Leiðinlegasta lagið?

Ég er að mörgu leyti fegin að vera ekki að drukkna í peningum.  Hugsið ykkur allan tímann sem fer í að gæta hagsmunanna.

Yoko dúllan, er með fólk í fullu starfi við að fylgjast með að heimsbyggðin sé ekki að stela tón frá Lenna en ég er viss um að honum er slétt sama þar sem hann svífur í óendanleika alheimsins og er örugglega orðinn að rafmagni.

Einhver notaði Imagne í bíómynd án leyfis og kerlan fór í mál.

Ég skil ekki hvernig hún nennir þessu. 

Stendur ekki í ljóðinu: "Imagne there is no possesion it´s easy if you try"?

Það er greinilega ekki svo auðvelt að slaka á yfir öllum milljónunum.

En burtséð frá því, þá er ég búin að vera á fullu í allan dag.

Versla, og versla og svo versla og svo horfði ég á tvær bíómyndir í einni strikklotu.  Já ég veit það, skömm aðessu.

En þið eruð ekkert minna en frábær.

Og því spyr ég (af því nú er ég komin á skrið, hvaða lag er leiðinlegasta lag sem þið hafið heyrt.

(Bannað að nefna "Þú villt ganga þinn veg" og "Nína og Geiri".

Komasho.

Yoko Ono tapar máli gegn kvikmyndaframleiðendum

Athugasemdir

[Hrönn Sigurðardóttir, 3.6.2008 kl. 01:17]

Jenný!! vott is góing on?? Það er ég sem hef löggildingu á að vera þunglynd, manstu? Það var ég sem ég gekk í gegn um skjálftann? Eða ok ekki gekk.........

Allavega hvaða hvaða.... leiðinlegasta þetta og leiðinlegasta hitt...... hvað varð um skemmtilegasta ever?

[Lára Hanna Einarsdóttir, 3.6.2008 kl. 01:21]

Heyrðu... ég tek undir með Hrönn eins og svo oft áður upphátt og í hljóði. Kýs frekar að fjalla um skemmtilegasta ever!

Annars las ég mig í gegnum allan athugasemdafjöldann í síðustu færslu til þess að gá hve margar af þessum leiðindamyndum ég hefði þýtt og sá þrjár. Nefni ekki hverjar þær voru, en þar er ekki sú nýjasta hroðamynd sem ég þýddi og er nýbúið að sýna á minni stöð. Vonandi sá hana enginn.

[Signý, 3.6.2008 kl. 01:26]

Það sem enginn sér - Daníel Ágúst í júróvisjón eitthvert árið... áttatíuogeitthvað... Það er leiðinlegasta lag sem komist hefur í útvarp ever! Ég verð bara sorgmædd á að hugsa um það...og þunglind þegar ég fatta það að ég kann hvern einasta tón í laginu...

[Hrafnhildur Ýr Vilbertsdóttir, 3.6.2008 kl. 01:44]

Ég fæ flogaköst og löngun til að hlaupa fyrir björg þegar ég heyri í kántrí kóngi íslands...Hallb....nei get ekki einu sinni skrifað nafnið...

[sbs (IP-tala skráð) 3.6.2008 kl. 01:49]

Hún er að öllum líkindum ekki að lögsækja fyrir pening heldur því það er verið að nota lagið í mynd þar sem öfgafólk reynir að gera lítið úr vísindum og rökréttri hugsun.

Ætli hún muni ekki bara betur eftir öðrum hluta lagsins, "and no religion too". 

Þetta er allt frekar augljóst ef fólk hefði fyrir því að kíkja á um hvaða mynd er verið að ræða.

Það er samt auðvitað auðveldara að væla fyrst, athuga svo. 

[Lilja G. Bolladóttir, 3.6.2008 kl. 02:13]

Ég tek sko undir með Hrafnhildi.... ætli "Komdu í Kántríbæ" nálgist það ekki mjög mikið að vera leiðinlegasta lag ever.... annars erfitt að nefna eitt þegar maður fer að hugsa.

Get líka verið jákvæð, því ég man eftir fulllt, fullt af skemmtilegum...

[Hólmdís Hjartardóttir, 3.6.2008 kl. 02:57]

Nei.....Hallbjörn er ekki leiðinlegur........

[Þórarinn Þ Gíslason (IP-tala skráð) 3.6.2008 kl. 03:11]

Sæl Jenný,

Svona í gamni tek ég undir það hjá þér  að það var mikil fart á ykkur í dag,þú með fullt fangið hálf hlaupandi á eftir  húsbandinu um leið og þú talaðir  hratt við hann á ská aðeins upp á við til hans eins og á að vera  út úr Smáralindinni í dag en ég var á leið inn ,Já svolítið "SPAN".

Vonandi var þetta skemmtilegt "shopping".

Hafið þið það sem best.

[Hulla Dan, 3.6.2008 kl. 06:03]

Imagne með Lennon er án efa besta lag (texti) allra tíma. Að mínu mati allavega.

Þú nefnir sjálf lagið með Einari Áttavilta sem leiðinlegasta og þar er ég obboðslega sammála þér.
Næst leiðinlegasta er Pálína með prikið... Get orðið óð þegar ég heyri það, auk þess sem ég er með það á heilanum í ca 3 vikur á eftir.

Góðan dag til þín.

[Egga-la (IP-tala skráð) 3.6.2008 kl. 06:06]

ALLT með Celine Dion, fæ alltaf svona rosalega þunglyndistilfinningu þegar ég heyri hana. Byrja að bora í nefið, geispa og blístra til skiftis!

