Af villingi og handbolta

Ég hef smá gaman af handbolta en ekki nógu mikið til þess að ég vaki yfir honum um miðjar nætur vegna tímamismunar hér og í Kína.  Reyndar hef ég varla skap í mér til að horfa á þessa leika sem nú eru í gangi vegna þess að þeir eru haldnir í skugga mannréttindabrota.

En í morgun þá horfði ég smá á fimleika með Jenný Unu.  Mér er málið skylt, stelpurnar mínar eyddu fleiri árum í fimleikasölum og ég með þeim oft á tíðum.

Jenný Una var heilluð yfir skrúfum, heljarstökkum, flikkflakki og hvað þetta heitir allt saman.

Hún gerði fyrir mig þróaðar fimleikaæfingar og sagði mér að hún væri mjög dugleg.  Ég var alveg sammála henni.

Svo missti hún dót á gólfið.

Amman: Jenný mín taktu þetta upp.

Barn: Nei, ég ætla ekki að geraða, það er ekki mitt mál!!

Amman: Ha, hvað segirðu barn??

Barn: (ákveðin og forstokkuð) Það er ekki mitt mál amma.

Og amman beygði sig niður eftir viðkomandi hlut vegna þess að hún brosti og vildi ekki að villingurinn sæi það. 

Barn: Takk amma ég er stolt af þér!

(Villingurinn)

Og ég nærri því dó.

En hvað varðar handboltann þá vona ég að við missum ekki dampinn eins og svo oft virðist vera raunin.  Að allur vindur fari úr íslenska liðinu.

En ég treysti Óla Stef til að halda áfram á þessari braut.

Verst að ég mun sofa þetta af mér. (Sannleikurinn er sá að ég fæ mig ekki til að hanga yfir þessu því þá finnst mér að ég sé að svíkja málstaðinn).

En ég er STOLT af mínum mönnum.

Muha.

P.s. Á morgun eða á þriðjudag verða Oliver og Jenný Una í gistingu á kærleiksheimili ömmu sinnar og Einars.

Hlakka ég til?

Já, get ekki beðið.

(Oliver með mömmu sinni fyrr í sumar).

Ísland lagði Rússland

Athugasemdir

[Edda Agnarsdóttir, 10.8.2008 kl. 16:30]

Hún er æði pæði hún Jenný Una - það er eins gott að skikka ömmu sína til fyrir framtíðina!

Varst þú kannski í KR - eitthvað kom ég þar við undir handleiðslu Gulla Bergmans, ég man ekki með þig?

[Jóna Á. Gísladóttir, 10.8.2008 kl. 16:37]

hehe ég elska þessa forstokkuðu.

Það verður væntanlega fjör á kærleiksheimilinu í vikunni.

Áfram Ísland

[Ásdís Sigurðardóttir, 10.8.2008 kl. 16:48]

Eg er líka stolt af þér  geturður ekki komið því svo við að hægt verði að fylgjast með þér og börnunum þegar þau gista, væri til í að eyða kvöldinu í að sjá ykkur saman.  Ég vaki ekki heldur á nóttunni.  Knús

[Birna Dis Vilbertsdóttir (IP-tala skráð) 10.8.2008 kl. 17:11]

snillingur þessi litla skotta

[M, 10.8.2008 kl. 17:53]

OMG þessi krakki

Það held ég að þau elski það að koma til ömmu

[Kristín Katla Árnadóttir, 10.8.2008 kl. 19:13]

Æi hún nafna þín er alveg yndisleg

Hafðu það gott.

[Jóhanna Magnúsar- og Völudóttir , 10.8.2008 kl. 21:50]

    .. krúttið þessi dama! ..  .. kann á ömmu sína.

Dóttursonur minn var hér í vikunni hjá ömmu og ,,afa" Tryggva. Hann fer í manngreinarálit og skammast sín ekkert fyrir það. Kveður sko ekki hvern sem er og hefur ekkert verið að sleikja upp þennan "afa" sem hann hefur átt svo stutt. Í gær settist hann niður fyrir framan dyrnar - eftir að amma var búin að knúsa hann og kyssa, og sat sem fastast og neitaði að fara en sagði hátt og snjallt: ,,Ég fer ekki fyrr en ég er búinn að núsa afa Tryggva." ...  Sumir voru mjög ánægðir!

p.s. við treystum Óla Stef .. en hann er einmitt alinn upp af ,,afa" Tryggva.

[Hugarfluga, 10.8.2008 kl. 21:51]

Jenný litla er draumur! Ohhh hvað ég væri til í að eiga smá spjall við hana  

[Huld S. Ringsted, 10.8.2008 kl. 22:55]

 Hún nafna þín er stórkostleg

[Ragnhildur Sverrisdóttir, 10.8.2008 kl. 22:57]

Áfram Jenný Una  

[Jónína Dúadóttir, 10.8.2008 kl. 23:13]

[Linda litla, 11.8.2008 kl. 00:03]

Ólafur Stefánsson er sko alveg að gera sig...

[Einar Örn Einarsson, 11.8.2008 kl. 00:26]

Góð sú stutta. Strákarnir voru góðir!

[Lilja Guðrún Þorvaldsdóttir, 11.8.2008 kl. 01:39]

Já, það er aldeilis munur þegar prinsipppissur eru stoltar af ömmum sínum, lengra er ekki hægt að komast í metorðastiganum, og jafnvel virðingarstiganum líka. Hún er alveg dásamleg hún nafna þín.

[Jenný Anna Baldursdóttir, 11.8.2008 kl. 09:07]

Takk öll fyrir fallegar kveðjur.  Mér finnst svo krúttlegt að blogga um hana Jenný m.t.t. þess að hún á eftir að lesa það þegar hún verður stór.

Vildi geta bloggað um Oliverinn svona líka en hvað getur maður gert þegar barn býr í öðru landi.

Annars erum við búin að vera í kasti yfir Ollie hann talar breska yfirstéttaensku þessi dúllla, OMG.

Jóga: Kannast við kauða, þe Tryggvann þinn.  Alveg viss um að það hengja sig öll börn á þann mann.

[Tiger, 11.8.2008 kl. 12:29]

Gullmolarnir sem falla frá þessum yndislegu börnum eru stórkostlegir - Jenný litla er sannarlega uppsafn af dásamlegum molum sem eiga heima í ævintýrabók. Satt hjá þér að það mun verða henni mikið gleðiefni að lesa eigin gullmola þegar hún verður eldri, en svona mola á einmitt að punkta niður svo blessuð börnin fái að njóta þegar þau eru nógu gömul til að fá þetta óritskoðað til baka. Þú ert sannarlega rík á þessu sviði Jenný og sannarlega öfundsverð af þessum tveim gullkornum þínum, þeim Jenný og Oliver - að öðrum algerlega ólöstuðum! Knús í daginn þinn mín kæra og ljúfa amma (samt ekki mín amma, enda alllllltof ung í slíkt) ...