Að hitta sjálfan sig fyrir

Ég hef búið í Svíþjóð, sumir minna bestu vinar eru Svíar, tengdasonur minn er sænskur og Jenný Una og Hrafn Óli þar af leiðandi af sænskum ættum.

Ég lít á Svía eins og Íslendinga.  Þeir eru mis mikil krútt.

Annars er ég á því að Svíar séu mun líkari Íslendingum en sum okkar vilja viðurkenna, ég er hinsvegar með það á hreinu.

Málið er að Svíar eru að rifna úr þjóðarstolti.  Vi är bäst i världen.

Íslendingar eru nefnilega líka með mikilmennskubrjálæði eins og sænskir frændur okkar þegar kemur að þjóðarrembingnum.

Svíum finnst þeir eiga fallegustu konur í heimi, kannast einhver Íslendingur við þá trú í eigin brjósti varðandi konur af íslensku þjóðerni?

Tel bara rétt að koma því að að í öllum löndum er sennilega heill hellingur af fallegum konum, en þetta er auðvitað gamla spurningin um höfðatöluna.

Svíar fara á límingunum yfir íþróttaviðburðum.  Þeir eru bestir í öllu ef þeir vinna ekki þá eru það fordómar dómaranna, veðurfarið, tíðarandinn, verðlagið.  Ekki liðinu.  Kannast einhver við það?

Svíar elska náttúruna sína, þeir gráta yfir skógunum og fjöllunum, þeir gráta yfir vötnunum og sænska fánanum.  Það gerist ekki á Íslandi er það nokkuð?

Og Svíarnir hrópa upp fyrir sig þegar þeir ná árangri á erlendum vettvangi: Sko litlu Svíþjóð, hún spjarar sig meðal stóru þjóðanna! Hhehemm, er ég komin heim eða hvað?

Eins og Íslendingar eru Svíar seinteknir svona flestir amk.  En þeir sleppa af sér beislinu um helgar og verða þá opnir, frjálslegir og gífurlega utanáliggjandi.

Kannast einhver við það?

Gamlir siðir eins og lútfiskur með sinnepssósu á jólum, algjörlega bragðlaus að mínu mati, er herramannsmatur finnst þeim ansi mörgum.  Pjúra gormei.  Mig rámar í að landsmenn mínir dásami íslenska vel migna skötu á þessum árstíma.  1-0 fyrir Svíum, lútfiskur er lyktarlaus.

Ég held að Íslendingar séu á því að þeir séu hipp og kúl og öðruvísi í klæðaburði en aðrar þjóðir (viðurkenni að það er orðið réttara nú en það var fyrir einhverjum árum) en skv. þessari skoðanakönnun í Svíþjóð eru Svenson, Anderson, Petterson og Jönson með það á hreinu að þeirra þjóð sé snyrtilegust meðal norðurlandabúa.

Meðalsvíinn á tréklossa, það stendur í biblíunni, hann á gallabuxur, úlpu, hann á joggingalla, hvíta sokka og gula peysu með vaffhálsmáli, hann á bláa skyrtu og hann er plebbi.

En sem betur fer þekki ég enga meðalsvía, ég hef bara séð þá álengdar.  Mínir Svíar eru hipp og kúl, rétt eins og ég.

Þegar Íslendingur segir: ji Svíar eru hundleiðinlegir, þá hugsa ég;

Þar hitti viðkomandi sjálfan sig fyrir.

Friður - virðing.

Heja Sverige.

Svíar telja sig snyrtilegasta

Athugasemdir

[Brjánn Guðjónsson, 26.8.2008 kl. 19:48]

ekki þekki í lútfiskinn sjálfur en miðað við lýsingar vinnufélaga míns, sem ólst upp í Svíaríki, þarftu að láta athuga nefið á þér

[Jenný Anna Baldursdóttir, 26.8.2008 kl. 19:53]

Kannski er nefið á vinnufélaganum í akút þörf fyrir tékk.  Ég hef amk. aldrei fundið lykt af lútfiski en ég viðurkenni að ég hef svo sem ekki borið hann upp að nefinu.  Hehemm.

[Sólveig Kristín Gunnarsdóttir, 26.8.2008 kl. 20:04]

Mér finnst Svíthjód algert ædi, daudsé eftir ad hafa ekki búsett mig thar. Fallegri náttúra, fallegra tungumál, betri skólar, betra ad hafa børn, betri spítalar og sætari strákar en í Danmørku. 

[Sólveig Kristín Gunnarsdóttir, 26.8.2008 kl. 20:05]

og ég elska raudu húsin theirra og skídasvædin og sænska matinn (á sænska tengdamømmu og th.l. hálfsænskan mann). Já, hann er líka ágætur.

[Jenný Anna Baldursdóttir, 26.8.2008 kl. 20:13]

Svíar einfaldlega rokka, það er ekkert flóknara en það.

[Anna Ólafsdóttir (anno) (IP-tala skráð) 26.8.2008 kl. 20:51]

Ég ætla ekkert að segja um Svía. Ég ætla bara að segja að nýja lúkkið á síðunni þinni er ÆÐI!!!! Knús á þig - bestust

[Brynja skordal, 26.8.2008 kl. 21:04]

En eiga þeir croks skó og Flíspeysur

[Útlaegd (IP-tala skráð) 26.8.2008 kl. 21:32]

Hej or hello. I´ve lived many years in Sweden and they do tend to think that they have the best doctors(medical), best social service, best country, best people and everything that you say. And they are very proud of their traditions. But! They don´t dare to show that they are proud of their flag or of their country! Because they are afraid of being called racists by the immigrants in Sweden. The same situation is already starting to show in Iceland but Icelanders are lucky that the immigrants are of the same religion and not so different from Nordic people. By the way, a "Völva-spá" from me: In somewhere between 5-10 years the biggest political flokkur in Iceland will be the Polskie-flokkur. And in 20 years all signs in Iceland will be bi-lingual, Polish-Icelandic, since more than 50% of the inhabitants will be of Polish origin.

