965 eða þar um bil eftir tískunni að dæma eftir því sem ég fæ best séð.

Getgátur mínar um tilvist þína hafði ég uppi bæði vegna hugmynda þinna um upptöku þéringa og eins vegna orðahnippinga okkar út frá færslu Jennýjar um mótmælafundinn, þar sem ég áleit út frá orðum þínum augljóst að þú hefðir ekki verið á Austurvelli síðast liðinn laugardag. Hvernig sem koma má því heim og saman að telja slíkt álit sleggjudóm. En það orð mun hafa verið þér nærtækt vegna þess að ég hafði kallað það sleggjudóm að hafa álit á atburði sem þú hafðir að því er ég best fékk séð ekki verið viðstödd (en hins vegar sjón- og heyrnarleysi ef þú hefðir verið þar), heldur aðeins haft spurnir af í villandi sjónvarpsfréttum. (Þú hefur reyndar ekki enn látið uppskátt um það). Fréttum sem síðan hefur verið gerð tilraun til að klóra yfir í fréttatímum tveggja stjónvarpsstöðva nú í kvöld.

Tenging nafns þíns við spíritisma er augljós hverjum þeim sem eitthvað þekkir til hans hér á Íslandi. Hugsanlega ert þú tengd hinum þekkta spíritista Einari Kvaran fjölskylduböndum, ef til vill ertu dóttir hans, nafnið gæti bent til þess. En kannski ertu alls óskyld honum, það eru margir sem heita Kvaran á Íslandi og eru þó ekki skyldir. 

Sért þú tengd Einari Kvaran fjölskylduböndum bið ég þig velvirðingar að hafa farið galgopalega með þessi tengsl. Sé hins vegar ekki sé ég enga ástæðu til að biðja þig afsökunar á öðru en óhóflegum galgopahætti. Dónaskap mun ég ekki játa upp á mig, enda ættir þú að vita ef þú hefur umgengist mig, sem þú segist hafa gert þó ég átti mig ekki á því, að slíkur er mér víðs fjarri, þó ef til vill hafi stundum mátt saka mig um hroka, sem var mér þá ómeðvitaður.

Lifðu heil.

[Greta Björg Úlfsdóttir, 9.11.2008 kl. 20:43]

* Þú hefur hins vegar ekki látið uppskátt um það = það er að segja hvort þú hafir verið þar eða ekki, þrátt fyrir ítrekaðar spurningar mína. Það virðist vera hernaðarleyndarmál hvort svo hafi verið...

[Greta Björg Úlfsdóttir, 9.11.2008 kl. 21:48]

Þvílíkt leyndó.

Ég veit ekki til þess að ég þekki þig eða tengist þér á neinn hátt, hvað þá að þú þekkir mig persónulega að einhverju merkilegu. Má vera að þú eigir við föður minn heitinn, en ég er ekki hann og alls ekki sjálfgefið að fólk feti í fótspor forfeðra sinna, eins og þú getur sjálf réttilega um hér áður.

[Jenný Anna Baldursdóttir, 9.11.2008 kl. 21:58]

Greta má ég spyrja hver pabbinn var?

[Greta Björg Úlfsdóttir, 9.11.2008 kl. 22:09]

Það var nú gott.

Ég bið Jenný afsökunar á að hafa leitt efni færslunnar út á villigötur, þar sem upphaflegt efni færslunnar var augljóslega ekki þéringar sem slíkar, heldur óhófleg undirgefni fjölmiðla við yfirvöld.

[Greta Björg Úlfsdóttir, 9.11.2008 kl. 22:09]

Pabbi minn var Úlfur Ragnarsson, læknir.

[Greta Björg Úlfsdóttir, 9.11.2008 kl. 22:11]

það er að segja ekki á Ísafirði, heldur í Hveragerði og Reykjavík, á Kirkjubæjarklaustri, Þórshöfn á Langanesi og í Kristneshælinu í Eyjafirði. Ekki í þessari röð!

[Greta Björg Úlfsdóttir, 9.11.2008 kl. 22:13]

Nálastungulækningar á Akureyri og síðast í Reykjavík.

[Jenný Anna Baldursdóttir, 9.11.2008 kl. 22:46]

Ertu að meina þetta.  Mér þótti og þykir undurvænt um þann mann.

Veit ekki hvar ég á að byrja.  Hugsa um hann á hverjum degi og hann er einn sá kærleiksríkasti maður sem ég hef rambað á.

[Nína S (IP-tala skráð) 9.11.2008 kl. 22:51]

Stelpur, látið ekki svona. Hjördís er bara að tala um ákveðja siðvenju sem hefur sína kostli. Og á líka þátt í ýmsum rómantískum skáldsögum með happý endingum. Að þér er að mínu mati einfaldlegja stéttaskipting, en um leið aðferð til að halda fólki almennt ópersónulega þar til það kynnist. Rómó. Jamm. en er það ekki dæmigert að ergelsið í okkur fari út í þras? Eg vil nefnilega leggja til að við notum eigöngu vefmiðlana til að hlusta á útvarp og sjónvarp. Og til að hafa samband ekkert annað. Þá geta þessar stöðvar átt sína hundleiðinlegu þætti sem flestir nenna ekki að horfa á, svo förum við út í sjoppu og tökum dvd disksa, nammi o.svoleiðis. Og auvitað verða netverjar sínar eigin fréttamannalöggur. Frábært.

[Greta Björg Úlfsdóttir, 9.11.2008 kl. 23:03]

Gaman að heyra þetta Jenný, yljar um hjartarætur.

Já, Nína, kurteisi sakar engann...nema í óhófi.

Netið er reyndar á góðri leið með að verða minn helsti samskiptamiðill...veit nú ekki hversu jákvæð sú þróun er.

Rosa frískandi að koma á fundinn í gær. Vildi hafa svona fund daglega...

[Hildigunnur Rúnarsdóttir, 10.11.2008 kl. 11:48]

Þjóðverjar eru reyndar mikið til hættir að þéra, það hefur dregið gríðarlega úr því síðustu 20 árin.

Enskumælandi fólk þérar hins vegar alltaf, you er nefnilega þérun þótt hún hafi misst gildi sitt sem slík fyrir lifandis löngu.

[Greta Björg Úlfsdóttir, 10.11.2008 kl. 12:14]

Þetta mun vera rétt hjá þér með ensku og þéringar, Hildigunnur, ætli flestir séu ekki búnir að gleyma þessu í dag?