Buisy, buisy day

Úff, framundan er bissí, bissí dei.

Ég kíkti á stjörnuspána og að vanda smellpassar hún við dagskrá þessa þriðjudags.

Steingeit: Þú ert mjög heppninn þegar kemur að verkefnum sem þú leysir einn af hendi. Þar spilla ekki gáfurnar þínar fyrir. Það helst að þú þurfir tíma til að æfa þig betur.

Ég þarf að sitja ráðstefnu um samskipti fullorðinna við níu mánaða börn.  Mjög virt ráðstefna.

Ég á pantaðan fund  þar sem kynntar verða nýjustu framfarir í rafmagnsfræði.  Ógeðslega spennandi.

Síðan þarf ég að hitta mann út af rollu.

Líf mitt er pakkað af mikilvægum hlutum.  Mér endist ekki dagurinn til að kynna mér mikilvæg málefni á hinum ólíkustu sviðum.

Það er eins gott segi ég að ég er í þeirri aðstöðu að þurfa ekki að slíta daginn í sundur með vinnu.

Ók, ók, ók, villingarnir ykkar.  Þetta eru verkefnin á skiljanlegu máli.

1. Ég ætla að vera með Hrafn Óla í dag vegna þess að hann er með barkabólgu og mamman þarf í skólann og að ná í pabbann á flugvöllinn.

2. Rafmagnsmaðurinn eða konan koma til að lesa af mælinum á eftir.

3.  Ég þarf að hitta kjötkaupmann í einhverju kjötborði og versla mér lambakjöt.

Njótið dagsins.

Later!

Athugasemdir

[Þröstur Unnar, 30.9.2008 kl. 09:07]

Ekki kaupa lambið ef það eru hjólför á því.

[Sunna Dóra Möller, 30.9.2008 kl. 09:10]

Hitta mann út af rollu....nú hló ég upphátt, eins og ég sat eitthvað döpur hér við tölvuna að manna mig upp í að fara að lesa ! Það er ekkert í heiminum eins sjálfsvorkunarhvetjandi og lærdómur, segi ég og skrifa!!

Eigðu góðan dag !

[Ía Jóhannsdóttir, 30.9.2008 kl. 09:26]

Gott að hafa nóg fyrir stafni, þá leiðist manni ekki á meðan. 

[Jónína Dúadóttir, 30.9.2008 kl. 09:38]

Pökkuð dagskráGangi þér vel

[lady, 30.9.2008 kl. 10:11]

gangi þér vel óska þér að þú eigir góðan dag í dag Jenny mín kv Ólöf

[Anna Margrét Bragadóttir, 30.9.2008 kl. 10:35]

Þétt skipuð dagskrá hjá þér í dag

Það er alltaf gott að hafa nóg að gera þá leiðist manni ekki á meðan.

Eigðu góðan dag

[Jenný Anna Baldursdóttir, 30.9.2008 kl. 11:15]

Takk krúttin mín, er svo upptekin að ég má ekki vera að því að lesa blogg.

Sem er helvíti skemmtileg tilbreyting.  Múha.