Lóttódansinn stiginn - úje

Ég hef enga trú á happadrætti, lottói, lengjunni og hvað þetta heitir allt saman.  Á menningarheimili mínu hér á átakasvæðinu eru aðrir í því.  Þessi aðrir er reyndar alltaf jafn fullviss um að hann vinni, verður beinlínis hissa í hvert skipti sem hann stendur uppi á vinnings.  Hann er voða oft hissa. 

Stundum tek ég lottódansinn fyrir aðila heimilisins og skrensa á lokatónunum fyrir framan hans hátign og veina; Lottó 5/32.

Hann: Fyrir utan þá staðreynd að þú ert ekki í lagi villingurinn þinn, þá máttu öppdeita þig í lottólaginu, það er 38 ekki 32.

Ég: Skiptir ekki máli, það er listrænt gildi tónlistar og hreyfilistar sem er aðalatriðið hér.

Og ég held áfram að dansa.

Og nú er listrænum sköpunarmætti mínum alvarlega ógnað.  Hvernig í fjáranum á ég að syngja; Lottó 5/40?  Ekki hægt, vantar rythmann algjörlega.

Ef þessir sumir sem lotta eins og mófóar á heimilinu halda því áfram, þá...... já þá fer ég á söngnámskeið og syng hann brjálaðan á nótæm.

Það hlýtur að vera eitthvað annað sem hægt er að brenna upp peningana í.

Eða kveikja í þeim eftir hádegi á laugardögum.

Liff í því.

 

Fjölga kúlunum í lottóvélinni úr 38 í 40 í maí

Athugasemdir

[Kristín Katla Árnadóttir, 29.4.2008 kl. 10:10]

Iss maður vinnur aldrei í þessu lottói.

[Gunnhildur Inga Rúnarsdóttir, 29.4.2008 kl. 10:32]

Ég er svo sammála, hvernig á maður að geta sungið lottó 5/40 svo vel hljómi. Lottó 5/32 er alltaf best.  Þetta sungu ég og vinir áður en við létum okkur húrra niður gilið í Bláfjöllum. Yndisleg minning. Svo þarf maður heldur ekkert að taka þátt til að geta sungið gamla góða lottólagið.

[Sigrún Jónsdóttir, 29.4.2008 kl. 10:54]

Iss, bara verið að minnka vinningsmöguleikana, og þeir voru ekki miklir fyrir.  Ætli þetta hafi eitthvað með "heimsmarkaðsverð" á olíu að gera?

Gleymi alltaf að lotta!

[Sunna Dóra Möller, 29.4.2008 kl. 10:59]

Það verður bara að semja nýtt stef við lottó 5/40 !

Bíst við að fjölgun á lottókúlum hafi eitthvað með verðbólgumarkmið seðlabankans að gera og blandist þannig árásum vogunasjóða á íslenska hagkerfið með því að taka skortstöðu. Allt eitt stórt samsæri (aðeinsaðkomanýjaorðaforðanummínumáframfæri, heflærtsvomargnýttí vetur )!