Alls konar sensasjónir

Hvar eru mennirnir sem standa að Icesave?

Af hverju standa þeir ekki vaktina og tala við fjölmiðla.  Útskýra hvað er í gangi?

Ég vissi ekki að íslenska ríkið væri ábyrgt fyrir sparifé breskra reikningseiganda í Icesave.

En það er ekki að marka, ég veit fjandann ekki neitt.

Það er leiðinlegt til þess að vita að íslenskur almenningur er nú úthrópað ótínt þjófapakk í útlöndum.

Blásaklaust eftir því sem ég best veit.

Ég gefst upp á að skilja þetta fyrirkomulag og ætla út að fylgjast með fiðrildunum í garðinum.

Þau eru að drepast í hárri fiðrildaelli þessir ræflar.

Þá lífsins sensasjón skil ég þó að einhverju leyti.

Dæs.

Ég flokka þetta fjandinn hafi það undir Landsbankadeildina.

Brown hótar aðgerðum

Athugasemdir

[Kristín Katla Árnadóttir, 8.10.2008 kl. 14:39]

Er sammála þér en taktu eitt fiðrildið og óska þú þér. Það ætla ég að gera.

[Jónína Dúadóttir, 8.10.2008 kl. 14:46]

Hvar finnið þið fiðrildi ?

[Líney, 8.10.2008 kl. 14:53]

hehe Landsbankadeildin

[Svanur Gísli Þorkelsson, 8.10.2008 kl. 15:02]

Nú segja erlendir fjölmiðlar frá því að allt stefni í gjaldþrot hjá Íslendingum og þeir verði fyrstir þjóða heimsins "ever" til að lýsa sig gjaldþrota. Fatlað fólk í hjólastólum sem segist hafa misst allt sitt á að ávaxta hjá Icesave kemur fram í fjölmiðlum og Brown hótar Íslendingum lögsókn. - Ég hlakka til þegar að histeríunni lýkur. - Málið er einfalt. Íslendingar eiga ekkert að borga. Bankamennirnir sem græddu milljarða á íslendingum og komu sér á listann yfir ríkustu menn í heimi eiga að skila þessum peningum aftur til bankanna. Nú er skattféð notað til að borga þessum guttum áfram milljónir í kaup á mánuði. Ef að íslendingar gera ekkert gagnvart þessum málum eiga þeir ekki betra skilið. Þeir treysta að því er virðist vera út í það óendanlega, stjórnmálmönnum og fjárglæframönnum, brosa bara út í annað og segja, ja, þetta reddast.

[Heiða B. Heiðars, 8.10.2008 kl. 15:07]

Nákvæmlega Svanur. Hafi eitthvað af viti komið frá Davíð Oddssyni þá er það að ríkið eigi ekki að hirða upp eftir skuldsetta fjárglæframenn.

[María Guðmundsdóttir, 8.10.2008 kl. 15:12]

tek bara undir med Svavari og Heidu

kvedja til thin Jenný..hafdu thad sem best

[Hrafnhildur Ýr Vilbertsdóttir, 8.10.2008 kl. 17:21]

Algjörlega sammála Svan....

[Einar Örn Einarsson, 8.10.2008 kl. 17:43]

Anda inn og anda út

Safnarðu fiðrildum Jenný?

Hérna eru bara flögur, eins og amma heitin sagði.

[Edda Agnarsdóttir, 8.10.2008 kl. 18:13]

Það er allt fullt af fiðrildum hjá mér, setjast á vegginn við útidyrahurðina á kvöldin udir útiljósinu, vonandi veit það á gott.

Það er hálfgerður skjálfti í mér, það verður að viðurkennast, ég er hrædd.

[Hildur Helga Sigurðardóttir, 8.10.2008 kl. 18:31]

Í teóríunni er íslenska ríkið ekki ábyrgt fyrir innistæðum 300.000 breskra sparifjáreigenda í Icesave. 

Í praxis gera þeir bara engan mun á ísl. ríkinu og ísl. "óreiðumönnum", eins og Davíð kallar þá, í einkageiranum.

Þeim er sléttsama hver tryggir peningana þeirra -eins og okkur- bara ef einhver gerir það... 

[Gulli litli, 8.10.2008 kl. 20:33]

Vill einhver kaupa lítid notadan íslending med vidskiptavit? Segi bara svona...hmmm.

[Auður (IP-tala skráð) 8.10.2008 kl. 21:06]

Var ekki þessi blessaður Landsbanki seldur til einkaaðila?  Hvers vegna ættum við íslensk þjóð að hafa áhyggjur/bera ábyrgð á netbankanum Icesave, afkvæmi hans í útlöndum?  Ef breskir falla í þá freistingu  að leggja inn á þennan banka "so what?"