Flottur Egill og Jón Ásgeir

Þetta var sögulegt Silfur hjá Agli í dag.

Og já mér fannst hann komast ágætlega frá reiðilestrinum, var samt hrædd um að hann myndi beita ofbeldi yfir borðið.

En ég held að Egill hafi verið að tjá reiði margra í þjóðfélaginu.

En...

Mér fannst Jón Ásgeir standa sig aðdáunarlega vel líka miðað við hvað hann fékk í andlitið.

Það þarf mikið æðruleysi til og nei ég held ekki að JÁ sé siðblindingi.

Það þarf hugrekki í þeirri stöðu sem hann er í að koma og skýra mál sitt.

En eftir þennan þátt þá ríður á sem aldrei fyrr að fá svör við því hvað gerðist.

Var Glitnir í aðstöðu til að bjarga sér frá þroti þarna í upphafi þegar þeir leituðu hófanna hjá Seðlabankanum?

Mér finnst gott að hafa horft á viðtalið vegna þess að ég hef það skuggalega á tilfinningunni að hér sé ekki allt komið fram. 

Að allt sé ekki eins og sýnist.

Mér nægja ekki handpikkaðir sökudólgar.

Ég vil fá alla söguna.

Takk fyrir Egill.  Flottur.

Hannes Smárason sem var upptekinn við mikilvægari mál en að tala við íslensku þjóðina í gegnum Silfrið má vera í útlöndum.  Lengi.  Helst vildi ég að þessi lydda snúi aldrei aftur til þessa lands.

SILFRIÐ HJÁ LÁRU HÖNNU

Jón Ásgeir: Fær ekkert út úr sölunni á Baugsfyrirtækjum

Athugasemdir

[Sunna Dóra Möller, 12.10.2008 kl. 14:55]

Ég er sammála þér að Egill var góður og ég skil ekki alveg þessa reiði í hans garð fyrir að reiðast Jóni Ásgeiri, stundum finnst mér við þjóðin ansi smáborgaraleg og þá sérstaklega ef að við ætlum að fara að vorkenna útrásarvíkingunum. Sá að stokkhólmsheilkenni var notað um þetta hér á öðru bloggi og er ekki frá því að það sé rétt. Ef að við þorum ekki að reiðast og sýna að við séum reið, þá verður ekkert uppgjör og þetta verður gleymt að íslenskum hætti fyrir jól og við kjósum yfir okkur sama ástand eins og ævinlega! En ég er sammála því að Jón á skilið prik fyrir að koma á meðan aðrir eru uppteknir við að hneppa öðrum hnöppum!

[Nafnlaus (IP-tala skráð) 12.10.2008 kl. 15:13]

Er það ekki siðblinda að leggja áherslu á að bjarga störfum í Bretlandi á sama tíma og hér riðar allt til falls vegna gjörða hans (og annara). Honum fannst hann enga ábyrgð bera á því þó allt hagfræðingastóðið sé sammála um að sukkið á þessum mönnum er ein aðal ástæðan fyrir því hnvernig komið er. Góðu fyrirtækin: Sterling, American Airlines, Finnair, Bang og Olufsen, nenni ekki að nefna fleiri en líkin af þessum og öllum hinum voru í lestinni hjá íslensku bönkunum. Auðvitað vildi hann ekki láta opna lestina.

[Jenný Anna Baldursdóttir, 12.10.2008 kl. 15:19]

Nafnlaus: Ég vil láta rannsaka þetta niður í kjölinn og ég veit ekkert um sekt eða sakleysi Jón Ásgeirs.  En það er víst satt og rétt að þeir hafa verið á endorfínflippi allir þessir kallar í útrásinni.

Ég er hins vegar viss um að ríkisstjórnir undanfarinna ára (tugar) eru búnir að búa til þessi skilyrði, hafa ýtt undir peningaöflin, fagnað umfangi útrásarinnar og ekki gert nokkurn skapaðan hlut til að spyrna við fótum.

Málið er stærra en svo að tugi manna verði kennt um hvernig komið er.  En þeir eru sannarlega sekir um græðgi og að hafa nýtt sér aðstöðuna.

En ég vil sjá að þetta mál verið kannað niður í fúlustu rætur.

