"2 hot 2 handle"

 

Það er hægt að fá ýmislegt á heilann.

Músík t.d. Ég fæ reglulega skelfileg ógeðislög á heilann, þannig að dögum saman hljómar viðkomandi hörmung í eyrum mínum.

Muniði eftir "Það er lítið hús, út við lygnan sjó"?  Jabb, heilir 4 dagar í febrúar, ég legg ekki meira á ykkur.  Jú annars, ég ætla að gera það.

Eða.."Þú villt fara þinn veg"?  Einmitt, það lagðist á mig í janúarþunglyndinu og gerði mig nærri því vitfirrta.

Svo er hægt að fá frasa á heilann.  Kannast einhver við það?  Fyrir einhverjum árum kom ég ekki út úr mér heilli málsgrein öðru vísi en að í henni væri að finna "Það hálfa væri nóg".  Til að forðast endurtekningar (jeræt) þá skipti ég út  "nóg" og notaði yfirdrifið, hellingur og hamslaust.  Enn get ég ekki tekið mér þennan frasa í munn.  Þessum frasa sem gekk ljósum logum um hið íslenska málsvæði,  má kenna Þórarni Tyrfingssyni um, því hann kallaði bókina sína þessu nafni.

Og svo er hægt að verða ástfanginn af símsvara.  Það henti ungan Japana sem æstist allur við að hlusta á rödd í gjaldfrjálsu símanúmeri matvælafyrirtækis í Tókýó. Ekki spar á tímann sinn sá en hann eyddi  3.100 klukkustundum hangandi slefandi á tólinu.´

Ég hringi oft í þjónustusíma bankanna.  Þar er það Bjarni Vestmann sem talar.  Ég ætla rétt að vona að ég falli ekki fyrir röddinni í Bjarna, þó hún sé voða ábyrg og krúttleg.  Alveg: "fyrst koma 10 stafir" eða "þetta var því miður ekki rétt, vinsamlegast reynið aftur",  rosalega löðrandi í sexappíli, leiðandi mann áfram um frumskóga bankakerfisins.

Nebb, ég nota bara netbankann.  Bjarni er 2 hot 2 handle.

Eða er það Haukur Hólm?  Veit ekki, en maðurinn er TIGER!

Sól í heiði lalalalala.

Góðan daginn plebbarnir ykkar.

 

Með símsvara á heilanum

Athugasemdir

[Sunna Dóra Möller, 28.5.2008 kl. 09:19]

Þekki þetta að fá frasa og lög á heilann þannig að ónæmi myndast og ekki er hægt að hugsa sér lögin eða frasana nokkurn tímann aftur! Síðustu dagar hafa farið svolítið í að segja "Já sæll" alveg í tíma og ótíma! Ég veit að Næturvaktin var fyrir jól og þessi frasi er pínulítið last síson en ég er bara svo sein að kveikja stundum á þeim hlutum sem eru inn !

Ásfangin af rödd i síma......lýsir það ekki einhverjum skorti eða vöntun í lífinu....senda Dr Phil á þennan Japana ASAP!

Góðan daginn til þín líka héðan úr "sólríkum" Árbænum !

[Birna Dis Vilbertsdóttir (IP-tala skráð) 28.5.2008 kl. 09:48]

Húsband hringir stundum í dótturnina okkar og raular einhvern aula söng í simann.Það klikar ekki að söngurinn legst á heilann í 2-4 daga. Daginn frú

[Ía Jóhannsdóttir, 28.5.2008 kl. 09:57]

Hehehe góðan og blessaðan daginn Jenný mín.  Talandi um að fá lög á heilann þá var ég að verða vitlaus á sjálfri mér hér í síðustu viku.  Þar sem ég hékk í beðunum með rassinn upp í loft raulaði ég Ó þá náð að eiga Jesú!    Í marga daga!   Var að fara á tauginni við þetta rugl.   Njóttu dagsins vinkona.

[Hrönn Sigurðardóttir, 28.5.2008 kl. 10:25]

Já! Lastu um manninn sem naut ásta með folksvagenbjöllu? Hann kolféll fyrir henni til margra ára - enda gerði hún afskaplega litlar kröfur. Þurfti til að mynda ekkert að kúra

[Hrönn Sigurðardóttir, 28.5.2008 kl. 10:26]

Að vísu er benzínverðið að verða soldið hátt - en það er ekki eins og hann þurfi eitthvað að vera að keyra hana........

ómægod...... fólk! 

[M, 28.5.2008 kl. 10:27]

er með lagið: ég veiiiit þú kemur í ..... og syng þetta hástöfum heima og geri heimilisfólkið vitlaust   Bara við það að lesa þetta, þá veit ég að þú færð lagið á heilann í dag.

Eigðu góðan dag. 

[Kristín Katla Árnadóttir, 28.5.2008 kl. 10:30]

Gaman að lesa. Hafðu það gott.

[Hrafnhildur Ýr Vilbertsdóttir, 28.5.2008 kl. 11:21]

  þú vilt ganga þinn veg........hahaha fæ þetta stundum á heilann og er alltaf jafn hissa,  þoli ekki lagið......heima hjá mér nota afkomendur frasan já fínt..já sæll...soldið þreytt ég veit...

[Ólafur fannberg, 28.5.2008 kl. 11:41]

kannast vel við þetta

[Bjarndís Helena Mitchell, 28.5.2008 kl. 11:58]

Góðan daginn sömuleiðis.

[Kristján Kristjánsson, 28.5.2008 kl. 17:25]

Hmm ætlaði ekki að losna við "Þúsund sinnum segðu já" um daginn. Damn ég held það sé komið aftur