Frá stjónarhóli steingeitar

Að pæla í stjörnuspám er skemmtilegt tómstundagaman sem ég btw stunda ekki.

En ég hef fengið stjörnukort og svo finnst mér gaman að reyna að geta, í hvaða stjörnumerkjum fólk er.

Ég ulla svo auðvitað á stjörnu"spár" í dagblöðunum því þær eru húmbúkk og blaðamaður vinur minn sem var á gamla DV sagði mér að sá sem verst stæði sig í djobbinu fengi stjörnuspá dagsins til að setja saman.  Skelfilegt alveg, sko meðferðin á blaðamönnunum í denn.

Stjörnuspá Moggans er heimur út af fyrir sig.  Hún er oftast svo illa unnin, beinþýdd úr framandi tungumáli, amk. hlýtur það að vera framandi fyrir þann sem stendur að þýðingunum, hrein kínverska segi ég.  Eða þannig var það þegar ég fylgdist með.

En núna áðan rakst ég á mína eigin(s) persónulegu stjörnuspá.

Steingeit: Þú ert sagnfræðingurinn í hópnum: sá sem man áríðandi smáatriði sem aðrir virðast gleyma. Sumt sem þú manst kemur sér mjög vel. Deildu öllu sem þú veist.

Oft ratast kjöftugum satt á munn.  Ég er hreint hættulega minnug, um alls kyns og oftar en ekki smáatriði.

Nema auðvitað þegar ég var í víninu og pillunum, þá var það blakkát alla leið.  Hefði getað flutt á milli landa án þess að verða vör við það einu sinni.

En þar fyrir utan er ég eins og fíll.  Sumum finnst það frábært öðrum ekki, eins og gengur.  Fer svolítið eftir muneríinu sem er til umfjöllunar hverju sinni.

Ég geri yfirleitt eins og mér er sagt og þess vegna mun ég á næstu dögum deila með ykkur öllu sem ég veit.

Nei, ég er að spauga.  Ég get ekki gert það sökum þess að ég er bundin þagnarskyldu.

Það væri þokkalegt ef maður væri svo illa fokheldur að straumurinn stæði út úr manni af því að stjörnuspáin segir manni að gera það.

En þessi texti hér fyrir ofan, hvað er svona spálegt við hann?

Er verið að segja manni eitthvað um framtíðina?

Hvar eru spámannstaktarnir?

Eins gott að þessir spámenn eru ekki ráðgjafar ríkisstjórnarinnar.  Eða eru þeir það?

Í dag skaltu vera í svörtu dragtinni þinni og ekki segja eitt einasta orð.  Skildu gjóthnullungahálsmenið eftir heima!

Eða; í dag er stemmari fyrir allar meyjur í ríkisstjórn að fara í bláu jakkafötin.  Þeir eiga síðan að hreyta ónotunum í alla mögulega blaðamenn sem áreita þá fyrir hádegi og heita nafni sem byrja á S.  Eftir hádegi skal meyjan hins vegar ekki vera ínáanleg.

Svei mér þá, ég sé peninga í þessu djobbi.

Geir Hilmar???

Einhver????

En svo vil ég að það komi fram hér vegna þess að engin hefur spurt að ég er sérfræðingur að sjá út meyjur.

Þær má auðveldlega þekkja.

Þær eru löffar, bókarar, planleggjarar, uppraðarar, tiltektarséní og akkúratalltafhreintfólk.

Já Dúa mín, ég elska þig líka.

Spáin fyrir næsta klukkutímann fyrir öll merki er einföld: Farið að undirbúa kvöldmatinn og hættið að hanga á helvítis blogginu.

Later ...

Ekkert svo möts leiter.

Úje.

Athugasemdir

[Birna Dis Vilbertsdóttir (IP-tala skráð) 20.9.2008 kl. 17:09]

[María Guðmundsdóttir, 20.9.2008 kl. 17:20]

 thú ert bara tøffari ....

[Huld S. Ringsted, 20.9.2008 kl. 17:53]

[Sesselja Fjóla Þorsteinsdóttir, 20.9.2008 kl. 18:10]

Ég er steingeit

[Guðríður Haraldsdóttir, 20.9.2008 kl. 18:16]

Hehehhe, já, förum að elda kvöldmat, góð spá.

