Meðvirkni?

Ég og Sara dóttir mín vorum í símamaraþoni áðan og vorum að ræða um meðvirkni.

Hvað er meðvirkni?

Samkvæmt sumum þá flokkast það undir meðvirkni að rétta hjálparhönd, veita stuðning og gera greiða.  Moi er ekki sammála.

En ég er ansi meðvirk samt held ég.

Einhver sagði mér einhvern tímann að það væri meðvirkni ef maður fengi aulahroll.  Að það væri bullandi meðvirkni ef maður fæli andlitið í höndum sér ef einhver annar gerði sig að fífli.  Að slík hegðun væri dæmi um lélega sjálfsmynd.

Ég er algjör aulahrollur en ég neita því alfarið að ég sé með lélega sjálfsmynd.  Ég er beinlínis ástfangin af henni nýju Jenný Önnu, finnst hún hipp og kúl og ógeðslega töff vúman.

Ég get ekki horft á sjónvarpsþáttinn "Tekinn" (ekki bara af því hann er hundleiðinlegur), ég vorkenni svo fórnarlömbunum.  Finnst það jaðra við mannvonsku að láta fólk halda að það hafi valdið slysum og svoleiðis.  Sumir segja að það sé meðvirkni.  Mér finnst það ekki.

Og þegar þulurnar í sjónvarpinu halda áfram að brosa út í tómið eftir að þær eru búnar að þylja dagskrána og það dregst að myndavélinni sé beint frá þeim.  GMG hvað mér finnst það vandræðalegt.  Þá fer ég undir borð.

Það er sennilega ekki alveg eðlilegt.

Það er líka sagt að stjórnsemi sé meðvirkni.  Þá er nú allur pólitíski flotinn á Íslandi í akút meðferðarþörf.  Eða hvað?

Fólk sem er súperviðkvæmt fyrir gagnrýni, jafnvel þegar hún kemur frá bláókunnugum, mun vera rosalega meðvirkt.  Ef það er rétt þá er stór hluti bloggheima í alvarlegri meðvirknikrísu sbr. t.d. þá sem ritskoða kommentin og birta þau ekki einu sinni fyrr en eftir lúslesningu.  Svo ég tali nú ekki um þá sem banna komment svona yfirleitt.

Annars veit ég ekki haus né sporð á meðvirkni annað en það sem ég hef lesið og það sem er að trufla mig varðandi eigin hegðun.  "I aim to please" sagði maðurinn.

Ég á vin sem gat ekki sagt nei, ég hef bloggað um þann dúllurass áður.  Hann fór á námskeið til að læra að segja nei.  Það má segja að námskeiðið hafi slegið í gegn hjá mínum manni.  Hann hefur ekki sagt já í ein fimm ár nema í draumi.

Gulli, villtu rétta mér smjörið - NEI!

Gulli, komum í bíltúr - NEI!

Gulli, elskaðu mig - NEI!

Gulli, farðu til helvítis - NEI!

Gulli er einn, hann lætur engan vaða yfir sig, hann er í því að segja nei við spegilmyndina eftir að allir vinirnir, eiginkonan og vinnan fuku veg allrar veraldar.

Gulli, villtu gjöra svo vel að mæta í vinnuna - NEI!

Athugasemdir

[Jónína Dúadóttir, 14.8.2008 kl. 11:01]

Ég held að það sé ekkert svo einfalt að skilgreina meðvirkni í stuttu máli, allavega get ég það ekki, þó ég þykist þess fullviss að ég sé yfirleitt ekki meðvirk... oftastnær... vonandi...

[Hrafnhildur Ýr Vilbertsdóttir, 14.8.2008 kl. 11:12]

Meðvirkni er það kallað  þegar maður með hegðun, atferli og viðhorfum hjálpar eða styður einhvern í því að gera það sem skaðar hann eða er honum ekki til góðs.....

Það er ekki meðvirkni að finna til samkenndar eða að rétta hjálparhönd, það heitir einfaldlega að vera góð manneskja.... 

góðan og blessaðan daginn annars...

[Edda Agnarsdóttir, 14.8.2008 kl. 11:17]

Sammála síðasta ræðumanni!

[Hulla Dan, 14.8.2008 kl. 11:26]

Ég hef alltaf skilið meðvirkni eins og Hrafnhildur Ýr... 

Og bæti kannski við að þegar maður tekur þátt í einhverri vitleysu, t.d að ljúga fyrir fólk sem er ekki að gera rétt, kannski af ótta við afleyðingarnar ef maður tekur ekki þátt. Skiluru, það finnst mér t.d dæmi um meðvirkni.

