"Það er gott að búa í Kópavogi" ekki til í Amríku?

Hvað er að fá greitt í fríðu?

Fyrirsögnin á fréttinni hljómar þannig og ég skil ekki hvar fríðleiki kemur inn í málið.

Er hægt að fá greitt í blíðu, stríðu, fríðu, ófríðu og óblíðu?

Sennilega.

En þeir eru búnir að svipta lögfræðing málflutningsréttindum í Illinois fyrir að taka einkadansa sem greiðslu upp í skuld.

Mér þykir þeir ekki hafa fylgst með fréttum frá Íslandi þessir barbarar í US of A.

Vita þeir ekki að hér á Íslandi er svona súluhangs listgrein?

Að það jaðrar við mannréttindabrot að banna mönnum að kaupa einkadansa og súludansa?

Að það er beinlínis atvinnuofbeldi að meina konum að dingla á stönginni og karlfauskum að slefa yfir viðkomandi snúningi?

Nei, þeir fylgjast ekki með.

Eins gott að "Það er gott að búa í Kópavogi" er ekki staður í Norður Ameríku.

Annars tek ég ofan fyrir Lögmannafélagi Illinoisborgar. 

Þeir eru í þessum rituðum orðum komnir á jólakorta- og partýlistann hjá mér.

Ekki spurning.

Ég er nefnilega dedd á móti konum til sölu.

Upp í skuldir sem og að öðru leyti.

Alexander Gústaf, rólegur og þið hinir líka.

Ekki frelsisræðuna plís.

Gunnar Birgisson hvað?

Lögmaðurinn fékk greitt í fríðu

Athugasemdir

[Ásthildur Cesil Þórðardóttir, 20.9.2008 kl. 12:31]

Þetta var örugglega Fríða og dýrið með

[Jenný Anna Baldursdóttir, 20.9.2008 kl. 12:35]

Múhahaha.

[Sesselja Fjóla Þorsteinsdóttir, 20.9.2008 kl. 12:36]

Mikið rétt, það er gott að búa í Kópavogi en dapurt að súlulistdans......................

[Óðinn Þórisson, 20.9.2008 kl. 12:41]

Ferlsi til að gera það sem hver frjáls einstaklingur vill gera verður alltaf eitur í ykkur kommahuga.
Því miður Jenný er ég ekki stuðningsmaður forræðishyggju ykkar i vg.
Gunnar Birgisson hvað ? jú viltu ræða hann og það sem hann hefur gert fyrir Kópavog og Kópavogsbúa.

[Anna Ólafsdóttir (anno) (IP-tala skráð) 20.9.2008 kl. 13:17]

Verktakinn Gunnar Birgisson hefur gert ýmislegt fyrir verktaka í Kópavogi. Svo er hann líka góður við Goldfinger Geira. Restin af "liðinu" virðist mega eiga sig fyrir GB.

[Jóna Á. Gísladóttir, 20.9.2008 kl. 13:18]

Mér er alveg sama hvað fólki kann að finnast um súludans/einkadans/nektardans og sé með honum eða á móti.. þessi lögmaður er náttúrlega með því ómerkilegra...

[Þorsteinn Briem, 20.9.2008 kl. 13:41]

Hún Baldursdóttir í blíðu,
bráðum fær það í stríðu,
hún er svo sæt,
og hreint ágæt,
og fær það oftast í fríðu.

[Sigrún Jónsdóttir, 20.9.2008 kl. 13:49]

Það eru til siðanefndir í Ameríku.............og þær virka.  Þær eru auðvitað til hér á landi líka......en virðast bara vera upp á punt eins og allar aðrar nefndir.

[Gulli litli, 20.9.2008 kl. 14:18]

Kjöltudansmeyjan hefur verið fríð...ekki blíð...

[Róbert (IP-tala skráð) 20.9.2008 kl. 15:19]

Við skulum nú ekki fara að afrita siðfræði usa á Ísland.  Nei takk.  Siðfræðin þar flýtur mest á yfirborðinu.  Allir eru geldir, flatir og siðprúðir.  Yfirborðið er algert og hið óvænta er dautt. 

Göngutúr á Manhattan er sléttur og felldur.  Þú getur ekki varast jókerinn í mannfjöldanum.  Þú sérð hann ekki.  Hann er falinn í siðfræðinni.  En þú sérð hann í kvöldfréttum á hótelinu...eða fellur í gildru hans á glæpavettvangi.

Í Evrópu getur maður þó séð hverja ber að varast vegna þess að mannflóran þar er litrík, mannleg og raunveruleg.

Glæpir í usa eru verulega slæmir.  Þú þarft ekki að óttast vasaþjófa vegna þess að yfirborðið er alltaf slétt og fellt en þar er starfsvettvangur þeirra.  Bandaríkjamenn úrtýma nefninlega smáglæpum en sitja uppi með morð og limlestingar á háu stigi.  Þetta má allt saman sjá í kvöldfréttum á hótelinu.

[Birna Dis Vilbertsdóttir (IP-tala skráð) 20.9.2008 kl. 15:38]

Einmitt.Siðanefndir í USA virka,en sjaldan hér.Annars er siðleysi fólks svo furðulega mikið stundum,og réttlætingarnar líka.

[Linda Linnet Hilmarsdóttir, 20.9.2008 kl. 16:24]

Innlitskvitt og góða ljúfa helgi

[Þuríður Björg Þorgrímsdóttir, 20.9.2008 kl. 16:32]

En, sko, það er ekki eins gott að búa í Kópavogi og þeir segja. Málið er að leiðirnar eru svo illa merktar að fólk ratar ekki út aftur og hlýtur þar af leiðandi að þurfa að setjast þar að. Hefur nokkrum sinnum komið fyrir mig, þó ég hafi á endanum ratað út...

[Lilja G. Bolladóttir, 20.9.2008 kl. 16:50]

Hef ekki búið í Kópavogi, svo ekki get ég tjáð mig um það...... damn it.

Annars styð ég frelsi einstaklinganna, en ekki frelsi til að selja annað fólk/konur.

[Ingibjörg Hinriksdóttir, 20.9.2008 kl. 21:15]

Mikið rétt hjá Jenný. Það er gott að búa í Kópavogi, þó það hafi vissulega versnað mikið eftir að GB flutti í bæinn.

[Magnús Geir Guðmundsson (IP-tala skráð) 21.9.2008 kl. 11:14]

Djöfull sem mér langar að getað dansað mér í burtu frá innheimtubréfum.

[Sigurður Þorsteinsson, 22.9.2008 kl. 06:05]

Var að lesa stórfróðlega bók um ,,launaðdáun". Skil nú betur þegar margir Sjálfstæðismenn, aðallega karlmenn, fengu Ingibjörgu Sólrúnu á heilann hér fyrir 2-3 árum. Stafar af togstreitu vegna aðdáunar á aðila úr "hinu liðinu" og/eða vanmáttarkenndar. Vonandi eru engar súlur í nýja bæjarstjórnarsalnum í Kópavogi .