Til að bruðla - til að spara

Ég bloggaði um það um daginn að ég ætlaði að spara.

Fyrsta mál á dagskrá var að segja upp Stöð 2 og þeim pakka ásamt netmogganum.

Ég klikkaði á hvorutveggja.  Ekki byrjar það vel.

En það eru ástæður fyrir öllu.  Réttlætingarnar eru fyrir hendi þó þær séu ömurlega leim og laus við hippið og kúlið.

Stöð 2 er inni vegna einnar ástæðu.

TUDOR´S á sunnudagskvöldum.  Ég hef ekki sjálfsagann í að sleppa þeim þætti.

Ég veit, veiklunduð er ég og stútfull af brestum.

Netmogginn kostar svo lítið að það býttar ekki.  Hann fær að lafa, mér þykir gott að les´ann.

Beisíklí má segja að ég hafi aldrei skilið að margt smátt geri eitt stórt.

Fyrir mér er það merkingarlaust hjal eða var þangað til frábær kona sýndi mér hvað þetta marga örsmáa vindur svakalega upp á sig.

Nú er ég að koma mér upp frystiaðstöðu, í þessum töluðu orðum er verið að flytja ísblokkir inn í geymslu hjá mér beint úr Vatnajökli.

Reynum aftur.  Frystiaðstaðan er að bresta á þannig að nú verður keypt til að spara.

Jájá.

En merkilegt samt - maður þarf alltaf að eyða peningum.

Til að bruðla og til að spara.

Hver er munurinn?  Ég næ því ekki.

Hm....

Athugasemdir

[Huld S. Ringsted, 7.9.2008 kl. 19:18]

Hvað segir ekki máltækið......................... það er dýrt að vera fátækur

[Sunna Dóra Möller, 7.9.2008 kl. 19:34]

Sagði líka upp stöð2 og mogganum. reyndar fyrr í sumar...... búin að fá mér bæði aftur, get ekki lifað á minningagreina og svo er Dagvaktin að byrja! Það er svo margt sem ekki er hægt að lifa án....!

[Þröstur Unnar, 7.9.2008 kl. 19:45]

It takes money to make money.

[kristin fagra (IP-tala skráð) 7.9.2008 kl. 19:53]

Óttalega er þetta hænulegt.....

[Jenný Anna Baldursdóttir, 7.9.2008 kl. 20:33]

Kristín: Er sniðugt að vera að nota netfang frá Kennaraháskólanum í svona fokk? 

Sunna: Góð.

Þröstur: Lélegt að senda manni mynd af peningum.

Huld: Hehe, ég er ekki fátæk.  Ekki í þeirri merkingu.

[Tinna Hrund (IP-tala skráð) 7.9.2008 kl. 21:15]

Sæl,

Ætlaði aðeins að hjálpa þér að segja stöð 2 upp. Þú getur horft á tudors á þessum link http://www.watchtvsitcoms.com/tvshows.php

Vona að þetta hjálpi.

Kv. Tinna

[Sesselja Fjóla Þorsteinsdóttir, 7.9.2008 kl. 22:09]

[Birna Dis Vilbertsdóttir (IP-tala skráð) 7.9.2008 kl. 23:17]

Engin blöð eða sjónvarpsrásir eru í áskrift á mínu heimili.Er hætt að horfa á sjónvarp,(að mestu).Ekkert tóbak heldur.Nei ég á samt ekki leiðinlegt líf

[Lísa Björk Ingólfsdóttir, 7.9.2008 kl. 23:17]

Snýst ekki málið um að kaupa alltaf magnpakkningar af klósettpappír í Bónus og láta Nóatúnspakkana með fjórum rúllum eiga sig...... Nú og svo þurfa eldhúsrúllurnar ekki að vera í sama lit og eldhúsið - Bónus aftur og hana nú......

[Jóna Á. Gísladóttir, 7.9.2008 kl. 23:37]

Sammála Lísu. Bónus er málið. Enda eruð þið Jóhannes perluvinir ekki satt.

Þú ERT stútfull af brestum og elskuð vegna þess en ekki þrátt fyrir það.

heldurðu að við náum saman í kaffibolla eða coke zero bráðlega nú þegar ég get farið að slaka aðeins. Ertu komin heim addna?

[Linda litla, 8.9.2008 kl. 00:45]

Spara ??? Til hvers að spara ?? Ef að maður sparar eithvað eitt þá eyðir maður bara peningunum sínum í eitthvað annað.

[Guðríður Hrefna Haraldsdóttir, 8.9.2008 kl. 00:53]

Líst vel á þig, stelpa. Það er byrjun á sparnaði að ætla kannski mögulega jafnvel að segja Stöð 2 upp. Ég tími því ekki, svo margt skemmtilegt þar í vetur. Hætti bara að kaupa humar ofan í kettina og "sérlega innflutt með flugi fyrir mig"-styrjuhrogn borða ég bara á sunnudögum núorðið. Ótrúlegt hvað hefur sparast!

[Tína, 8.9.2008 kl. 06:39]

Ég er haldin valkvíða á háu plani varðandi stöð 2. Gunnar borgaði af stöð 2 fyrir mig þegar ég var sem veikust (í byrjun sumars), en svo sagði ég honum að sleppa því þar sem mér fannst ég aldrei horfa á það. Hef svo alltaf séð eftir því vegna þess að það er svo margt sem mig langar að horfa á. Svona þegar ég hugsa um það þá er nokkuð ljóst að hér ríkir eymdarástand.

Farðu vel með þig frábæra kona

[Palli (IP-tala skráð) 8.9.2008 kl. 08:39]

Þú sparar kr. 71.880.-  á ári ef þú segir upp stöð 2 ??

( 5.990 pr. mán.  X 12 =  kr. 71.880.- )

Finnst þér það ekki dágóð summa.

P

[Jenný Anna Baldursdóttir, 8.9.2008 kl. 09:44]

Palli: Vá, það er peningur.  Segi upp frá og með næsta mán.

Tinna Hrund: Takk kærlega fyrir þetta.  Búin að horfa til enda.  Hehe.

Takk öll.