Ég er ekki að tala við þig - heldur er ég að tala við þig

Jenný Una Eriksdóttir litaði á borðið í gær og sagði aðspurð að hún hefði ekki gert það.  Það hafi verið önnur Jenný Una Eriksdóttir, mjög óþekk slík, sem gerði það en hún væri farin.

Jennýju má segja til málsbóta að hún er þriggjaoghálfs árs og með afskaplega líflegt ímyndunarafl.

Kjartan Gunnarsson, fyrrverandi framkvæmdastjóri Sjálfstæðisflokksins og fulltrúi í stjórn Landsbankans, frábað sér að vera kallaður óreiðumaður á flokkráðsfundi í gær en takið eftir hann var ekki að vísa til Davíðs Oddsonar.

Samt er ekki vitað um að neinn annar hafi látið þessi orð falla um forsvarsmenn bankanna annar en téður Davíð, þó leitað sé með logandi ljósi.

Kjartan Gunnarsson, kt. sósósó-sósó, til heimilis að Sóandsó nr. sóandsó; ég trúi ekki orði af því sem þú segir, ég held að þú sért svona skelfilega hræddur við Föðurinn.

En ég er ekki að tala við þig, ég er að tala við Kjartan Gunnarsson með sömu kennitölu og sama heimilisfang.

Meikar það ekki sens kallinn minn?

Jújú erþaeggibara?

Tár felld á flokksráðsfundi

Athugasemdir

[Jónína Dúadóttir, 12.10.2008 kl. 12:40]

Æi maður tárast nú bara líka... eða er þa´kki annars ?

[Sólveig Kristín Gunnarsdóttir, 12.10.2008 kl. 12:41]

snøft snøft í ødru

[Heiða B. Heiðars, 12.10.2008 kl. 12:47]

Hahahaha þú ert perla

[María Guðmundsdóttir, 12.10.2008 kl. 13:27]

æ thetta er nottlega allt saman hid sorglegasta mál Jenný  madur bara kløkkur ad lesa um greyid sjálfstædismenn...obbobbobb..

[Jóna Á. Gísladóttir, 12.10.2008 kl. 13:58]

úff hvað ég þurfti að lesa þetta oft til að litli heilinn á mér næði utan um efnið. En það tókst á endanum

[Líney, 12.10.2008 kl. 14:02]

 Ég beygi mig í duftið,háæruverðugi foringi.

[Jóna Kolbrún Garðarsdóttir, 13.10.2008 kl. 01:52]

Heheh  Einn maður sem má ekki koma inn á barinn hjá mér segir alltaf að tvíburabróðir hans hafi verið með vandræði fyrir nokkrum árum, en málið er að maðurinn á engann tvíburabróður.