Mér finnst það fullkomlega rangt að túlka það meðvirkni þó að maður sýni öðru folki samkend.

Knús

[Hildigunnur Rúnarsdóttir, 14.8.2008 kl. 11:37]

haha, ég er svona líka, ekki fræðilegur að ég geti til dæmis  horft á The Office, hleyp æpandi út. 

Sammála annars, samkennd og meðvirkni eru hreint ekki sami hluturinn, þó þær séu sjálfsagt örlítið skyldar.

[Olla (IP-tala skráð) 14.8.2008 kl. 11:40]

Hæ! Takk fyrir skrifin þín, les oft og þú vekur mig oft til umhugsunar, takk aftur fyrir það! Langar að benda á að meðvirkni er skilgreind fíkn og getur verið djúpstæður og alvarlegur sjúkdómur ... a.m.k. er ástandið sem myndast þegar maður er meðvirkur baaara sjúklegt! Langar svo að benda á coda.is þar sem er afar góð lýsing á einkennum meðvirkni.

[Elísabet Sigurðardóttir, 14.8.2008 kl. 11:45]

Ég dey t.d. þegar Ísland kemur fram á Júróvision, svo hrædd um að þau verði sér til skammar .

Sammála með meðvirknina hér hjá efri ræðumönnum og alls ekki það sama með samkennd og meðvirkni.  Allt annar hlutur.

Alltaf gott að vekja athygli á þessum hlutum, takk fyrir góðan pistil eins og alltaf.

[Anna Ólafsdóttir Björnsson, 14.8.2008 kl. 11:50]

Það er stundum aðeins og stutt í að orð og hugtök séu látin ná yfir bókstaflega allt. Þá missa þau gildi sitt.

[Óskar Arnórsson, 14.8.2008 kl. 11:58]

Meðvirkni er MJÖG einfalt! maður er meðvirkur ef maður kaupir eða fjármagnar drykkjumann eða eiturlyfjaneytanda. Eiginkonan sem lýgur á mánudagsmorgni að eiginmaðurinn sé með svo slæma hálsbólgu að hann geti ekki tala. ..og það rétt er að hann er timbraður.

Meðvirkni var komin út í svo miklar öfgar fyrir nokkrum árum að fólk þorði ekki að reisa manneskju upp sem hafði dottið á afturendan og allt eftir því. Meðvirknisfræðin er eins og stjórnuspá.

Endalaust hægt að tala um hana og gera furðulegustu amatör sálfræðiniðurstöður....

sumt fólk hakkar í sig sjálfshjálparbækur sem eru skrifaðar þannig að fólk finnur eitthvað  sem passar við það og áhrifin verða náttúrulega að viðkomandi stimplar sig sem meðvirkann...mest rugl sem meðvirknisspekingar  gera, er að fjölga útigangsfólki á götum Reykjavíkur.  Annars er það meðvirkt.

Ég hjálpaði móður minni síðust árin sem hún lifði og er ákaflega stoltur yfir meðvirkninni minni. 

Samkend, hjálpsemi og góðmennska er það sem fólk ruglar saman við meðvirkni..og oft á kostnað skynseminar..

[Linda litla, 14.8.2008 kl. 11:59]

Hrafnhildur Ýr og Hulla er alveg með þetta á hreinu, er gjörsamelga sammála þeim. Ég er meðvirk, en ekki mikið. Það fer voðalega eftir fólki.

Eigðu góðan dag Jenný mín.

[Hrönn Sigurðardóttir, 14.8.2008 kl. 12:06]

Gulli væri góður í meðvirknisjöfnun

[Óskar Arnórsson, 14.8.2008 kl. 12:22]

..lesa bara Andres Önd! Rip, Rap og Rup er meðvirkir gagnvart frænda sínum...nota skátabókina sem leiðbeiningarbók..

..meðvirkur, óvirkur, ofvirkur, vanvirkur..

[Birgitta Jónsdóttir, 14.8.2008 kl. 12:34]

Meðvirkni er fíkn. Nákvæmlega sömu fíknareinkenni af henni og öðrum fíknum. Fíkn sem lýsir sér einna helst í þráhyggju sem rænir frá manni getunni til að sinna sjálfum sér eða vera í tengslum við sínar eigin tilfinningar. Dóp meðvirklinga er yfirleitt annað fólk. Maður verður ekki meðvirkur nema að vera í kringum aðra fíkla. Hef enn ekki hitt uppkomið barn alkólhólista sem er ekki þjakað af einkennum meðvirkni og leitar oft í sjúk sambönd vegna þess að þeim var aldrei gefnar heilbrigðar fyrirmyndir. Meðvirkni og samkennd eiga ekkert sameiginlegt.