Ég ætla að giftast þessum rassi

Amma mín sagði mér þér ég var ögn að ég yrði alltaf að þrýsta neðst á tannkremstúbuna því það væri rétta lagið.  Svo impróviseraði hún eftir stemmingunni hverju sinni og því hef ég öllu gleymt nema einu.  Túbufyrirlestrarnir voru nokkuð margir því ég þráaðist við, þá sem nú í tilraunum mínum við að fara mínar eigin leiðir.  Þetta sem ég man og hefur reynst mér vel sem fyrirbyggjandi aðgerð í túbumálum, fram á þennan dag, var að hún sagði mér að Amerískur Hollývúdd leikari hafi skilið við konuna sína vegna síendurtekins ofankreistings og almenns ofbeldis á tannkremstúbunni.

Og svo hef ég stundum hlegið að því að fólk skuli í alvörunni trúa því að eitthvað eitt valdi því að fólk hætti í samböndum eða byrji í þeim.

Eins og núna þegar Clooney á að hafa hætt með kærustunni af því hún fór í brjóstastækkun.  Féll hann fyrir barminum á henni?  Gerði umfang hans, eða skortur á umfangi, útslagið?

Ég hef í lífinu orðið ástfangin nokkuð oft og aldrei vegna hárs, augnalitar eða rassafegurðar svo dæmi séu tekin.

Það er manneskjan sem heild sem höfðar til mín og ég held að þannig sé með flesta.

Ég hef aldrei heyrt neinn gefa ástæðu fyrir hjónabandi með sóandsó; Ég sá á henni rassinn og þá vissi ég að þetta var konan sem ég vildi giftast.

Eða, svo annað dæmi sé tekið: Ég kolféll fyrir ristunum á manninum og ég var ekki í rónni fyrr en ég hafði eignast þær með löglegum hætti?

Ómægodd I´m crying here!

Úje.

 

Hætti með Söru vegna brjóstastækkunar

Athugasemdir

[Linda litla, 12.6.2008 kl. 00:49]

Og heldur þú að´þú og rassinn fái leyfi til að gifta ykkur í þjóðkirkjunni ??

[Illugi (IP-tala skráð) 12.6.2008 kl. 00:54]

Hahahahahaha!!

Ég hef nú ekki alltaf verið sammála þér Jenný en þetta er með betri færslum sem ég hefi séð á vefnum um tíma.

Við erum alveg á sama meiði hérna.

Kveðja,

Illugi 

[S. Lúther Gestsson, 12.6.2008 kl. 01:52]

Mér finnst nú skemmtilegra að hugsa til þess að hlutirnir hafi verið svona heldur enn að hlusta á kellingarröflið að árann hans hafi verið svo ofboðslega sterk að svifið hafi á bæði tengdó og systurina.

Svo hafði hann víst svo góða nærveru að maður komst hreinlega ekk upp úr sófanum. 

[María Guðmundsdóttir, 12.6.2008 kl. 05:57]

hélt thad væri gamli gódi persónuleikinn sem fólk fellur fyrir.. en kannski er búid ad breyta thessu núna...en allavega...varla nóg ad vera sjúkur i bakhlutann á manneskju til ad giftast henni..kannski til ad gera eitthvad annad eina kvøldstund en fjárinn sjálfur..ekki giftist madur rassi,brjóstum eda ødrum likamshlutum....svo eitthvad er thetta breikup lodid

[Hulla Dan, 12.6.2008 kl. 07:22]

Hugsanlega hefur hún kreist tannkremstúbuna eitthvað skakkt.
Ég eyði amk gífurlegum tíma bæði kvölds og morgna í að reyna að fá mína gutta til að kreista fallega túbuna.
Ætla að taka mér smá pásu frá því núna. Vill ómögulega að það verði blogg efni hjá þeim seinna meir.

Fyndin færsla.

[Jónína Dúadóttir, 12.6.2008 kl. 07:37]

Góð, eins og alltaf

[Tína, 12.6.2008 kl. 07:39]

Frábær færsla.

Víst er bóndinn minn með fallegan rass, en það var nú eggjabakkinn (í stað blóma) sem hann færði mér á fyrsta deitinu sem heillaði mig .

[Ía Jóhannsdóttir, 12.6.2008 kl. 08:23]

Innilega til hamingju með daginn í gær Jenný mín svo og alla aðra daga.

[Hrönn Sigurðardóttir, 12.6.2008 kl. 08:48]

....en hann er nú agalega góður barnalæknir.......

[Jóhanna Magnúsar- og Völudóttir , 12.6.2008 kl. 09:30]

"More than a handful is a waste" ..   ...Þetta hlýtur nú örugglega bara fyrirsláttur hjá honum Clooney með brjóstin. Annars er lítið að marka mig núna, grútsyfjuð og ruglaðri en venjulega.

[Edda Agnarsdóttir, 12.6.2008 kl. 09:30]

Ég hef líka spurt mig þess sama og Hallgerður.

[Hildigunnur Rúnarsdóttir, 12.6.2008 kl. 09:32]

væntanlega hefur stelpurófan verið farin að hugsa bara um ekkert annað en útlitið...

[M, 12.6.2008 kl. 11:08]

Það væri sorglegt að falla fyrir manni útaf fallegu hári hans og svo endar hann bold. Það er skiljanleg skilnaðar-ástæða.

[Brjánn Guðjónsson, 12.6.2008 kl. 11:34]

en Jenný! svona er þetta nákvæmlega hjá mér. ég sá á henni rassinn og þá vissi ég að þetta var rétta konan.

reyndar skemmtileg og sæt. hefur góða nærveru og fullt fullt.......en rassinn!

[Jóna Á. Gísladóttir, 12.6.2008 kl. 14:11]

Nick hefði aldrei átt séns ef hann hefði ekki rassinn sem hann hefur. Svo tékkaði ég á þessu með tannkremstúbuna strax fyrstu nóttina..

[Jóna Á. Gísladóttir, 12.6.2008 kl. 14:11]

ó ég gleymdi... ef ég aftur á móti hefði munað eftir að tékka á ristunum.. þá ætti ég engin börn í dag. Ekki þessi börn allavega.

[Jóna Á. Gísladóttir, 12.6.2008 kl. 14:12]

svei mér þá mér sýnist þetta vera loðinn rass á myndinni

[Brjánn Guðjónsson, 12.6.2008 kl. 15:02]

meinar þá að þetta sé ef til vill brezkur rass?

[Jenný Anna Baldursdóttir, 12.6.2008 kl. 15:42]

Aular

[Lilja G. Bolladóttir, 12.6.2008 kl. 19:56]

Skemmtileg skrif hjá þér, Jenný, þú færð mann alltaf til að brosa

Ég væri nú ekkert endilega til í að giftast þessum rassi, en ég gæti alveg klappað honum smá.....

[S. Lúther Gestsson, 13.6.2008 kl. 01:26]

Klappað???