Sigurður Helgi: Já hann fær prik hjá mér fyrir að mæta.

Sunna: Það er undir okkur fólkinu komið að þjóðfélagið verði stokkað upp, áherslum breytt og þeir sem hafa klúðrað vaktinni verði látnir taka ábyrgðina.

Ford: Ég sé ekkert athugavert við framkomu Egils.  Hann var einfaldlega haldinn þeirri reiði sem flestir eru að upplifa núna.

Spurning hvort hann taki ekki fleiri til bæna.

[kolla (IP-tala skráð) 12.10.2008 kl. 15:21]

Jón Ásgeir snarhækkaði í áliti hjá mér fyrir það fyrsta að mæta í þáttinn. Hvar eru Bjarni Ármanns, Finnur Ingólfs, Ólafur Ólafs, Hannes Smárason, Pálmi Haralds, Bjarg-úlfarnir o.fl? Ég var annars búin að sjá bæði myndböndin sem ganga á Youtube þar sem JÁ, HS, PH og fleiri urðu fyrir gengishruni í huga mínum.

Það er óumflýjanlegt að í gang fari rannsókn á öllu saman kannski þurfum við útlenda rannsóknaraðila til að sjá um það því allt er svo innviklað hér.

[Líney, 12.10.2008 kl. 15:40]

Mitt mat er að JÁJ stóð sig vel miðað við þa´aðstöðu sem hann er í,ekki gleyma að hann er reiður líka en það var alls ekki að sjá á honum.

Egill óundirbúin, lætur reiðina ná  tökum a´sér,leyfir  JÁJ ekki að klára að svara,grípur  frammí etc....  = illa unnið  viðtal og skilaði ekki tilætluðum árangri.

[Edda Agnarsdóttir, 12.10.2008 kl. 15:51]

Mér fannst Egill ekki bera eina einustu virðingu fyrir honum JÁJ og það þykir mér verst. Þegar Egill er búin að ganga svo harkalega að honum að Jón gefst upp og vindur þetta upp á hann og hans haus, verður Egill reiður og lýkur þættinum, þakkar honum fyrir komuna og heldur samt áfram!?

Af hverju er hann ekki svona aðsópsmikill við Davíð?

Eða aðra ráðamenn? 

Ég ber virðingu fyrir Jóni að mæta í þáttinn. Ég merkti mikla sorg í hans andliti og það getur líka táknað innibyrgða reiði. Ég ber ekki virðingu fyrir því sem hann hefur verið að gera nema að örlitlu leyti. Veislan varð allt of stór.

[Arnþrúður. (IP-tala skráð) 12.10.2008 kl. 15:53]

Helst vildi ég að lyddan Hannes seldi allt sitt upp í skuldirnar, og kæmi svo hingað að vinna fyrir þeim það sem eftir er hans lífs.

[Lára Hanna Einarsdóttir, 12.10.2008 kl. 15:56]

Búin að setja þáttinn inn á bloggið mitt í kaflabútum. Þar getur fólk horft og hlustað aftur, sem gjarnan er nauðsynlegt eftir svona spennu og tilfinningarúss.

Spyrjum okkur fyrst: Hvað sögðu stjórnmálamennirnir? Hvað innihéldu orð þeirra? Getur einhver sagt mér það? Hvað þýða þessir flokkspólitísku frasar? Sagði Dagur eitthvað sem hald er í? Í Vettvangi dagsins fannst mér Sigmundur Davíð mest afgerandi og málefnalegastur.

Ragnar Önundarson var líka málefnalegur og gríðarlega fróðlegt að rifja upp greinaflokkinn hans og hlusta síðan á bæði viðtölin við hann - í eldra Silfrinu og svo nú.

Jóhanna glansaði að venju. Hún ber höfuð og herðar yfir alla ráðherra ríkisstjórnarinnar, hefur ríka réttlætiskennd og ber hag þjóðarinnar fyrir brjósti sér. Hennar tími er kominn og hún notar hann vel að því er virðist.

