Athyglissýki eða húmor?

Ég er ekkert sérstaklega upptekin af því hvað verður um eftirstöðvarnar af mér þegar ég er öll.

Ég held að þetta hylki sem við skiljum eftir skipti litlu eða engu máli upp á framhaldið sem ég vona að sé í ljósinu, án þess að ég ætli að fara að missa mig í að segja hvað ég held um þau mál öll.

En lík fólks er kannski fyrst og fremst mikilvægt fyrir þá sem eftir lifa.  Fólk leggur mikið á sig við að kveðja ástvini sína með virðingu og viðhöfn.

Þess vegna gapti ég þegar ég sá þessa auglýsingu.

Kanski er þetta húmor "listamannsins" sem hann er að borga fyrir í formi auglýsinga en ég sá viðtal við hann í gær á RÚV og þar var hann allur einn bissniss í framan og sagði að ef hann fengi ekki aðgang að líkum þá myndi hann leita annað.  Þá væntanlega út fyrir landsteinana.

Svo hjó ég eftir að hann ætlar að skila líkunum til útfararþjónusti strax eftir notkun í SAMA ástandi.

Halló, ætlar hann að fara að fikta í líkunum, sminka þau, klæða þau í furðuföt?

Það fer um mig hrollur.

Frekar ósmekklegt af manninum þykir mér.  Kannski er hann athyglissjúkur.  Þetta vekur að minnsta kosti eftirtekt.

Ætlaði hann ekki að bjóða sig fram til forseta þessi fýr?

Úff.

Athugasemdir

[M, 10.8.2008 kl. 11:04]

Sumir "listamenn" eru í því að reyna að sjokkera og hneyksla sem hlýtur að túlkast sem athyglissýki eða athyglisbrestur.

Og jú hann langaði að verða forsteti okkar já, já.

[asgerdurjona (IP-tala skráð) 10.8.2008 kl. 11:15]

Sælar, ekki er öll vitleysan eins.  Ætlar listamaðurinn að flytja inn lík frá öðrum löndum?  Hvaða tollareglur gilda varðandi slíkan innflutning?

[Hugarfluga, 10.8.2008 kl. 11:23]

Ósmekklegt hvort sem þetta er húmor eða ekki .... alveg með eindæmum taktlaust. Knús og kremjur til þín, darling. 

[Birna Dis Vilbertsdóttir (IP-tala skráð) 10.8.2008 kl. 11:24]

Sumun þykir neikvæð athygli betri en engin.Ekki fær Snorri neitt af mínu fólki.

[Ía Jóhannsdóttir, 10.8.2008 kl. 11:29]

Sammála hugarflugu taktlaust! 

[Einar Örn Einarsson, 10.8.2008 kl. 11:38]

Einhverniveginn finnst mér þetta ógeðfellt.

Þetta með að hvíla í friði er eitthvað sem er svo fast í huga manns. Þessi auglýsing finnst mér "creapy" og ég ætla mér að hugsa sem minnst um hver ætlunin er með náina.

Að öðru. Mikið er fallegur dagurinn í henni Reykjavík núna. Góðan og blessaðan daginn.

[Guðrún B. (IP-tala skráð) 10.8.2008 kl. 11:50]

Tjahh.. mér er eiginlega orða vant.

[Víðir Benediktsson, 10.8.2008 kl. 12:23]

Ég kannast aðeins við kauða. Hann er nú einu sinni héðan að norðan. Held að sé óhætt að fullyrða að honum er aldrei alvara í neinu sem hann tekur sér fyrir hendur. Held samt að hann hafi haft gott upp úr því þegar hann seldi syndaaflausnir í Kringlunni forðum.

[Edda Agnarsdóttir, 10.8.2008 kl. 12:24]

Góðan daginn Jenný mín. Nenni ekki að hugsa um lík eða líkgjörninga.

Rosalega er falleg mynd af honum Óliver þínum hér til hliðar um leið og ég er að skrifa þetta, hann liggur á maganum í röndóttri peysu. Þvílíkur unaður að horfa á barnið, hann er líka gull í útliti.

[Ásdís Sigurðardóttir, 10.8.2008 kl. 12:38]

ALlt gert til að vekja á sér athygli, hann stefnir sjálfsagt á borgarstjórastólinn næst, best að tala sem minnst um hann, hann er að leyta eftir kynningu á sjálfum sér.  Njóttu dagsins

[Anna Ólafsdóttir (anno) (IP-tala skráð) 10.8.2008 kl. 12:46]

Ég hef oft haft lúmskt gaman af uppátækjum Snorra - en úff!, ekki þessu!

En að allt öðru: ég sá Oliver í kerrunni með ömmu Brynju og afa Þórhalli á Laugaveginum í gær. Oliver er líka himneskur "live"

[María Guðmundsdóttir, 10.8.2008 kl. 13:08]

 æ ekki ad gera sig fyrir mig allavega....

góda sunnudagsrest

[Jenný Anna Baldursdóttir, 10.8.2008 kl. 13:15]

Anna: Kona bæra í bænum og hringir ekki einu sinni?  Hm... er annars að fara að leggja mig búin að vaka síðan 6,30 í morgun.

[Jenný Anna Baldursdóttir, 10.8.2008 kl. 13:15]

Takk öll fyrir innlegg.

[Haraldur Davíðsson, 10.8.2008 kl. 14:59]

Mér fannst þetta nú bara fyndið, sérstaklega þegar ónefndur guðfræðingur var dreginn í fréttatíma til að segja að sér þætti þetta óviðkunnanlegt..óviðkunnanlegt?! Þetta fullkomnaði gjörning Snorra, sem fer ævinlega þá leið að plata fólk til að verða hluti af uppákomu sem það ber enga ábyrgð á.

En ég er sammála þér Jenny með það, að þegar ég er hættur að nota líkamann minn, þá er mér nokk sama hvað verður um hann. FRIÐUR

[Jónína Dúadóttir, 10.8.2008 kl. 23:16]

Þessi listamaður og ég höfum ekki sama húmorinn.... ef þetta á þá að vera brandari.... sem ég eiginlega er að vona...