Ekkert ísbjarnarblogg - ónei

Ég er með tvö prinsipp þessa dagana.

Annað er að láta fólk ekki komast upp með múður þar sem því verður við komið.

Og hitt er að blogga ekki um ísbirni.

Og þess vegna er þetta ekki ísbjarnarblogg.

En... Ég held að þetta sumar verði lengi í minnum haft.  Sem skjálftasumarið mikla í tvennum skilningi.

Sko, það er svo mikil taugaveiklun í gangi gagnvart hvítum loðnum dýrum í útrýmingarhættu að nú má ekki sjást rolla, snjóleifar í hlíðum, eða meðalstórir hundar á stjái öðruvísi en að það sé send út leitarsveit.

Og í gær horfði ég á frábæra spennumynd og ég mæli með henni.  Hún heitir "No contry for old men" og er brilljant.

Og að því loknu fór ég að hlusta á Julian Lennon.  Hann er flottur strákurinn en líður sennilega fyrir það að vera of líkur pabba sínum og það er ekki samanburður sem er einhverjum í hag.

En á meðan ég brugga seið dagsins, legg álög á nokkur kvikindi og sollis.  Þá megið þið staldra við og hlusta á þetta.

Björninn væntanlega rolla

Athugasemdir

[M, 24.6.2008 kl. 09:53]

Sá einmitt myndina um helgina. Frábær mynd

[Ía Jóhannsdóttir, 24.6.2008 kl. 10:20]

Lofa þér að blogga ekki um nein loðin hvít dýr, sbr. hesta, kindur eða hitt dýrið sem byrjar á orðinu í....... tek enga áhættu með það að skrifa nafnið þú gætir lagt á mig í fjötra með góli þínu og seið.

 KIND á fjalli, þá hló ég mig máttlausa, fólk er orðið ruglað af öllu þessum hristing þarna uppi á Fróni. hehehehhe.... 

[Linda litla, 24.6.2008 kl. 10:41]

Fólk fyrir norðan er greinilega stressað og hrædd og sýnist alls staðar sjá ísbjörn, spor eða eitthvað. Mér sýndist einmitt á myndinni að þetta væri stór grjóthnullungur sem að sólin glampaði á..

Jæja, eigðu góðan dag mín kæra.

[Freyja, 24.6.2008 kl. 13:50]

ég hélt einmitt að ég hefði séð ísbjörn úti í garði áðan en svo reyndist það bara vera hvítur fótbolti:P ætli þeir nái nokkuð hingað í hfj þessir bangsar...

[Hrafnhildur Ýr Vilbertsdóttir, 24.6.2008 kl. 14:21]

Ertekkiaðdjóka.....var einmitt að horfa á myndina, alein heima um miðja nótt að drepast úr hræðslu....en góð er hún eins og allt sem kemur frá þeim Coen bræðrum