Jón Ásgeir. Jamm... Mér finnst verulega skondið að gefa honum prik fyrir að mæta, bara af því hinir vildu ekki mæta. Mér finnst sjálfsagt að hann hafi mætt og hann fær ekki prik fyrir það eitt hjá mér. Egill var reiður við hann, satt er það. Kannski hefðum við verið það líka í hans sporum, mig grunar það. En hlustið á hann aftur og íhugið hvað kom í raun út úr viðtalinu við hann. Hverju svaraði hann? Hverju svaraði hann ekki?

[Helga Magnúsdóttir, 12.10.2008 kl. 16:29]

Sá ekki þennan þátt en sýnist á öllu að Egill hafi farið offari gegn Jóni Ásgeiri. Svo koma pólitíkusarnir í einhver drottningarviðtöl og ljúga og koma sér hjá því að svara.

[Linda Linnet Hilmarsdóttir, 12.10.2008 kl. 16:49]

[María Guðmundsdóttir, 12.10.2008 kl. 16:53]

 góda viku og haltu áfram ad blogga um mál lidandi stundar,vekur alltaf upp góda umrædu á thørfum málefnum

[Lára Hanna Einarsdóttir, 12.10.2008 kl. 17:01]

Takk fyrir link, Jenný.

Ég ætla að horfa á þetta allt aftur eftir svona 2-3 tíma og taka betur eftir bæði því sem sagt var sem og líkamstjáningunni. Sérstaklega hjá Jóni Ásgeiri.

Ég finn til með Agli núna. Það eru svo margir að skamma hann og mér finnst hann ekki eiga það skilið. Ég skil svo óskaplega vel framkomu hans við Jón Ásgeir, hefði líklega verið svona sjálf í hans sporum - öskureið. Auðvitað hefði verið æskilegt að Egill hefði verið rólegri og þar með málefnalegri, en engu að síður fannst mér hann með reiði sinni vera að tjá reiði þjóðarinnar og með því hefur honum ef til vill tekist hið ómögulega - að láta þjóðinni finnast að hún hafi fengið útrás á einum þeirra manna sem ber vissulega sinn hluta af sökinni.

Það gæti svo aftur verið ávísun á örlítið rólegri þjóð sem síðan veldur því að hún getur farið að hugsa á skynsamari og yfirvegaðri nótum en hægt hefur verið undanfarið.

Með því að berja á Agli eftir Silfrið er verið að hengja bakara fyrir smið.

[Birna Dis Vilbertsdóttir (IP-tala skráð) 12.10.2008 kl. 17:12]

 Egill var fok illur.Ætli hann hafi tapað peningum ?Virtist vera svo persónulegt hjá honum.Jón og allir hinir ? Gaman væri að vita sannleikann svona einu sinni,við eigum rétt á því.Ekki var ég neinu nær um það eftir þáttinn.

[Gulli litli, 12.10.2008 kl. 18:15]

Var að horfa á þennann þátt...JÁ verst fimlega....

[Gulli litli, 12.10.2008 kl. 18:16]

þennan á þetta að vera..

[Gunnar Hrafn Jónsson (IP-tala skráð) 12.10.2008 kl. 19:01]

Mér fannst Jón Ásgeir komast ágætlega frá þessu, ég hefði gjörsamlega tapað mér í hans sporum, bara tekið einn Benna Ólsara á þetta. Að sama skapi áttu spurningarnar alveg rétt á sér, bara svakalegt að sjá þetta. Svo hefði kannski mátt orða þetta aðeins fallegra en Egill sá sér fært.

Besta innleggið þótti mér viðtalið við Jóhönnu, róaði mig eitthvað niður. :)

[Gunnar Hrafn Jónsson (IP-tala skráð) 12.10.2008 kl. 19:27]

Lára: flott komment, að venju :)

[Guðríður Hrefna Haraldsdóttir, 12.10.2008 kl. 19:37]

Ég hef líka á tilfinningunni að við vitum ekki helminginn af því sem hefur verið í gangi. Flott færsla! Elska líka Láru Hönnu.

