Kommon Geir - "show us how it´s done"

Það var landlægur siður meðal heilbrigðisstarfsmanna lengi vel að segja "við" í tíma og ótíma þegar þeir töluðu við sjúklingana.

Eigum "við" að borða?  Eigum "við" að pissa og eigum "við" ekki að hvíla okkur.

Sem betur fer hef ég bara lent í þessu einu sinni á spítala en þá spurði hjúkkan mig hvort "við" ættum ekki að borða svolítið.

Ég svaraði því auðvitað til að hún mætti eiga allan matinn minn og "við" myndum því verða saddar og sælar af sjúkrahúsmatnum.

En...

Það slær mig sem svona "við" dæmi þessi hvatning Geirs Haarde um að "við" (the people) þurfum að búa okkur undir tímabundnar fórnir.

Í fyrsta lagi þá má Geir sjálfur ganga á undan með góðu fordæmi og svo hinir í ríkisstjórninni hver á fætur öðrum þ.e. ef þeir droppa við á landinu.

Í öðru lagi þá treysti ég því alls ekki þegar ráðherra í núverandi ríkisstjórn heldur því fram að eitthvað sé tímabundið.  Bara alls ekki.  Það stendur ekki steinn yfir steini ef ég fer að bera saman orð og efndir þessa fólks.

Ég held að ég sé orðin að brjáluðum anarkista svona stjórnmálavæs vegna þess að það er ekkert að gerast finnst mér og þeir sem ég styð komast náttúrlega ekki að til að breyta neinu.

En ég fer ekki fet, er byrjuð að færa fórnir og er nokkuð sátt við það bara.

Spara eins og mófó börnin góð.

Geir drífa sig, sýndu okkur hvernig þú gerir svo "við" getum tekið þig til fyrirmyndar.

En ég er ekki í vondu skapi lengur, ég er hins vegar með bullandi hita, hlusta- og beinverki þannig að ég á ótrúlega bágt.

Fyrirgefið meðan ég græt úr mér augun.

Færa fórnir minn afturendi. 

Þurfum að búa okkur undir tímabundnar fórnir

Athugasemdir

[Sunna Dóra Möller, 2.9.2008 kl. 16:22]

Vonandi batnar þér sem fyrst !

Annars fannst mér þetta "við" orðfæri hjá Geir ekki alveg að virka miðað við bruðl undangenginna vikna...virkar ekki sannfærandi. En ég spara og spara...alveg eins og ég veit ekki hvað, fer bráðum að stoppa í sokka og sauma föt á börnin úr stofugardínunum !

[Ragnheiður , 2.9.2008 kl. 16:47]

"eigum °°við°° að koma að kúka" olli einusinni hellings hægðatregðu en ég segi ekki hjá hverjum. Þar til viðkomandi skildist að "við"var ekki bókstaflega meint.

Horfði á Geir Haarde flytja þessa ræðu, hann náði sér ekki í prik hjá mér. Ég var í önnum við að sortéra reikninga...borga núna, borga seinna, borga helst ekki.

Þeir fyrst-við svo

[María Guðmundsdóttir, 2.9.2008 kl. 16:57]

Nákvæmlega..thessir háu herrar ættu ad sjá sóma sinn i ad sýna thó gott fordæmi.. helv hræsni i thessu prumplidi bara 

en gódan bata Jenný, nýstigin uppúr sonna ógedisstandi..grútur bara,vona ad thetta rjúki af thér sem fyrst

[Magnús Geir Guðmundsson, 2.9.2008 kl. 17:31]

...Og þinn afturendi er fagur, það er NÆSTA VÍST sem héti ég Bjarni Fel!

og ert svo bara komin með forflensu eins og litla tetrið úr Hafnarfirði!?

Átt alla mína samúð!

[Kristín Katla Árnadóttir, 2.9.2008 kl. 17:38]

Heyr Heyr Jenný mín.

En ég var ekki heima og missti af þessu.

[Jónína Dúadóttir, 2.9.2008 kl. 18:03]

Segi eins og Ragnheiður : Þeir fyrst, við svo

[Eva Benjamínsdóttir, 2.9.2008 kl. 19:07]

Þetta er orðið ansi gúbbalegt allt saman samráð og samvinna hvað??? og flensa í ofanálag...góðan bata Jenný mín

[Birna Dis Vilbertsdóttir (IP-tala skráð) 2.9.2008 kl. 19:27]

Ragga góð

[M, 2.9.2008 kl. 19:36]

Skyldi einhver hlusta á þessar djúpu ráðleggingar hans ? Eigum að framleiða meira. Tökum bara secret-ið á þetta og þá reddast allt.