Að vita ekkert um allt

Ég samgleðst yfirleitt konum sem fara fram í pólitík og í viðskiptalífinu þar sem hallar okkur stelpurnar.

Því brosti ég blíðlega til Söru Pallin í huganum þegar ég heyrði af framboði hennar til varaforseta Bandaríkjanna. Ég hugsaði líka, damn, damn, damn, nú hleypur á snærið hjá Rebbunum, kona í framboði og allt.

En ég hefði getað sparað mér áhyggjurnar.  Sara Palin vinnur ötullega að því að reyta fylgið af rebúblíkanaflokknum eins og hún hafi verið ráðin til þess alveg sérstaklega.

Mér finnst ljótt að segja það en konan er eins og barn sem alist hefur upp meðal dýra í frumskóginum.   Hún veit ekkert um allt.

Bandarísku fréttastofurnar draga konuna sundur og saman í háði.

Hún hefur verið glórulaus um málefni líðandi stundar.

Svo sá ég þetta frábæra myndband.

Sara Palin valdi að vera ekki lesbía.

Hún á hins vegar vinkonu sem valdi þennan lífsstíl, sennilega um leið og hún valdi sér Volvo og gluggjatjöld í íbúðina.

Alveg: Nú var ég að vakna hérna á þessum dásamlega morgni, sólin skín, fuglarnir syngja og ég er að drepast úr hamingju.

Hvað get ég gert í dag?  Jú ég ætla að velja mér Volvobíl til frambúðar (silfraðan), grænar gardínur í eldhúsið og svo ætla ég að velja um hvort ég á að vera lessa eða ekki.  Hugs, hugs, brak í heila, hm... ókei ég verð lessa!

Það er rosalega langur í mér fattarinn.  Af hverju gerði ég aldrei þetta val?

Þá hefði ég sloppið við að giftast mínum fjölmörgu eiginmönnum.

Fjandinn fattlausi.

Myndband.

Palin fellur í áliti

Athugasemdir

[Jóhanna Magnúsar- og Völudóttir , 2.10.2008 kl. 17:08]

Dittó!

[Hrafnhildur Ýr Vilbertsdóttir, 2.10.2008 kl. 17:16]

Það jaðrar við að ég hafi samúð með konunni...hún kemur svo svakalega illa fyrir, hvar fann hún þessar skoðanir sínar?

[María Guðmundsdóttir, 2.10.2008 kl. 17:17]

[Sigrún Jónsdóttir, 2.10.2008 kl. 17:18]

Kannski var Palin "himnasending"

[Helga Magnúsdóttir, 2.10.2008 kl. 17:53]

Jösses Kaneser. Hún slær Gunnar í Krossinum alveg flatan. Get samt ekki annað en glaðst yfir fylginu sem hún reytir af Rebbunum.

[halkatla, 2.10.2008 kl. 17:58]

Ég ætla að horfa á rökræðurnar, þær verða án efa óborganlegar og ég er læknuð af þráhyggjunni sem fór svo í taugarnar á þér, held að það gleðji þig að vita

[Birna Dis Vilbertsdóttir (IP-tala skráð) 2.10.2008 kl. 18:47]

[Dísa Dóra, 2.10.2008 kl. 19:11]

ohhhhh er hægt að velja hvort maður vill verða gay eða ekki - djö og enginn sagði mér frá þessu  

Þessi kona er nú algjörlega ljóska í gegn eins og sagt er - eða eins og sumir orða það:  Dauft á flestum blaðsíðum ef þær vantar ekki alveg, kápan vitnar ekki um innihaldið.

[Hrönn Sigurðardóttir, 2.10.2008 kl. 19:47]

Jæks!! Ég hefði ALDREI valið grænar gardínur í eldhúsið

[Þröstur Unnar, 2.10.2008 kl. 20:00]

Mér finnst kápa Pallinar hennar flott, og skítsama hvað er þar fyrir innan.

Þá er það frá.

Varðandi eldhús yðar hágöfgi. Er það ekki grænt enn þá? Appelsínugular gardínur falla vel að vinstrigrænum veggjum.

[Þröstur Unnar, 2.10.2008 kl. 20:01]

*Dídús, hvaðan kom þetta "hennar" orð.

[Ragnhildur Sverrisdóttir, 2.10.2008 kl. 20:50]

Heldurðu að það sé eitthvað skárra að eiga fullt af kvenkyns fyrrverandi?

[Lára Hanna Einarsdóttir, 2.10.2008 kl. 21:12]

Sá á kvölina sem á völina - segir máltækið.

Þessar kappræður í nótt verða örugglega djúsí og við fáum marga búta úr þeim á Jútjúb á næstunni! Veit ekki hvort ég nenni að horfa... 

Hvaða kápa, Þröstur? Á hún bara eina?

[Jenný Anna Baldursdóttir, 2.10.2008 kl. 22:27]

Haha, ég ætla að reyna að vaka eftir kappræðunum Lára Hanna.

Ragnhildur: Þú meinar það, jæjaþá ég verð þá áfram óhýr.

Þröstur: Ég skil þig ekki. En það er ekki nýtt.  Híhí.

Hrönn: Ekki ég heldur en vinkona hennar Söru Palin er hrifin af grænu.

Anna Karen: Elsku dúllan mín, velkomin í mannheima.

Takk öll fyrir innlegg.