Í minningu Arons Arnar

 

Í dag hefði dóttursonur minn hann Aron orðið 11 ára hefði hann lifað.

Tíminn hefur liðið ótrúlega hratt og ég sem hélt á tímabili í sorginni að hann myndi standa í stað.

En lífið heldur áfram þó enginn verði samur eftir.

Ég skrifaði einhvern tímann um að sársaukinn minnki og eftir sitji lítið ljós í hjartanu á okkur sem kynntumst og elskuðum þennan litla dreng þá tæpu þrjá mánuði sem hann var hjá okkur.

María Greta mamma hans Arons á núna lítinn gullmola sem heitir Oliver og er rúmlega þriggja ára.

Þessa dagana eru þau í Hong Kong þar sem hún er að vinna ákveðið verkefni og tók þann stutta með sér ásamt afanum til að passa.

Maya mín, ég veit að þessi dagur er þér alltaf þungur í skauti og ég hugsa til þín af öllum mínum kærleik.

En þú hefur haldið ótrauð áfram og tekist á við lífið og notið þess til fullnustu þegar versta sorgin var að baki.  Mér finnst þú hafa höndlað þína sorg afskaplega fallega og með fullri reisn.  Ég er ákaflega stolt af þér.

Nú er komið kvöld í Hong Kong og dagurinn bráðum að baki.

Góða nótt ljósið mitt.  Knúsaðu Oliver frá okkur.

Amman og mamman.

 

Athugasemdir

[Birna Dis Vilbertsdóttir (IP-tala skráð) 17.9.2008 kl. 11:07]

Yndisleg færsla.Það er rétt maður verður aldrei samur.

[Hrönn Sigurðardóttir, 17.9.2008 kl. 11:07]

[M, 17.9.2008 kl. 11:07]

[Sunna Dóra Möller, 17.9.2008 kl. 11:17]

[Rut Sumarliðadóttir, 17.9.2008 kl. 11:28]

Jenný mín,

veit nákvæmlega hvernig þér líður, það eru að verða komin 15 ár síðan litli ömmustrákrinn minn dó, greinilega á sama aldri. Það virðist ekki skipta máli hversu langur tími líður hjá mér. Þetta er "sár" sem ekki grær. Söknuðurinn fer aldrei. Hafðu það gott í dag.

[Katrín Snæhólm Baldursdóttir, 17.9.2008 kl. 11:29]

hjartanskveðja

[Margrét Ingibjörg Lindquist, 17.9.2008 kl. 11:35]

Megi ljósið halda áfram að lýsa ykkur í gleði og sorg ... og styrkja ykkur með hverju skrefi sem tekið er í framtíðinni...

[Jónína Dúadóttir, 17.9.2008 kl. 11:57]

Elsku Jenný mín og þið öll...

[Hugarfluga, 17.9.2008 kl. 12:29]

Falleg kveðja, Jenný. 

[Sigrún Jónsdóttir, 17.9.2008 kl. 12:48]

[Elísabet Sigurðardóttir, 17.9.2008 kl. 13:20]

[Hrafnhildur Ýr Vilbertsdóttir, 17.9.2008 kl. 13:24]

[Hólmdís Hjartardóttir, 17.9.2008 kl. 14:12]

[Guðríður Hrefna Haraldsdóttir, 17.9.2008 kl. 14:17]

[Ásthildur Cesil Þórðardóttir, 17.9.2008 kl. 14:24]

Elsku Jenný mín, en hve ég skil þig vel.  Yndisleg færsla, og sendi þér og dóttur þinni ljós og kærleika, og risaknús.

[Brynja skordal, 17.9.2008 kl. 14:57]

[Þröstur Unnar, 17.9.2008 kl. 16:17]

[Ragnheiður , 17.9.2008 kl. 16:32]

Kær kveðja Jenný mín og til dóttur þinnar

[Lilja Guðrún Þorvaldsdóttir, 17.9.2008 kl. 18:57]

[Hulla Dan, 17.9.2008 kl. 19:52]

[Anna Ólafsdóttir (anno) (IP-tala skráð) 17.9.2008 kl. 21:02]

Falleg skrif. Knús til þín mín elskuleg