Martraðarkennt helvíti

 

Ég er laumuskotin í handbolta.  Horfi stundum en ekki núna.  Ég hef ekki taugar í það.

Það er svo merkilegt með handboltann að það er eitthvað lögmál í gangi þar sem ég átta mig alls ekki á.

Allt gengur upp og svo eins og hendi sé veifað fer það í hina áttina.

Nú var vörn Íslands heillum horfin frá síðustu leikjum segir Mogginn.  Murphy´s law? Veit það ekki.

En smá raunveruleikatékk.

Ér er alls ekki í góðu skapi.  Ég vaknaði bálill, hef allt á hornum mér, urra framan í skjáinn, langar að grýta hlutum, sem ég auðvitað geri ekki, enda alin upp af kurteisu og góðu alþýðufólki sem beitti fyrir sig orðum sem vopni.

Ég er þó með tvær ástæður fyrir pirring.

Önnur er sódavatnflaskan sem gaus í andlitið á mér þegar ég í svefnrofunum opnaði hana til að ná mér í ískaldan lífsins vökva.  Sódavatnsmaður; ég er um það bil að súa þér!

Svo dreymdi mig Geir Haarde, Villa Vill, Óskar Bergsson og Alfreð Þorsteinsson.

Hvað er almættið að pæla?  Bræðrabandalagið eins og það leggur sig í einum bita!

Já, takk fyrir að spyrja,  það var martraðarkennt helvíti.

Farin að hoppa á einhverju(m).

Arg.

 

Aftur gerði Ísland jafntefli

Athugasemdir

[Lára Hanna Einarsdóttir, 18.8.2008 kl. 10:15]

Alfreð Gíslason???    Ertu ekki að meina Alfreð Þorsteinsson?

Þvílík martröð!

[Jenný Anna Baldursdóttir, 18.8.2008 kl. 10:16]

Arg og takk, breyti því.  Hahahaha.

[M, 18.8.2008 kl. 10:20]

Almættið er að senda þér einhv. skilaboð. Þú átt að spjalla við þessa drengi. Þú tækir þá í nefið

[Benjamín Baldursson (IP-tala skráð) 18.8.2008 kl. 10:40]

Fyrr má nú vera orðbragðið ekki út af neinu.

[Jenný Anna Baldursdóttir, 18.8.2008 kl. 10:45]

Benjamín: Það er of seint að ala mig upp.  Margir kallaðir en fáir útvaldir.

M: Kannski. Hehe.

[Hrönn Sigurðardóttir, 18.8.2008 kl. 11:18]

Það er nú í lagi að dreyma Alfreð Gísla en Alfreð Þorsteinsson?!!? Þú ert kinky

[Þröstur Unnar, 18.8.2008 kl. 11:19]

Hoppaðu á Dúu, she is back.

[Jónína Dúadóttir, 18.8.2008 kl. 11:34]

Á hverjum ætlarðu svo að byrja að hoppa ?

[Jóna Á. Gísladóttir, 18.8.2008 kl. 12:20]

gúsímúsígússígús.... ertu ekki búin að jafna þig snúllurúllurassgatarófurækjan hennar Jónsu sinnar?

Hvaða orðbragð er Benjamín að tala um? Ég skrollaði upp og niður og út og suður eftir að hafa lesið athugasemdina hans. Hélt að eitthvað bitastætt hefði farið fram hjá mér. En nei... þú bara á ljúfum nótum eins og alltaf.

[Kristín Katla Árnadóttir, 18.8.2008 kl. 12:30]

Ég gat nú ekki vakað til að horfa á leikinn en maðurinn minn horfði á hann.