[Steingrímur Helgason, 26.8.2008 kl. 22:52]

Beztu svíar eru vinir, ABBA til dæmiz.

Svo bralla þeir góðann mat, annann en 'lútfizkinn' sem mig minnir nú frekar að sé frekar dona 'nojari'.

[Auður (IP-tala skráð) 26.8.2008 kl. 23:02]

"Útlægð" ....  I know where you're coming from!! - "Polskie/Islandia" þetta er því miður möguleiki !! 

[M, 26.8.2008 kl. 23:12]

Heyrði að svíar væru skipulagðir með eindæmum, annað en við íslendingarnir. Þeir skipuleggja partý langt fram í tímann og senda gíróseðil með

[Ía Jóhannsdóttir, 27.8.2008 kl. 05:56]

Svíar eru bestu skinn á marga góða vini bæði hip og cool og líka gulu peysuna og bláu skyrtuna heheheh... og alveg rétt fullt af samansemmerkjum með okkur. 

[Gísli Baldvinsson (IP-tala skráð) 27.8.2008 kl. 08:27]

Sonurinn býr í sæluríkinu ásamt tengdadóttur. Þurfum bara að koma Monu Salin til valda. Burt með Friðrik forsætis...

[alva (IP-tala skráð) 27.8.2008 kl. 08:44]

já, þeir eru alveg örugglega skelfilega líkir okkur - eða við þeim ég var í fyrsta sinn í Svíþjóð í fyrra á tónleikum og váááááá, hvað svíarnir eru stífir og leiðinlegir....svo fór ég á sömu tónleikana, bara í danaveldi og vááááááá hvað danir eru afslappaðir og skemmtilegir...eftir þetta langar mig ekki að búa í Svíþjóð...nema kannski í Gautaborg, hef heyrt að þar kunni svíarinir að brosa og slappa aðeins af, ekki annarsstaðar...hinir séu að drepast úr þunglyndi upp til hópa og þjóðarrembing og bara almennri leiðindarlundarfarsveiki - kannast einhver við það...

[Elísabet Sigurðardóttir, 27.8.2008 kl. 08:56]

Ég á sömu reynslu og alva, fannst svíarnir svo stífir en danirnir voða chillaðir.  En ég þekki hvorki svía né dana svo... ég gæti trúað að við séum soldið stíf líka.

Knús

[Sjóveikur, 27.8.2008 kl. 08:58]

Svíar elska Íslendinga og eru þess vegna frábært fólk, ég er sammála þér, hef átt heima hér í 18 ár og hef bara hitt mig sjálfan í öllum myndum, góðum og slæmum, afar mikið heima, kíktu á þennan link http://www.youtube.com/watch?v=m8sykODmXHw og sjáðu hvað þeir létu mig og guttann gera í handbolta pásu, þeir halda með okkur alla leið, við vorum hughreystir ógurlega eftir hið smánarlega tap fyrir Frökkum og því bætt við að þeir myndu gjarnan kenna íslenskum markvörðum að verja markið sitt ef þeir kæmu til Svíþjóðar, eins og hinn frábæri leikmaður fyrrverandi Per Carlén sagði við fréttamenn eftir Ástralíu hneysuna hjá Svíum, "maður vinnur ekki silfur, maður tapar gulli", þar af leiðandi geta allir skilið að strákarnir okkar eiga ekki sjö dagana sæla við að þykjast glaðir í komandi skrúðgöngum, en hvað gera ekki menn fyrir gott partý með ráðamönnum "STÓRASTA" Íslands. besta kveðja, Palli Weldingh

[Útlaegd (IP-tala skráð) 27.8.2008 kl. 12:20]

Hej igen. Most Swedes like Iceland but they have some strange ideas of how Iceland is: They think all Icelanders are backward people living in old houses, semi-alcoholics and that Icelandic women are very "light-footed" and will go to bed with every foreigner available. Much thanks to Hrafn Gunnlaugssons movies and commercials from the tourism industry. Not to mention the "Bimbo-effect", created by Silvia Nótt, that was "given" to all Icelandic women through her Eurovision disaster. The Swedes have also heard rumours about the Icelandic "skemmtanalíf" and expect a lot of fun when getting drunk in Iceland. This part is of course not a misunderstanding. In short: Swedes have the same opinion of Icelanders as Icelanders have of people from Greenland! (Icelandic people will of course not hear this from Swedes, they are to polite to say that to your face, but non-Icelanders will!).

[Rut Sumarliðadóttir, 27.8.2008 kl. 14:22]

Hehe, hef búið bæði í Svíþjóð og Noregi. Norsararnir segja að það sé bara eitt betra í Svíþjóð og það eru nágrannarnir

[Guðríður Haraldsdóttir, 27.8.2008 kl. 16:07]

Alltaf fyndinn nágrannarígur ... en einn allra ljúfasti og skemmtilegasti samstarfsmaður minn og alltaf í góðu skapi heitir Kalli og er sænskur. Reynsla mín af Svíum er því mjög góð! Svo á vinur minn sænska mágkonu sem er málari. Hún tók sig til eitt árið fyrir allmörgum árum og var þá búsett á Íslandi og málaði litla, sæta baðgluggann minn á Hringbrautinni. Hún var heldur ekki leiðinleg. Af þessum tveimur að dæma eru Svíar bara dásamlegir.