Hendingadagur

Ég rak upp stór augu þegar ég sá þessa frétt núna áðan þar sem ég vafraði um í rólegheitunum með kaffibollan minn nývöknuð.

Vá hugsaði ég, hvert er þetta þjóðfélag að fara eiginlega?  Núna eru dagmæðurnar farnar að týna börnum í stórum stíl. 

Nei, nei, fréttin fjallar um samdrátt í greininnni sem hlýtur að þýða að það er auðveldara að fá leikskólapláss nú um stundir eða það vona ég.

Ef þið vinir mínir lítið út um gluggann á þessum mánudagsmorgni þá sjáið þið væntanlega og sannfærist um að haustið er komið.  Eða hvað?

Ég ætla að eyða deginum í hendingar.

Það þýðir einfaldlega að ég ætla að losa mig við alla þá hluti sem ég er löngu hætt að nota.

Ég er eins og laumusankari ég sver það.  Sífellt geymandi allskonar - ef ég mögulega þyrfti á því að halda.

Mér hefur verið sagt að það þurfi að grisja í kringum sig reglulega, til að hleypa að nýju stöffi sko, hvort sem það er marktæk speki eður ei.

Því mun ég búa til tvær hrúgur (í huganum) og setja hendingar í aðra og dýrgripi í hina.

Ég held að þetta sé nauðsynleg grisjun.

Nokkurs konar rýmingarsala á andlegu nótunum með áþreifanlegu ívafi.

Þetta verður merkileg upplifun hjá mér skal ég segja ykkur.

En í dag eru enn hundraðogeitthvað dagar til jóla.

Góð.

Later.

 

Dagforeldrar lýsa eftir börnum

Athugasemdir

[Jóhanna Magnúsar- og Völudóttir , 8.9.2008 kl. 10:00]

Yndislegt að henda dóti sem maður hefur ekki not fyrir. Það er talið sérlega sálarhjálpandi í Feng Shui fræðum.

Ef þú hendir úr kjallaranum þá er það sérlega gott - því að í honum býr víst fortíðin. Sel þetta ekki dýrarara en ég keypti.

Las bók sem heitir: "Clear your Clutter" ... Clutter=óþarfa hlutir held ég!

[Sigrún Jónsdóttir, 8.9.2008 kl. 10:10]

Ég er alltaf að bíða eftir að "hendingarandinn" komi yfir mig, og ég bíð og ég bíð......

[Jónína Dúadóttir, 8.9.2008 kl. 10:17]

Ég er nýbúin að henda alveg helling af drasli, gerði það þegar ég flutti í vor, það var svo gamanSvo er ég alltaf annað slagið að henda út hinu og þessu rusli úr sjálfri mér sem ég hef ekkert með að gera og þvælist bara fyrir... en það er önnur saga

Eigðu góðan dag

[Þröstur Unnar, 8.9.2008 kl. 10:23]

Nú, ég bjóst við sjálfshendingum í veggi.

[M, 8.9.2008 kl. 10:23]

Finnst líka vont að henda. Gæti þurft að nota þennan hlut sem ég hef ekki snert á í áraraði akkúrat aftur eftir hendingu.

Gangi þér vel í dag

[Birna Dis Vilbertsdóttir (IP-tala skráð) 8.9.2008 kl. 10:25]

Veraldlegt dót sem ekki er not fyrir má koma með í búðina "mína".Nytjamarkaðinn á Eyjaslóð.Takk fyrir.En andlegt dót á ég nóg af.Takk samt.

[María Guðmundsdóttir, 8.9.2008 kl. 10:43]

gangi thér vel med andlegu rýmingarsøluna

[Brjánn Guðjónsson, 8.9.2008 kl. 11:02]

máttir nú alveg sleppa að minnast á jólin

[Ía Jóhannsdóttir, 8.9.2008 kl. 11:12]

Oh hér væri gott að komast í svona hreinsistuð.  Það er bara alltaf þessi sama spurning hvar á að byrja?  Gangi þér vel í þessu kasti í dag Jenný mín.   

[Hulla Dan, 8.9.2008 kl. 11:32]

Er að hugsa um að taka þig til fyrirmyndar... á morgunn, segir sá lati. Og ég ER löt í húð og hár.

[Jenný Anna Baldursdóttir, 8.9.2008 kl. 11:35]

Brjánn: Þú náðir pointinu.  Hehe.

Ía og Hulla: Komasho.

María: Takksí.

Birna: Kem með allt fatarkynns en svo er spurningin um allt hitt.  Þarf að tala við þig í vikunni.

Takk öll og Jóga: Geymslan verður tæmd þakka þér fyrir.  Örugglega gott fyrir sálina.

[Tína, 8.9.2008 kl. 11:42]

Nauðsynlegt að taka til í hausnum annað slagið. Have fun darling.

[Anna Ragna Alexandersdóttir, 8.9.2008 kl. 11:56]

Ef þú átt þremum hlutum of mikið ,EIGA HLUTIRNIR ÞIG

[Gulli litli, 8.9.2008 kl. 11:59]

bráðum komablessuð jólin.....hvern hlakkar aftur til?

[Jenný Anna Baldursdóttir, 8.9.2008 kl. 11:59]

Tína: Right.

Anna Ragna: Svo satt, svo rétt.

[Jóhanna Magnúsar- og Völudóttir , 8.9.2008 kl. 12:05]

107 dagar til jóla - er með teljara á síðunni hjá mér. Jólin eru bland af gleði og veseni.  ... misjafnt eftir árum, hjúskaparstöðu og andlegu ástandi hvort vegur þyngra.

[Katrín (IP-tala skráð) 8.9.2008 kl. 13:57]

Tiltekt í tölvunni bíður mín. Þar, eða öllu hér, er alltof mikið af drasli sem ég hef enga þörf fyrir.