[Kjellingin (IP-tala skráð) 12.10.2008 kl. 19:39]

Jón Ásgeir mætti í þennan þátt af því að honum finnst hann ekkert hafa gert. Hann eigi enga sök. Hann var ekkert hræddur við að mæta því hann er sannfærður um eigið sakleysi. Enda hélt hann því fram að þessi reiði og þessar hugmyndir um að hann hafi gert eitthvað af sér væri bara í huga Egils! Sýnir í hvaða fílabeinsturni þessi maður lifir. Les hann ekki blöðin, bloggið, hlustar hann ekki á útvarp? Nei hann veit ekkert hvað kraumar i þjóðarsálinni. Mætir þarna, nýbúinn að skola niður nokkrum flöskum af 17 þús króna rauðvíni, á leið úr landi á einkaþotunni sinni og skilur ekkert í þessu havaríi öllu. Hann sé hvítskúraður. Skil Egil vel. Er eiginlega bara  hissa á því að hann skyldi ekki gefa honum einn á kjammann!

[halkatla, 12.10.2008 kl. 20:18]

Báðir voru bara hrikalega flottir - ég sá bara smávegis og gat varla horft! var hrædd

[Hrönn Sigurðardóttir, 12.10.2008 kl. 20:57]

Af hverju er DO ekki tekinn svona á beinið hjá Agli?

Mér finnst aldrei flott þegar fólk missir sig í svona arg og garg!! Mér finnst miklu flottara þegar fólk lætur ekki spana sig upp.

Egill er þáttastjórnandi og sem slíkur á hann að vera fagmannlegur! Ég man ekki eftir því að hafa beðið hann að túlka reiði mína.....

Vitaskuld þarf að rannsaka þetta mál niður í kjölinn - veit samt ekki hvort nú er rétti tíminn til þess! 

[Sesselja Fjóla Þorsteinsdóttir, 12.10.2008 kl. 21:01]

Mér fannst þessi reiði og æsingur Egils engan veginn skila sér í málefnalegri umræðu.  Jón pollrólegur.....bla bla.  Þetta skilaði litlu að mínu mati.

[Signý, 12.10.2008 kl. 21:08]

Well... veit það ekki, Egill að tjá reiði allra íslendinga. Maðurinn má ekki gleyma því hvar hann er, hann er þáttastjórnandi í stjórnmálaþætti og verður að passa sig að missa sig ekki í svona skítkast eins og mér fannst þetta eiginlega vera orðið þarna undir restina.

Engu að síður þá er það alveg rétt að auðvitað ber Jón Ásgeir og hans líkir einhverja ábyrgð á því sem hefur verið að gerast hér á landi undanfarna daga og vikur. Þeirra er hinsvegar ekki öll sökin og var það alveg rétt bent á það hjá Jóni Ásgeiri að það þyrfti að vera sanngjörn ábyrgð sem er lögð á hann og hans líka. Þeir bera ekki alla ábyrgð. 

Mér fannst Jón Ásgeir komast vel frá þessu og eins og fleiri hafa sagt hérna á hann allt mitt respect fyrir að hafa mætt í þáttinn til þess að fá að útskýra sína hlið. Mér finnst hann hinsvegar ekki hafa fengið það sökum hamagangs og hreint út sagt hlæjilegra spurninga Egils. 

[Hulla Dan, 12.10.2008 kl. 21:10]

Knús til þín og góða viku... Vonum að ástandið fari að lagast.

[Bjarni Kjartansson, 12.10.2008 kl. 21:34]

Sumir eru siðblindari en aðrir.

Miðbæjaríhaldið

[Sigrún Jónsdóttir, 12.10.2008 kl. 21:48]

Ég tek undir allt sem Hrönn skrifar hér að ofan.  Mér fannst eiginlega áðursagðar umsagnir snúast við.....Þáttastjórnandinn varð "götustrákurinn". 

Að því sögðu verð ég eiginlega að bæta því við að ég velti því fyrir mér  hvort  Jón Ásgeir hafi verið vakin til umhugsunar um hvað þjóðinni finnist svona almennt um flottræfilsháttinn á honum og hans líkum í "góðærinu" svokallaða.  Hingað til hefur hann bara fengið samúð frá "hirðinni" sinni og það er svona svipað og hjá stjórnmálamönnunum sem hafa bara já fólk í kringum sig

[Karlmaður (IP-tala skráð) 12.10.2008 kl. 22:13]

Ég sé ekkert nema kellingar, helsjúkar af stokkhólmsheilkenni.  Egill orðinn vondi kallinn.  Það er einmitt fólk eins og þið sem eigið skilið að fara á hausinn af völdum annarra, sem þið svo takið upp hanskann fyrir.  Ég vorkenni ykkur.

