Hefur tíminn ekki flogið?

Það er í alvörunni komið sumar.  Það rann upp fyrir mér í dag.  Seint?  Nei, tímapunkturinn er niðurnegldur.

Fyrir 14 árum í dag rugluðum ég og húsband saman reytum okkar í annað sinn frá því að við hittumst fyrst.

Í fyrra skiptið þegar ég var rétt skriðinn yfir tvítugt.  Það flosnaði upp úr því, jájá, mér fannst maðurinn gjörsamlega að kafna úr aðdáun á eigin persónu.  Hm... ég mun hafa verið litlu skárri.

En 11. júní 1994 runnu þessar stórþjóðir (hm) saman í einn vöndul, sem hefur rúllað æ síðan við mikinn fögnuð okkar tveggja.  Svona oftast amk.

Það sumar í júlí fæddist hann Jökull Bjarki, fyrsta barnabarnið mitt.

Árið 1994 var hið þriðja í röðinni af byltingarárum Jennýjar Önnu.  Það gekk mikið á upp á gott og vont.

Asskoti sem tíminn hefur liðið.

Í morgunn yfir kornflexinu:

Ég: Til hamingju með afmælið.

HB (ráðvilltur og nervös, man aldrei dagsetningar): Ha, sömuleiðis. (Og hér sást greinilega að hann hafði ekki glóru um hvaða áfanga ég var að óska honum til hamingju með).

Ég (kvikindislega): Finnst þér ekki tíminn hafa flogið?  Er ekki eins og þetta hafi gerst í gær?

HB (algjörlega heiðarlegur í andlitinu sem samt dáldið skelkaður): Jenný mín, ég hef ekki hugmynd um hvert þú ert að fara.

Og ég gafst alla leiðina upp.  Sumum er ekki viðbjargandi.

En ég knúsaði hann extra stórt þegar hann fór í vinnuna.

Það er af því ég er svo góð og umburðarlynd.

En ekki hvað?

Úje.

 

Athugasemdir

[Andrea, 11.6.2008 kl. 19:55]

Voðaleg skepna ertu við manngarminn:) Til hamingju með áfangan umburðarlynda kona og gleymna húsband

[Lára Hanna Einarsdóttir, 11.6.2008 kl. 19:55]

Góð!    Einhver hefði lamið hann eða farið í fýlu!

[Andrea, 11.6.2008 kl. 19:55]

segir maður gleymna???

[Lára Hanna Einarsdóttir, 11.6.2008 kl. 19:55]

Já og til hamingju með daginn... 

[M, 11.6.2008 kl. 19:59]

Ég hefði farið í löööngu fýluna

Til hamingju með daginn ykkar

[Hulla Dan, 11.6.2008 kl. 19:59]

Til hamingju með daginn ...

[Hólmdís Hjartardóttir, 11.6.2008 kl. 20:00]

[Ragnheiður , 11.6.2008 kl. 20:00]

HEYRÐU..Caps lock í boði Hilmars litla...sama afmælisdag og við Steinar ? Ji en smart hjá okkur hehe

Best að drífa sig héðan áður en barn skrifar heila athugasemd sjálft , 6 mánaða

[Guðríður Haraldsdóttir, 11.6.2008 kl. 20:01]

Til hamingju með daginn.

[Jenný Anna Baldursdóttir, 11.6.2008 kl. 20:03]

Ragga: Krútt.

Takk fyrir kveðjurnar. 

Lára Hanna: Lamdi hann á afmælinu mínu, giftingarafmælinu, edrúafmælinu og öllum hinum dögunum sem hann gleymdi.  Núna hef ég játað mig sigraða. 

Andrea:  Ég er svo djöfull fullkomin.

[Edda Agnarsdóttir, 11.6.2008 kl. 20:03]

Þetta hefði nú verið flottur brúðkaupsdagur í dag! Eruð þið annars ekki ógift?

Þetta líka gasalega fína veður.

Til hamingju með þennan áfanga - þetta er víst mesta vinna í heimi!

[Linda Linnet Hilmarsdóttir, 11.6.2008 kl. 20:16]

Til lukku með daginn ykkar og Knús knús og sólarkveðjur

[Huld S. Ringsted, 11.6.2008 kl. 20:33]

Til lukku með daginn!

[Þröstur Unnar, 11.6.2008 kl. 20:33]

Til hamingju Jenný mín. Þetta er ekki öllum gefið.

Afsakið væmnina, en maður er svo anskoti meir hérna innan um Spánverjana og Spánverjurnar.

[Birna Dis Vilbertsdóttir (IP-tala skráð) 11.6.2008 kl. 20:47]

 til hamingju ljúfust.Jú tíminn líður.

