Þetta er útkall!

Nú kalla ég til allar vinkonur mínar, á öllum aldri, nær og fjær að fjölkvenna í bíó í vikunni.  T.d. á fimmtudagskvöldið.

Við erum svo margar að ég nenni ekki að hringja í ykkur allar, þið hangið hvort sem er allar á blogginu mínu í vinnunni, letingjarnir ykkar, í þeirri von um að ég geri ykkur ódauðlegar hér.

Og systur mínar: Greta, Jóna, Guðlaug, Ingunn, Hilma og Stenna, hringja í sys.

Sko, nú er ekkert sem heitir, við förum á beðmálin og svo á kaffihús.

Eða á kaffihús og SVO á beðmálin.  Mér gæti ekki staðið meira á sama um röð.

Ef einhvern tímann er tækifæri til að gera skemmtilegan hlut sem við allar getum hlegið að og allt það, þá er það núna.  Hver hefur ekki gaman að stelpunum.  Pæliðíðí, fötin, skórnir, töskurnar, meiköppið og allur friggings ballettinn? OMG.

Annars var ég að horfa á ameríska fréttastöð á föstudaginn, CNN eða Fox (uss, geri það stundum) og þá var heill panell af fólki að ræða hvort þær væru lausgyrtar stelpurnar.  Það var búið að fara í gegnum hvern einasta þátt og reikna fjölda elskhuga allra kvennanna og fyrir utan Samönthu sem var eins og hausaveiðari í sínum hjásofelsum, reyndust allar hinar vera "high above average" í elskhugatali.

Það virtust allir í panelnum hafa gleymt þeirri léttvægu og löðurmannlegu staðreynd að beðmálin voru sjónvarpsþættir.

Þetta minnir mig á yndislega konu sem ég þekki sem sagði við mig þegar Dallas átti hug og hjörtu margra kvenna:  "Jenný finnst þér Sue Ellen ekki líta mikið betur út eftir að hún  hætti að drekka?".

Hringið í mig esskurnar.  Vér erum á leið í kvikmyndahús og ekkert kjaftæði.

Það verða fokkings sætaferðir frá Umfó, þess vegna. 

Beðmálin boluðu Indiana Jones úr efsta sætinu

Athugasemdir

[Eva Benjamínsdóttir, 2.6.2008 kl. 00:41]

Þetta er frábær hugmynd hjá þér Jenný mín og ég hefði stokkið ef ég væri ekki að kaupa, mála og smíða skjólgirðingu fyrir minn blákalda bossa. Góða skemmtun, ég bið að heilsa

[Björg K. Sigurðardóttir, 2.6.2008 kl. 01:12]

Það gengur ekki að plana bíóferð sama kvöldið og Desperate housewives er að byrja aftur í TV. Bara gengur ekki sko

Góða nótt annars og sofðu rótt. 

[Svetlana, 2.6.2008 kl. 01:16]

Mér fannst þetta einmitt með hana Sue Ellen. Allt annað að sjá hana eftir að hún hætti að þjóra

[Jónína Dúadóttir, 2.6.2008 kl. 06:32]

Góða skemmtun

[Ía Jóhannsdóttir, 2.6.2008 kl. 07:17]

Góðan daginn Jenný mín.  Gaman ef maður gæti farið með vinkonum sínum í bíó, svo annað, nú var ég sammála þér hér í færslunni góðu fyrir neðan, BB gekk eiginlega fram af mér með þessu bulli sínu. Hvað var maðurinn að hugsa? 

[Hulla Dan, 2.6.2008 kl. 08:12]

Vá... Þú átt margar systur!!!

Góða skemmtun, konu/stelpu kvöld eru alltaf hið besta mál.

[Jenný Anna Baldursdóttir, 2.6.2008 kl. 08:45]

Hallgerður: Ertameinetta?

[Eyrún Gísladóttir (IP-tala skráð) 2.6.2008 kl. 21:18]

Sniðugt við erum einmitt vinkonuhópurinn að fara á kaffi blu og svo á beðmál á fimtudaginn bara fjör.