Litla húsið í fjallinu

 

Alltaf þegar ég keyri fram hjá Ingólfsfjalli verður mér starsýnt á litla sumarhúsið sem stendur innan um alla grjóthnullungana.  Það eru sennilega fleiri en ég sem hafa hugsað með sér að þetta sé bilaður staður fyrir sumarhús.  Við veginn, við fjallsræturnar á milli grjóthnullunga í fjallinu.  En þetta er rosalega krúttlegt hús og sænsk vinkona mín heimtaði að stoppa einu sinni þegar við keyrðum þarna um, til að festa fyrirbærið á filmu.

Bústaðurinn slapp í dag.  Er það ekki klikkað?

Og er það ekki enn klikkaðra að ég skuli hafa verið við það að leggja af stað í Þrastarlund til að fá mér kaffi, þegar sá stóri reið yfir?  Það er ekki eins og ég sé flengjandi mér austur fyrir fjall, svona almennt og yfirleitt.

En ég fór ekki fet.

Það er auðvitað þvílíkt lán og lukka að enginn skyldi slasast alvarlega í þessum skjálfta sem reið yfir.  Hreinlega ótrúlegt.

Vildi ég búa fyrir austan fjall?

Nebb, ég held ég láti það meira að segja eiga sig að kíkja í heimsókn á næstunni.

Svo sendi ég baráttukveðjur til þessa fólks á suðurlandi sem enn og aftur hefur lent í bálillri móður náttúru.

Guði sé lof fyrir að líkurnar á stórum eftirskjálfta hafa minnkað töluvert.

Þessi dagur verður í minnum hafður.

Athugasemdir

[Jóna Á. Gísladóttir, 29.5.2008 kl. 23:03]

Við töluðum einmitt um þetta hús í vinnunni í dag. ég held að hvert einasta mannsbarn sem þarna hefur einhvern tíma keyrt um, hefur furðað sig á fyrirbærinu.

Já það er sko mildi að ekki fór verr, þó að margir séu í sárum út af heimilunum sínum.

Knús á þig kona. Afhverju átti að æða austur í dag?

[Hugarfluga, 29.5.2008 kl. 23:12]

[Hrafnhildur Ýr Vilbertsdóttir, 29.5.2008 kl. 23:13]

Ég bjó í Hveragerði í 2 ár fór þaðan fyrir 14 árum síðan...var lengi vel að spá í að búa á Selfossi, þarna er mjög fallegt og gott að vera...og Guði sé lof að það slasaðist enginn alvarlega í dag...ég var þarna þegar síðasti stóri skjálfti var....17 júní og það var vægast sagt óþægilegt.

[Ragnheiður , 29.5.2008 kl. 23:14]

Knús á þig, ég læt ekki þetta stoppa mig ef ég ætla austur

[Jenný Anna Baldursdóttir, 29.5.2008 kl. 23:16]

Ég las á blogginu hennar Hrönnslu að hún hafi farið í kaffi í Þrastarlund og þegar veðrið var svona ljómandi í dag fékk ég þessa brilljant hugmynd að plata húsband með mér í smá bíltúr.  Ég var að klára að kæfa mótmælastunu frá honum með ofbeldi þegar sá stóri kom

Já, stelpur, langar ekki mikið þarna núna.

[Loopman, 29.5.2008 kl. 23:17]

Ahhhrrrg Ekki meir.... Og ég sé að Jóna sem bauð mér í english breakfast og hætti svo við er kominn í já hjörðina eina ferðina enn.

[Jenný Anna Baldursdóttir, 29.5.2008 kl. 23:20]

Loopman: Pirringur þinn er dásamleg skemmtun, eða réttara sagt þinn pirringur er krúttlegur.  Ég fæ alveg gleðitilfinningu yfir að geta um ókomin ár bloggað þig til ólífis.

Og hvaða fuckings jákór?  Eru ekki allir í krúttkasti yfir litla sæta húþinu?

[Steingrímur Helgason, 29.5.2008 kl. 23:51]

Mig minnir að ævintýrið myndfezda af Óskari um 'Gilitrutt' tengist þessu húsnæði á einn eða annann hátt.

Ég játa að hafa keypt hús í 'Hördígördí' sjálfur, & látið auðveldlega fara, enda ekki síðasti hjarðdýrsgripurinn eiginlega.

[Sigrún Jónsdóttir, 29.5.2008 kl. 23:58]

[Snooze, 30.5.2008 kl. 00:00]

Ég fór aðeins að hugsa um þetta í dag hvað hefði gerst ef þessi skjálfti hefði orðið einhversstaðr annars staðar í heiminum t.d í Asíu eða S-Ameríku. Það hefði allt saman straujast niður á sekúndubroti, þarna sannast það hvað við erum heppin og líka hversu traust húsin okkar eru! Þótt öðru máli gegni um innanstokks muni :(

[Linda litla, 30.5.2008 kl. 00:32]

Ég átti heima á Hellu þegar skjálftinn var 2000, þá urðu sem betur fer engin slys. Þar sem að það var 17 júní voru allir úti á hátíðarhöldum. Ég finn til með þessu fólki fyrir austan, veit hvernig skelfingin er. Fólk gjörsamlega panicast rosalegt. Sem betur fer þá komu dóttir mín og ömmustrákur til mín í morgun, annars eru þau á bæ rétt fyrir ytan Selfoss.

