Ég hlusta ekki á svona væl

Í gær eftir mótmælin í Skuggasundi, heimilisfang sem hæfir vel Birni Bjarnasyni, dómsmálaráðherra, þurftum við að hörmungajafna og við fórum í það.

Eftir að hafa keypt í matinn og svoleiðis fórum við og náðum í Jenný Unu en við höfðum fengið leyfi til að fá hana í gistingu.

Á Njálsborg voru allir krakkarnir úti að leika þegar við komum að ná í hana og eins og venjulega þá fagnaði hún okkur ákaft.

Þetta er amma mín, með áherslu á "mín" sagði hún við krakkana og amman er auðvitað að springa úr monti.

Á leiðinni heim söng Jenný Una fyrir dúkku í aftursætinu.  Hún djassaði "sól, sól skín á mig" og impróviseraði ýmsa skemmtilega söngva.  Við vorum í niðurbældu krúttkasti í framsætinu.

Svo átti hún athyglisvert samtal við dúkkuna.

Dúkka þú færð ekki nammi, það er ekki laufadagur, bara ég fæ smá pínulítið nammi af því að það er ömmudagur hjá mér!

Þú færð bara fisk og brauð () ég hlusta ekki á þetta VÆL (Sara hvernig talarðu við barnið?).

Og við ömmuna í heimspekilegum viðræðum mikið seinna.

Amma sko björnir frussa aldrei.

Amman: Af hverju gera þeir það ekki?

Jenný Una: Þeir vilja ekki geraða.  Og björnir geta ekki talað.

Amman: Af hverju ekki Jenný mín?

Jenný Una (þreytt á heilatregðu ömmu sinnar): Amma dýr getekki talað.  Engin dýr.  Ekki heldur kisa.

Ókei, ég get lifað með því.

Athugasemdir

[Jónína Dúadóttir, 5.7.2008 kl. 09:52]

Eigðu ljúfan dag

[Ingi Geir Hreinsson, 5.7.2008 kl. 10:22]

Frábært.

[Hildigunnur Rúnarsdóttir, 5.7.2008 kl. 10:52]

haha, er Jenný Una á Njálsborg?  Þá hef ég bókað oft séð  hana, ég bý beint þar á móti.

[Bjarndís Helena Mitchell, 5.7.2008 kl. 11:37]

Krúttkast! Góða helgi

[Jóhanna Magnúsar- og Völudóttir , 5.7.2008 kl. 12:01]

 dúllurassinn!

[Birna Dis Vilbertsdóttir (IP-tala skráð) 5.7.2008 kl. 12:15]

[Sigrún Jónsdóttir, 5.7.2008 kl. 12:34]

Yndislegt stelpuskott

[Kristín Katla Árnadóttir, 5.7.2008 kl. 13:18]

Hún er yndisleg litla dúllan.

[Berglind Inga, 5.7.2008 kl. 13:28]

Haha, voðalega ertu fáfróð um dýrin Jenný mín

[Edda Agnarsdóttir, 5.7.2008 kl. 16:05]

Var hún ekki að meina Björn í Skuggasundinu?

Er í kasti hérna megin - sérstaklega vegna þess hvað börn eru alin snögglega upp á því að fiskurinn er eitthvað óæðra annari neyslu!

[Guðrún Emilía Guðnadóttir, 5.7.2008 kl. 16:22]

Hún er fallegur snillingur þessi litla skjóða þín Jenný mín, og skil ég vel krúttkastið sem þið fenguð yfir henni.
Njótið helgarinnar með henni.
Knús Milla.

[Hulla Dan, 5.7.2008 kl. 19:59]