[María Guðmundsdóttir, 3.6.2008 kl. 07:02]

Fæ alveg gubbu thegar Hallbjørn byrjar...sama hvada lag thad er  fæ svo gyllinædi ef ég kemst ekki burt medan hann hljómar thvilikur hryllingur bara

[Jónína Dúadóttir, 3.6.2008 kl. 07:35]

Góðan daginn bara, man ekki eftir neinu leiðinlegu í dag

[Linda litla, 3.6.2008 kl. 08:22]

Ég held að það leiðinlegasta og pirraðasta lag sem ég hef heyrt sé kartöflulagið sem að Árni Johnsen syngur, ég hreinlega þoli það ekki. En "þú mátt ganga þinn veg...... osfrv" er MJÖg leiðinlegt en samt sem áður finnst mér það "fyndið" leiðinlegt, það er eiginlega meira hallærislegt.

[Laufey B Waage, 3.6.2008 kl. 09:20]

Merkilegt hvað maður fyllist miklum unaði í hvert sinn sem maður heyrir Lennon sjálfan syngja Imagne. Fæ mig bara ekki til að rifja upp leiðinlegt lag í augnablikinu (þú hefur ekki fundið Ég vil ganga minn veg á YouTube? )

[Jenný Anna Baldursdóttir, 3.6.2008 kl. 09:22]

Sko þið þarna Lára Hanna og Hrönnsla: Maður hlustar á skemmtilegu lögin og horfir á skemmtilegu myndirnar en maður TALAR um leiðinlegu myndirnir og lögin, af því það er svo skemmtilegt.  Aular

Þórarinn: Almáttugur, missti ég af einhverju.  Þekkjumst við? Gaman að hafa hitt þig svona ómeðvitað

Hallbjörn er svo halló að hann hefur gert sig að listformi.

Og svo höldum við áfram.

[Kristjana Leifsdóttir (IP-tala skráð) 3.6.2008 kl. 09:35]

Það er lag með Stefáni Hilmars sem ég man ekki hvað heitir. Hann syngur um lítinn dreng og það er svo yfirþyrmandi leiðinlegt að ég flýti mér að slökkva á því þegar það heyrist, - og ekki meir um það. Bestu kveðjur.

[Brjánn Guðjónsson, 3.6.2008 kl. 09:52]

nefndu bara eitthvert laga Leonard Cohen og ég skal kvitta upp á leiðindi þess.

[Ransu, 3.6.2008 kl. 10:28]

Þemalag Titanic með Celine Dion (man ekki hvað það heitir).

[Garún, 3.6.2008 kl. 10:35]

Öll lög með Phil Collins.   Ég ÞOLI HANN EKKI

[Ragnheiður , 3.6.2008 kl. 10:35]

Kartöflulagið með Árna Johnsen

[Bidda (IP-tala skráð) 3.6.2008 kl. 10:36]

Ég skrifa þér, Sigurgeir, ég þoli ekki Nonna meir og því fer ég burt úr sveitinni... Sagan af Nínu, Nonna og Geira tíu árum síðar. Nei ó, það var skemmtilegasta Man einhver með hverjum það var? Upplyftingu kannski? Væri gaman að heyra það einhvern tímann í úbartinu, elska svona bullhúmor.

Leiðinlegasta? Allt með Todmobile samanlagt.

[Birna Dis Vilbertsdóttir (IP-tala skráð) 3.6.2008 kl. 10:36]

Kartöflulagið hans Árna

[Helga Magnúsdóttir, 3.6.2008 kl. 10:52]

Jón er kominn heim var og er algjör hryllingur og allt sem Árni Johnsen kemur nálægt.

[Jenný Anna Baldursdóttir, 3.6.2008 kl. 10:53]

Kartöflulagið hans Árna er svo vont að það er orðið gott.

Bidda: Góð.

[Sunna Dóra Möller, 3.6.2008 kl. 11:14]

Mér finnst ég svo oft heyra verulega vond lög....þau renna innum eitt og út um hitt...ég er búin að sitja hér fyrir framan tölvuna núna í góðar 10 mín og reyna að muna eftir leiðinlegasta lagi evver....það bara kemur ekkert upp í hugann ! Það hlýtur að vera svo leiðinlegt að ég neita að muna eftir því hvaða lag það er !

[Guðríður Haraldsdóttir, 3.6.2008 kl. 14:50]

Hef aldrei skilið hrifninguna á laginu Traustur vinur. Þá er ég að tala um lagið, ekki textann. Allt með músíkmorðingjanum Celine Dion og stöllu hennar Maríu Carey ... já, og vini þeirra Kenny G ... slíka tónlist þoli ég illa. Allt kántrí nema Baggalúts þoli ég ekki. Af nógu að taka svo sem. Upptalningin er reyndar lengri ef þú spyrð um skemmtilegustu tónlistina. Knús í bæinn!

[Guðríður Haraldsdóttir, 3.6.2008 kl. 14:51]

sko undanskildi textann í Traustur vinur af því að ég hlusta aldrei á texta. Það er tónlistin sem blívur!

[Jenný Anna Baldursdóttir, 3.6.2008 kl. 15:29]

Trautur vinur leiðinlegt og væmið.

Dion og  Carey og Kenny G og fleiri hávaðafrömuðir; ARG

[Linda María (IP-tala skráð) 3.6.2008 kl. 21:23]

Man ég ein eftir plágunni "BayCityRollers"?

Sléttgreiddir skoskir piltar sem splæstu þjóðernisköflóttu neðan á ermar og skálmar og emjuðu lög eins og "Mañana" og eftirfarandi

Þeir fóru með píkupoppið í nýjar áður óþekktar víddir!

ATH! Ekki fyrir börn eða viðkvæma!

[Linda María (IP-tala skráð) 3.6.2008 kl. 21:25]

 http://www.youtube.com/watch?v=7O7zZDNBKks&feature=related