[HAKMO, 30.5.2008 kl. 01:01]

ohh mér finnst húsið svo sætt Hefur oft langað að stoppa og kíkja, held að það sé svaka góður andi þarna, veit ekki afhverju . hehe

[Lilja Guðrún Þorvaldsdóttir, 30.5.2008 kl. 01:30]

Sagan segir að það séu verndarálög á þessu húsi. - Vegna þess að fyrrverandi ábúandi hafi hjálpað huldukonu í barnsnauð - og hún þakkað svona vel fyrir með því að vernda þennan stað. - Svona heyrði ég söguna þegar ég var lítil.  -  Og mér finnst þetta góð saga - Ég efast þó um að ég mundi þora að gista akkúrat þarna. 

[Jóna Kolbrún Garðarsdóttir, 30.5.2008 kl. 01:55]

Ég skoða alltaf litlu bæina sem eru þarna í nágrenni litla sumarbústaðsins.  Fólkið sem á hann er búið setja fallega litla bóndabæi við marga steinana í nágrenninu.  Oft hef ég líka undrast hvernig fólkið þorir að vera þarna, milli stóru bjarganna.

[Svanur Gísli Þorkelsson, 30.5.2008 kl. 01:57]

Það hafa spunnist margar sögur um þetta hús Jenný. Ein er sú að maður einn hafi byggt húsið fyrir tengdamóður sína sem hann átti í einhverjum erjum við.

[Lilja G. Bolladóttir, 30.5.2008 kl. 04:01]

Ég elska þetta hús!!! Mér verður alltaf starsýnt á það þegar ég keyri fram hjá og ég nánast heyri álfahláturinn í steinunum í krin.... þótt ég sé ekki einu sinni álfatrúar. Þetta hús virðist bara sem klippt út úr einhverri álfasögu.

Og þegar við sátum yfir fréttunum í kvöld, rataðist syni mínum rétt á munn þegar hann sagði: "Mamma, það er bara eins og þetta hús sé heilagt að einhverju leyti, eins og einhver verndarhjúpur sé í kringum það...."

Og svei mér, ef ég er ekki sammála honum. Ég myndi alveg þora að gista þarna, því meira kósý stað get ég ekki í fljótu bragði séð fyrir mér....

[Ía Jóhannsdóttir, 30.5.2008 kl. 07:11]

Já margar sögur hafa spunnist um þetta hús ein er sú að maðurinn sem hefði átt það hefði unnið á Litla Hrauni og byggt það vegna þess að hann kunni svo vel við sig í Hrauninu. 

Annars hlýtur að vera álfabyggð þarna og þeir vernda sína vini, það vitum við.

Kveðja inn í góðan dag.

[Birna Dis Vilbertsdóttir (IP-tala skráð) 30.5.2008 kl. 09:16]

Ferlega krípí staðsetning á þessu húsi.Annars hélt ég að sá ljóti væri kominn að sækja vin sinn hann Gvend og frú í látunum . (Byrgishjónin)

[Heiður Þórunn Sverrisdóttir, 30.5.2008 kl. 09:25]

Ég held að ég hafi alltaf orð á staðsetningu þessa húss þegar ég keiri þarna um en mér finnst þetta samt flott staðsetning...

[Sunna Dóra Möller, 30.5.2008 kl. 09:30]

Góðan dag....! Merkilegast finnst mér að þetta litla hús hafi sloppið....alveg stórmerkilegt...!

[Steinn Hafliðason, 30.5.2008 kl. 09:55]

Hef einmitt oft horft á þetta hús þarna í grjótinu. Kannski er svo mikið af grjóti í kringum það að hættan er ekkert svo mikil...eða kannski ekki. Ég vildi allavega ekki eiga þennan sumarbústað.

[Bjarni (IP-tala skráð) 31.5.2008 kl. 22:48]

já það er málið

[Kolla (IP-tala skráð) 31.5.2008 kl. 22:59]

Það er gaman að lesa allar vangavelturnar um bústaðinn minn undir Ingólfsfjalli. Ég er búin að eiga þennan bústað í 16 ár, og það er alltaf jafn gott að vera þar. Það vill nú svo til að ég var í bústaðnum þegar að ósköpin dundu yfir, hávaðin og lætin voru ólýsanleg og jörðin hennti manni bókstaflega til og frá. Það var skrítin tilfining að heyra björgin riðjast niður fjallshlíðarnar, og vita ekki hvort að maður kæmist heill á húfi niður á veg. Maður er svo vanmáttugur gagnvart náttúruni. Frænka mín var með mér, og ætluðum við frænkurnar að eiga rólegan og góðan dag saman í góða veðrinu og kyrðini, en raunin varð önnur. Álfarnir hugsa um sína á meðan að við tökum tillit til þeirra, allavega mínir álfar. Ég á eftir að vera í bústaðnum mínum áfram, þó að það eigi kanski eftir að vera smá beigur í mér um sinn. Það er hvergi betra að vera þetta er alger paradís. Er þó ekki viss um að frænka mín komi með mér þangað aftur, allavega ekki í bráð.         Kveðja: Kolla