Kl. 16 - vér teljum niður

Jæja, þá fara fagnaðarlætin að bresta á.  Nánar til tekið klukkan 16, en þá mun GHH flytja ávarp og strax á eftir verður þingfundur.

Ég er svona um það bil að springa og ég reyni að hugsa ekki um blóðþrýstinginn eftir stressbrjálæði dagsins.

Málið er að svona bið, endalausar yfirlýsingar um alvarleika, fólk að koma og fara,  allir hryllilega ábúðarfullir á svipinn, getur fokkað upp annars ágætri geðheilsu.

Svo sést varla kona fara á þessa læstu fundi, þær eru hins vegar margar í blaðamannastétt bíðandi úti í kuldanum.

Mér væri rórra ef kvenlæg sjónarmið hefðu fengið að komast að í þessu akútástandi sem hér ríður yfir núna.

Kannski kynni ég betur við að hafa fulltrúa kvenþjóðarinnar með svona af því að við erum helmingur þjóðarinnar og svo er jakkafatakapítalisminn algjörlega gjaldþrota.

Ég ætlast til að þessir Armanífrömuðirnir skoði sjálfa sig og gjörðir sínar af miklu raunsæi nú þegar hægjast fer um eftir storminn sem hefur geisað í efnahagslegu tilliti.  Þ.e. ef hann gengur niður bölvaður.

Hversu mikla bömmera þarf til þar til jakkafötin átta sig á að þeir eru ekki með þetta?

Nú er að telja niður. 1, 2, jájá, hætt að telja.

Hún er 15.13. þegar þetta er skrifað. 

Verið þið mjúk, blíð, stillt og elskuleg.

Ekki mun af veita.

Forsætisráðherra flytur ávarp

Athugasemdir

[Ásdís Sigurðardóttir, 6.10.2008 kl. 15:22]

Maður hefur svo sem átt rólegri daga, en þrýstingurinn í mér er þokkalegur. Mörgum líður örugglega illa. En hefur einhver heyrt hvernig ISG heilsast? hef áhyggjur af henni stelpunn.  Kveðja

[Sigríður Inga Sigurjónsdóttir, 6.10.2008 kl. 15:23]

15:25  Ég get varla beðið. Hvort verður það: Á höfuðið eða hausinn???

[Einar Örn Einarsson, 6.10.2008 kl. 15:26]

Spurning.

Á maður að standa, sitja eða vera láréttur þegar landsfaðirinn ávarpar lýðinn?

Eða mun maður sjálfkrafa fara í lárétta eftir að lúðurinn gellur?

Án gríns, verð að játa að ég er spenntur að vita hvað hinn harði herra mun flytja okkur.

[Sigrún Jónsdóttir, 6.10.2008 kl. 15:28]

Á maður að sitja eða standa undir ávarpinu?  Kannski best að liggja

[Einar Örn Einarsson, 6.10.2008 kl. 15:29]

haha Sigrún..........óskastund hjá okkur.

[Sigrún Jónsdóttir, 6.10.2008 kl. 15:29]

Úps, margir að hugsa það sama

[Líney, 6.10.2008 kl. 15:31]

Ég ætla að standa þar til yfir líkur

[Einar Örn Einarsson, 6.10.2008 kl. 15:41]

Talandi um Armani.

Er ekki málið að endurvekja ullariðnaðinn og Gefjunarjakkafötin verði skylduklæðnaður þingheims og ráðuneytiskarla.

Íslenskt já takk og hætta að ala útlendu tískuhommana sem fitna eins og púkinn á fjósbitanum af galdeyri sem streymir til þeirra frá fátæka Íslandi.

[María Guðmundsdóttir, 6.10.2008 kl. 17:03]

ætli thessu verdi tekid standandi ? eda kannski leggjast allir nidur bara til ad sleppa vid fallid?  er vart med migu af spenningi, heyri bara ordid "blabladliroedkjsldhadæfka" thegar GHH opnar kefann...

en sjáum hvad setur....

knús til thin Jenný og hafdu thad gott

[Linda Linnet Hilmarsdóttir, 6.10.2008 kl. 17:42]

Knús kveðjur á þig elsku Jenný mín