[Margrét Össurardóttir (IP-tala skráð) 12.10.2008 kl. 22:13]

Egill gerði sig að fífli, þó hann endurspeglaði reiði fólks í landinu átti hann ekki að haga sé reins og fífl, ekki hagar hann sér svona við stjórnamálamenn? Af hverju að kalla Jón Ásgeir glæpamann? Hefur hann gert eitthvað glæpsamlegt af sér? Hvaða sannanir hafið þig? hann var eingöngu að þiggja fé af bankamönnum sem báru í hann peninga, hvaða helvita íslendingur hefði ekki gert það sama?

Ekki glæpsamlegt að mínu mati. Þetta lýsir sér í öfund af ykkar hálfu þykir mér sem segið hann glæpamann. Af hverju verslið þið þá hjá glæpamanni? "BONUS"

[Katala (IP-tala skráð) 12.10.2008 kl. 22:35]

Egill hagaði sér eins og fífl, fyrst og fremst vegna þess að hann var svo upptekinn af því hvort Jón Ásgeir mundi nú hafa það betra en annað fólk í þjóðfélaginu, ég er algjörlega sammála Jóni um það að heimskulegustu aðgerðir stjórnarinnar voru að neita Glitni um ríkisábyrgð í upphafi, hefðu þeir gefið þessa ábyrgð þá hefði hún verið 80 millj, en í staðinn sitjum við uppi með skuldir uppá tólf-falda þjóðarfamleiðslu.  Ef þetta er ekki heimska þá er hún ekki til. 

Það er rétt hjá Jóni að þetta fellur eins og dómino, afleiðngarnar eru ekki enn komnar að fullu í ljós, en það að ætla mönnum sem standa í skilum að vera fyrsti kubburinn, er líka heimska.  Af hverju haldiði eiginlega að fólk vilji Davíð úr seðlabankanum, af því að hann er svo ljótur. 

Mér fannst Jón koma ágætlega út úr þessu viðtali miðað við bægslaganginn í Agli, ég hefði frekar viilja heyra hvað meðurinn ætlaðist fyrir með það sem eftir er af eigum þeirra og hvernig hægt væri að grynnka á skuldum þeirra jafnvel með sölu á þeim, og hvað Bónus varðar þá er það rétt hjá honum að það gerir engum gagn að reyna að setja það fyrirtæki á hausinn, hvorki þeim sem missa vinnuna né þeim sem kaupa sína matvöru á skársta verði sem býðst á matvörumarkaði.

[Sólveig Kristín Gunnarsdóttir, 12.10.2008 kl. 23:04]

Mér fannst Jón koma vel fyrir, thad kom mér mikid á óvart. Egill gerdi honum líka audveldara fyrir, af thví hann vard svo reidur. Thad var reyndar mjøg flott, ad Jón reifst ekki med (margir hefdu nú farid ad æsa sig á móti). Ég held ad ef Egill hefdi hallad sér adeins meira aftur á bak í stólnum, hefdi vidtalid verid miklu erfidara fyrir Jón Ásgeir. Thá hefdi hann thurft ad segja, hvad hann væri upptekinn af, hvernig hann meinti ad málin myndu thróast osfrv. En hann slapp eiginlega med ad segja mjøg lítid, af thví Egill var svo reidur. Thannig ad innihaldid hverfur  í umbúdunum og vid dáumst øll ad rósemt Jón Ásgeirs. Held ég.

[Jenný Anna Baldursdóttir, 12.10.2008 kl. 23:18]

Hvert einn og einasti sem gert hefur athugasemdir við þessa færslu, hefur eitthvað til síns máls.

Hlutirnir eru nefnilega ekki svartir eða hvítir það eru margir vinklar á þessum málum.

Það er líka afskaplega barnalegt að ætla að beina reiði fólks að örfáum mönnum sem nýttu sér græðgisvæðinguna.

Allt samfélagið hefur verið á villigötum og þar með talin stjórnvöld.