[Kristín Katla Árnadóttir, 11.6.2008 kl. 20:50]

Til hamingju með daginn.

[Sigrún Jónsdóttir, 11.6.2008 kl. 20:57]

Til hamingju með þennan áfanga Jenný mín.  Umburðarlyndið skríður aftan að manni með aldrinum.

[Hrönn Sigurðardóttir, 11.6.2008 kl. 21:05]

Taka Sælenttrítment á þetta! Ekki spurning.........

....ef ekki núna hvenær þá?

Til hamingju með daginn ljúfust

[Laufey B Waage, 11.6.2008 kl. 21:17]

Til hamingju með árin 14.

[Heiður Þórunn Sverrisdóttir, 11.6.2008 kl. 21:21]

Til hamingju með daginn

[Anna Ólafsdóttir (anno) (IP-tala skráð) 11.6.2008 kl. 21:23]

Æi - dúllurnar þessar - til hemingju!   Þið eruð bæði krútt, hann gleymið krútt, þú bara krútt  

[Anna Ólafsdóttir (anno) (IP-tala skráð) 11.6.2008 kl. 21:24]

 hamingju

[Anna Ólafsdóttir (anno) (IP-tala skráð) 11.6.2008 kl. 21:25]

en - þið eruð líka krútt - eða var ég annars búin að segja það og stafa rétt???

[Hildigunnur Rúnarsdóttir, 11.6.2008 kl. 22:10]

til hamingju, og engin ástæða til að hegna manninum neitt, samkvæmt grein sem ég var að lesa er ósköp eðlilegt að konur muni svonalagað betur en karlar. Mismunandi virkni í heilastöðvum... :P

[Helga Magnúsdóttir, 11.6.2008 kl. 22:16]

Til hamingju með daginn. Heima hjá mér er þessu öfugt farið. Maðurinn minn mætir með blóm og hvítvín og ég stari á hann í forundran og fer yfir alla daga í huganum á eldingarhraða. Man aldrei þessa daga. Hann man meira að segja daginn sem við kynntumst!

[Einar Örn Einarsson, 11.6.2008 kl. 22:26]

Snilld!

Til lukku Jenný. Heppin kona og hann heppinn að hafa þig

[Kolgrima, 11.6.2008 kl. 22:32]

Þetta er sætt - til hamingju með daginn og hvort annað (í annað sinn).

[Jenný Anna Baldursdóttir, 11.6.2008 kl. 22:49]

Takk fyrir allar kveðjurnar.  Húsband veit ekki að ég er búin að blogga um þetta og að allur bloggheimur veit nú allt um náin samskipti hjóna í Breiðholtinu.  Hehe.

Dúa: Það er sól og hiti nánast allsstaðar á kortinu.  Varstu að horfa á Föryjar TV?

[Linda litla, 11.6.2008 kl. 23:01]

14 ár...... úff ég verð nú eiginlega að segja að ég er stolt af þér.

14 ár með sama manninum  kann ekki á svona..... hugsaðu þér 50 ár með sama manninum.

Er kannski eitthvað að mér ?? Nei, þú hefur bara verið heppin með mann

Til hamingju með þetta... knús til ykkar

[Sunna Dóra Möller, 11.6.2008 kl. 23:36]

....til lukku...

[Steingrímur Helgason, 12.6.2008 kl. 00:29]

Er spurníngin Ástþór, Baldur Varasami eða Ólafur ?

Nei, Vilberginn í forsetann, án lýðræðislegra kosnínga.

Af hverju ?

Þú veist það, bloggþjóðin veit það, & mig grunar það smotterí.

Það nægir.

Verðandi fyrstafyrirfrú, til hamíngju með daginn í gær.

[Jenný Anna Baldursdóttir, 12.6.2008 kl. 00:33]

Steingrímur: Stundum ertu of djúpur.  Hehe.

Takk öll fyrir fallegar kveðjur.

Best að ég sýni manninum hvað ég hef verið að aðhafast þegar hann kemur heim.

[Hrafnhildur Ýr Vilbertsdóttir, 12.6.2008 kl. 01:29]

Til hamingju með hvort annað..

[Jóhanna Magnúsar- og Völudóttir , 12.6.2008 kl. 09:31]

Til lukku með daginn. Ég tel alla daga og held helst upp á allt. Við eigum eins og hálfs árs saman-afmæli bráðum. Það verður flugeldasýning og 200 manns. Neiiii....

[Elín Katrín Rúnarsdóttir. , 12.6.2008 kl. 19:01]

Til hamingju með þennan áfanga í lífi ykkar beggja........BARA GAMAN