Kóngurinn á Krít

Danir segja að íslenska viðskiptamódelið eigi undir högg að sækja.  Vá, hafa þeir komist í heimilisbókhaldið hjá mér?

Mitt einfalda inn - út - inn - út, eða debbi og kreddi eru ekki að gera sig nægjanlega vel þessa dagana.

Og þegar viðskiptamódelið klikkar þá er bara að breyta því.

Þú getur hætt að lifa, horfa á sjónvarp, lesa blöðin og skafið matinn af berum steinunum eins og kerlingin forðum. Jájá, ekki spurning.

En án gríns, ég er ekki sérfræðingur í heimilisrekstri en ég veit þó að ef fyrirtækið er ekki amk. nokkurn veginn á sléttu þá ber mér að gera eitthvað í málinu.

Og þess vegna er ég í því þessa dagana að hugsa upp á nýtt, tæta í burtu óþarfann (nánast allan, ekki að það hafi verið neitt svakalega mikið af honum) og haga mér eins og ábyrgur eigandi þessa örrekstur sem við erum með hér við hirðina.

En...

Mér finnst ég ekki eiga neitt bágt, ég vorkenni mér ekki afturenda, ég er yfirleitt nokkuð glöð og sæl með mitt en mikið skelfing myndi það gleðja mig og herða mig í kreppunni ef ráðamennirnir myndu ganga á undan með góðu fordæmi.

Ég er reyndar á því að ráðherrar, borgarstjórar og aðrar silkihúfur geti keyrt sína bíla sjálfir, nema við opinberar uppákomur.  Bara svo ég nefni eitt ördæmi hérna.

Hver í andskotanum ákvað að þeir ættu að veiða lax, spila golf, kaupa glæsikerrur og ráða einkabílstjóra?

Það hlýtur að hafa verið kóngurinn á Krít - sem étur ma....

Lesið þennan pistil hér, hann segir allt sem segja þarf og gott betur.

Íslenska viðskiptamódelið á undir högg að sækja

Athugasemdir

[Einar Indriðason, 2.9.2008 kl. 10:05]

Akkúrat!  Gaman að því þegar stjórnvöld hvetja þegnana til að "herða sultarólar", en sýna svo alls ekkert hvetjandi fordæmi sjálf!

Svei attan!

[Jónína Dúadóttir, 2.9.2008 kl. 10:20]

Frábær pistill hjá honum og hjá þér líka

[Elísabet Sigurðardóttir, 2.9.2008 kl. 12:16]

Mjög góður pistill.  Þörf umræða,  það þarf virkilega að skamma þetta lið.

[Birna Dis Vilbertsdóttir (IP-tala skráð) 2.9.2008 kl. 13:14]

Góð færsla.Hallgerður ég er svo sammála þér.

[Jóhanna Magnúsar- og Völudóttir , 2.9.2008 kl. 14:19]

Fyrirmyndir er málið, stjórnmálamenn eru ekki að fatta það!  ..

Góð fyrirsögnin

[Linda litla, 2.9.2008 kl. 14:52]

Rétt að kíkja á þig, vonandi er skapið betra í dag mín kæra.

[Sunna Dóra Möller, 2.9.2008 kl. 15:08]

Kóngurinn á Krít hefur alltaf verið til bölvaðra vandræða....mæli með að einhver annars sjái um ákvarðanatökur, spurning um að kalla til Hróa Hött ! Annars sammála þér

[Sigrún Jónsdóttir, 2.9.2008 kl. 15:09]

Góðir pistlar, bæði hjá þér og Reyni.