[Hrönn Sigurðardóttir, 20.9.2008 kl. 19:03]

Það er nú ekkert mál að spotta meyjar á löngu færi.....

[Steingrímur Helgason, 20.9.2008 kl. 19:07]

Meyjur í sambúð, nei takk, 'bín ðere, dönn ðatt'.

Frekar má temja pöddur, (sporðdreka), svo líki.

Mikið er mér orðið léttara í augum eftir litgreiníngarafzkezzunina.

Tóldjúsó4lóngtæmagó...

[Hugarfluga, 20.9.2008 kl. 19:33]

Ertu Steingeit já? Í hvaða merki heldurðu að ég sé?

[Karl Tómasson, 20.9.2008 kl. 19:41]

Ég er lítill stjörnuspekúlant Jenný Anna. Ég og konan mín erum bæði ljón, svo þú getur rétt ímyndað þér ástandið á köflum.

Svakalega er ég annars ánægður með nýja lúkkið á síðunni þinni.

Bestu kveðjur úr Mosó mín kæra frá Kalla Tomm.

[Jenný Anna Baldursdóttir, 20.9.2008 kl. 19:47]

Fluva: Meyja.  Vissi það þegar þú skrifaðir færslu um að þú hafir verið að þrífa klósettið.  Nákvæmnin fór ekki á milli mála.  Híhí.

Kalli: Á dóttur sem er ljón.  Þau eru yndisleg.  Gurrí er líka ljón.  Og Madonna.  Jájá.

Steingrímur: Þó!

Hrönn: Ertu meyja?  Gæti alveg trúað því.

Fjóla: Velkomin í klúbbinn.

Gurrí: Vonandi hefur smakkast.

[Hrönn Sigurðardóttir, 20.9.2008 kl. 19:58]

Gettu betur!!

[Linda Linnet Hilmarsdóttir, 20.9.2008 kl. 21:50]

Innlitskvitt og góðar ljúfar kveðjur.

[Hugarfluga, 20.9.2008 kl. 23:04]

Æ, duh .. svo er ég líka margoft búin að birta þessar flottu Moggastjörnuspár fyrir Meyjuna á síðunni minni.  Ég er kjáni.

[Sigrún Jónsdóttir, 20.9.2008 kl. 23:46]

Ég bíð eftir að meyjan í minni fjölskyldu (sonardóttirin) verði að meyju, hún á það nefnilega til að skilja íbúðina eftir í rúst, þegar hún kemur og gistir.

Davíð Odds og Ingibjörg Sólrún eru Steingeitur

[Jónína Dúadóttir, 21.9.2008 kl. 07:30]

Ég ætti kannski ekkert að hætta mér hingað, ég er Vog

[Anna Margrét Bragadóttir, 21.9.2008 kl. 08:53]

Sonur minn er meyja og meirir ruslari finnst ekki á íslandi og þó víðar væri leitað

[Jenný Anna Baldursdóttir, 21.9.2008 kl. 09:14]

Hrönn þú ert vog eða steingeit.

[Rut Sumarliðadóttir, 21.9.2008 kl. 13:59]

Ég heiti Rut og ég er ljón. Reyndar fædd sama dag og ár og Vigdís Gríms! Eldri dóttir mín er líka ljón og þrjár dætur hennar! Gamall kærasti kallaði þetta ljónagryfjuna...

[Hrönn Sigurðardóttir, 21.9.2008 kl. 14:27]

Nebbs Jenný! Þú ert ekki mjög glúrin í þessu......

[Sigríður Þórarinsdóttir, 21.9.2008 kl. 18:21]

Jenný ég var búin að sjá þig sem vatnsbera veit ekki af hverju

[Jenný Anna Baldursdóttir, 21.9.2008 kl. 18:27]

Hrönn: Þú ert naut eða sporðdreki, hvernig læt ég.

Ég er á mörkum vatnsbera og steingeitar, eða 20. janúar, en það er ekki vottur að vatnsbera í merkinu mínu.

Ég sem hélt í feiri ár að ég væri vatnsberi og fannst það ógó töff út af "It is the dawning of the age of aquarious" hahaha.