Enginn krísufundur..

..sagði Geir og laug eins og sprúttsali í fréttunum í fyrrakvöld.

Auðvitað veit ég að málin hafa verið á viðkvæmu stigi en er þá ekki sniðugra að láta ekki taka við sig viðtöl?

Það hleypir illu blóði í fólk þegar það er logið upp í opið geðið á því.

Það sem situr fastast í mér eru svörin um að svona fundir séu algjörlega eðlilegir og reglulegir og þýði ekki að eitthvað sé í farvatninu.

Þá má færa það til bókar.  Stjórnmála menn ljúga eins og atvinnumenn í greininni þegar þeim finnst það réttlætanlegt.

Sem er ansi oft þessa dagana.

Á ekki að þjóðnýta fleira?

Kastró hvað?

Ríkið eignast 75% í Glitni

Athugasemdir

[DoctorE (IP-tala skráð) 29.9.2008 kl. 09:47]

Þegar ég sá fréttirnar í morgun með þessa fundi + að Glitnismenn væru að funda líka þá var ég að spá í að blogga og segja að nú ætti að bjarga Glitni... :)
Jæja nú er bankinn minn orðin að ríkisbanka... frysta lánin mín takk :)

[Ragnheiður , 29.9.2008 kl. 09:51]

Það eru einmitt lygarnar sem ég ekki þoli ! Bara alls ekki. Hann gat sleppt viðtalinu-hann gat líka sagt að það væri verið að vinna í einhverju sem ekki væri komið svo langt að mætti ræða um það- hann þurfti ekki að tala niður til fréttamannanna eins og hann hefur tamið sér þegar hann er búinn að sk **** í brækurnar.

Veistu Jenný Anna, það sýður á mér !

[Þröstur Unnar, 29.9.2008 kl. 09:52]

Það á að þjóðnýta olíufélögin, Bónus, þig, mig og allt þar á milli.

Gúd morning.

[Ellert Júlíusson, 29.9.2008 kl. 09:54]

Hefði alveg áhuga á að sjá olíufélögin þjóðnýtt, vantar múl á þá glæpavoffa.

En annars lýst mér vel á þessa hugmynd doctore, ég er einnig viðskiptavinur ríkisbanka...frysta takk.

[Þröstur Unnar, 29.9.2008 kl. 09:59]

Það er klárt mál Ellert að ef olíufélögin yrðu gerð að ríkisfyrirtæki þá mundi oíuverð lækka.

[Birgitta Jónsdóttir, 29.9.2008 kl. 09:59]

Davíð segir að ríkið muni hagnast á þessu....

Er ekki komið nóg... andskotinn gerum eitthvað - ætlum við að láta taka okkur alveg í rassgatið, þannig að úr blæði? Ég vil ekki borga smjörgreiddu drengjunum fyrir þeirra sukk ...??? Ég verð eiginlega að viðurkenna að ég er hreinlega reið, bálreið og langar að kasta fúleggjum í Geir lygalaup.

[Katrín Snæhólm Baldursdóttir, 29.9.2008 kl. 10:07]

Það eru nú alveg takmörk fyrir því hvað hægt er að bjóða fólki uppá..skil vel að fólk sé fokreitt núna eftir allt sem á undan er gengið..en hvenær fáum við nóg??? Og hvernig mun það lýsa sér???

[helgi (IP-tala skráð) 29.9.2008 kl. 10:17]

Ætli Lalli Logsuða hafi verið búinn að færa 300 millurnar sem hann fékk fyrir að hefja störf hjá Glitni í annan og betur rekinn banka. ?

[Gulli litli, 29.9.2008 kl. 10:30]

Æi greyjin, það gengur illa hjá þeim....veriði nú duglega að borga skattinn, af lánunum og passið ykkur á verðbólgunni..

[Ólína Kjerúlf Þorvarðardóttir, 29.9.2008 kl. 10:48]

Ég segi það með þér Jenný, manni liði betur ef það væri ekki talað við mann eins og smákrakka. Forsætisráðherra á að sýna þá ábyrgð að ræða við þjóð sína á vandasömum tímum og tala þá um hlutina eins og þeir eru.

Annars var ég að þenja mig aðeins yfir sömu frétt á blogginu mínu í morgun.

[Þorsteinn Úlfar Björnsson (IP-tala skráð) 29.9.2008 kl. 10:57]

Hei, þetta er fínt. Nú er hægt að einkavæða aftur eða eins og Hannes Hólmsteinn sagði í tíma í morgun: "jæja það verður gott þegar allir bankarnir verða aftur orðnir ríkisreknir, þá verður maður aftur ungur í anda og fer að berjast aftur fyrir einkavæðingu".

[Guðmundur Ásgeirsson, 29.9.2008 kl. 11:20]

Stokka spilin upp á nýtt, svo aftur sé hægt að gefa vitlaust... ?

[Brjánn Guðjónsson, 29.9.2008 kl. 11:23]

haldiði ekki að það sé gaman að vera tiltölulega ónefndur í dag og geta hlakkað yfir að hafa náð að rýra eignir sumra sem manni er í nöp við?

svo má líka einkavæða Glitni á ný, til réttra manna

[Ásthildur Cesil Þórðardóttir, 29.9.2008 kl. 11:29]

Ég tek undir með Katrínu, hvenær fáum við nóg.  Við getum ef vil viljum látið finna fyrir okkur, með samstöðu og hávaða, til dæmis eins og þær gerðu konurnar í Argentínu, eða var það Chile ? Þær fóru út á tröppur og lömdu með sleifum í potta og pönnur, það myndi varða hávaði. 

[Jenný Anna Baldursdóttir, 29.9.2008 kl. 11:32]

Eitthvað þarf að gera gott fólk og ég treysti þessari ríkisstjórn ekki fyrir fjöregginu af fenginni reynslu undanfarin misseri.

[Villi Asgeirsson, 29.9.2008 kl. 11:33]

Eins og enginn veit er ég að skrifa handrit. Þetta verður kvikmynd um bissnisskall sem er bitinn í rassinn af eigin kvikyndisskap. Í fyrirtækinu vinnur lögfræðingur. Hann er sléttur og virðulegur, en frekar leiðinlegur. Ég er að spá í að bjóða Geiri Harða hlutverkið. Hann passar í það og kann að leika. Svo verður hann sennilega atvinnulaus fljótlega.

[Lára Hanna Einarsdóttir, 29.9.2008 kl. 12:23]

Það var sagt í aukafréttatíma RÚV núna áðan að væntanlega fengju Björgólfsfeðgar að kaupa hlut ríkisins í Glitni innan skamms.

Ég sem hélt að við fengjum hlutabréfin okkar send í pósti eftir nokkra daga! 

[Villi Asgeirsson, 29.9.2008 kl. 12:30]

Einkavinaendurvæðing eða borga þeir fullt verð? Nú verður spennandi að fylgjast með.

[Sigrún Jónsdóttir, 29.9.2008 kl. 12:40]

Þetta er bara tímabundin yfirtaka.  Réttu vinirnir bíða álengdar eftir að fá að kaupa hlut ríkisins á spottprís.  Hvenær fáum við nóg af þessum skrípaleik?