Takk kærlega fyrir þátttökuna.

[DanTh, 13.10.2008 kl. 01:28]

Það er linkindin sem er að draga okkur niður.  Samkennd með þeim sem brjóta af sér, þessi svokallaða aumingjavæntumþykja.

Egill fær prik frá mér, hann tjáði reiði mína fullkomlega gagnvart öllu þessu máli.  Þessi aðall talar yfirleitt niður til þjóðarinnar þegar talað er um ofurlaun þeirra.  Nú hafa þeir sett þjóðarskútuna á hliðina og eiga því að finna á eigin skinni að fólk sé þeim reitt.

[JT (IP-tala skráð) 13.10.2008 kl. 10:17]

Egill lét það bara eftir sér að tala við Jón Ásgeir eins og almenningur í landinu talar saman. Hinn almenni borgari er löngu hættur að skilja þessar skrilljónir sem við höfum tapað á hinni glæsilegu útrás gamblaranna, hvað þá hvað þetta þýðir í afborgunum í framtíðinni. Mér finnst alveg merkilegt hvað Jón Ásgeir kemst upp með að vísa allri, og þá meina ég ALLRI, ábyrgð til föðurhúsanna. Fólk hreinlega trúir því að hann sé blásaklaus vinur litla mannsins (vegna Bónusverslananna) sem hafi orðið fyrir einelti stjórnvalda og Davíðs Oddssonar!!!! Er það ekki orðin ofnotuð klisja hjá honum... Mér finnst skrítið þegar fólk gefur Jóni prik fyrir að mæta í þáttinn....ég hefði gefið honum prik fyrir að gangast við sinni ábyrgð. En það gerir hann svo sannanlega ekki og ekki nóg með það, heldur bendir hann á sökudólga í allar áttir!!! Sér til málsbóta segir Jón Ásgeir að þessi fyrirtæki (hvaða nafni sem þau nefnast) hafi staðið í skilum með sínar afborganir!!!!! En úps.... er það ekki einmitt mergurinn málsins? það er; hvaða aðferðum hefur verið beitt til þess að standa í skilum? Hvaða aðferðum hefur verið beitt til að hækka verðmat þessarra fyrirtækja? Hverjir stóðu að því og hverjir græddu á því?  Hvernig gátu þessi fyrirtæki blásið svona upp með ímynduð verðmæti á bak við sig. Og svo var bara komið að "alvöru" skuldadögum, veislan búin og fyrirséð að ekki var til fyrir næstu afborgunum hjá Glitni t.d. Það kom gat á loftkastalann en Jón Ásgeir telur sig ekki eiga neinn þátt í hvað hefur gerst og þjóðin kaupir samsæriskenningarnar eins og kjánar. Alltaf tekst honum að selja okkur eitthvað.

[Ásgrímur Hartmannsson, 14.10.2008 kl. 15:29]

Það má vel vera að Glitnir hefði sokkið einn og sér.  En ef Davíð hefði setið á sér og leyft því að gerast án þess að tjá sig frekar um það, þá hefði það skeð án þess að draga hina bankana með sér.  Og með bönkunum, fullt af öðrum minni fyrirtækjum.

Davíð sökkti bankakerfinu.  Jón hefði bara sökkt hluta af því.  Og nú er hann sjálfur á hvínandi kúpunni.

[Kreppumaður, 15.10.2008 kl. 00:46]

Þegar ég gifti mig var Hannes Smárason á gestalistanum.  Hann var þá líka upptekinn í útlöndum.  Þá var hann bara búinn að tapa 10% af því sem hann hefur tapað núna...   Málið er að auðmenn eru alltaf uppteknir þegar búkarlar eiga í hlut.  Og munu verða það. 

Egill skeyt á sig í þessu viðtali.  Varð að ómenntuðum og reiðum durgi í stað þess að vera útsmoginn fjölmiðlamaður.  Hefur haldið að þjóðin mundi elska hann fyrir það að hata JÁ.  Það er vond fjölmiðlamennska.

Og eitt enn - knús á þig (eins og ef við værum vinir á barnaland.is) fyrir að vilja koma mér í meðferð.  Mikið er ég fullur!