Ég á leiðinni í frambjóð?

Æi mér hefur alltaf þótt hann Ástþór svo mikið krútt.  Svona jólasveinakrútt.  Svo er það þannig að ef fólk er ekki með CV úr ráðuneytum, pólitík eða öðrum forfrömuðum lókölum samfélagsins, þá er litið á það sem bilað, ef það býður sig til forseta.  Ég stend með því fólki, alveg klárlega.

Allir muna eftir Pétri Hoffmann, hann reið ekki feitum asna frá sínu framboði, þessi fjörulalli.  Annars sagði pabbi mér, einu sinni þegar við fórum í fjöruferð að týna kuðunga, rétt hjá kofa karlsins, að það væri talið að Hoffmann hefði fundið miklar gersemar í fjörunni og væri því ríkur maður.

En þetta var útidúr.

Nú er það sem sagt ljóst að Ástþór býður sig ekki fram að þessu sinni.

Hvað með hana Sigrúnu úr Vestmannaeyjum?  Hún skellti sér í framboð og var algjör nóboddí og fólk þusaði um að það væri svo dýrt að fara í forsetaframboð, vitandi að maður á ekki séns í helvíti að vinna.  Sko dýrt fyrir þjóðfélagið.

Lýðræðið kostar, bara svo þið vitið það.

Ólafur Ragnar er þá öruggur.  Eða hvað?

Ég hef ekki sagt mitt síðasta orð um hvort ég fer fram.

Ég á eftir að tala við mína nánustu og bera saman bækur mínar við stuðningsmennina.

Þeir eru nokkuð margir.  Jájá.

Farin að ráða ráðum.

Úje.

Ástþór býður sig ekki fram

Athugasemdir

[Sunna Dóra Möller, 27.4.2008 kl. 15:15]

Hér er eins stuðningskona ! Ég skal baka vöfflur og hella upp á kaffi á kosningaskrifstofum og dreifa plakötum !

[Jenný Anna Baldursdóttir, 27.4.2008 kl. 15:16]

Muhahahaha

[Jóna Á. Gísladóttir, 27.4.2008 kl. 16:08]

Láttu bara tómatsósusletterí eiga sig brjálæðingurinn þinn addna

[Gísli Sigurðsson, 27.4.2008 kl. 16:20]

Farðu endilega í framboð og ég skal vera einn af þessum 1500   sem þurfa að skrifa upp á framboðið. En ég vil líka vera bílstjóri. Verst hvað helv.... lýðræðið er dýrt og allir verða brjálaðir yfir því hvað þetta kemur til með að kosta. En ætlaði Ástþór ekki að borga þetta? Var það nokkuð bundið því að hann sjálfur færi í framboð?

[Edda Agnarsdóttir, 27.4.2008 kl. 16:32]

Það versta við þetta er Jenný mín að það er búið að hækka töluna held ég upp í 3000 eða hærra jafnvel 6000 á stuðningi við framboðið!

Annars mundi ég fara í framboð!

Ef það eru bara 1500 manns sem þurfa að skrifa upp á framboðið þá getum við bloggkonur þetta alveg með glans, bjóðum okkur sem flestar fram!

[Birna Dis Vilbertsdóttir (IP-tala skráð) 27.4.2008 kl. 17:07]

Kasta sér í framboð og kasta sér svo á Bessastaði.Frí ferðalög og fatastyrkur og skópeningar

[Tiger, 27.4.2008 kl. 17:11]

Ég segi nú að hluta eins og Hallgerður: Náir þú kjöri, sem ég efast ekkert um - þá...

Nei, ég myndi ekki kjósa þig - enda ertu alveg óútreiknanleg og best gæti ég trúað því að þú myndir breyta landi og þjóð í svartklætt framvarðalið sem myndi taka sér vönd í hönd - og rækir úr landi alla þá sem orsaka veggjakastandi tilfinningu. Ég t.d. væri ekki til í að klæðast svörtu og skella mér á háa hæla - en ég væri alveg til í að vera með flengingarvönd í þínu nafni og dangla í mann og annan - eða konu og aðra. Næsta víst er að ég myndi þó koma að Bessastaðadyrum, banka uppá - sparimegin - og sækja um stöðu yfirmanns í þínu eldhúsi, enda allar stórar konur þurfa á því að halda að hafa hraustan mann við eldavélina sína.

Þar myndi ég svo elda allt eftir kúnstarinnar reglum fyrir þig og gesti þína, setja réttar blöndur í réttum skömmtum af hinum ýmsu sannleiks- og samþykktarákvæðum í matinn svo hinir tignu gestir þínir muni samþykkja allar þínar tillögur og taka þátt í þeim plottum sem þú leggur fyrir þing og þjóð.

Ok, niðurlag: ég kýs ekki óútreiknanlegan einstakling sem klæðir mig svörtu og setur mig á pinna - en ég myndi samt styðja við bakið á þeim einstakling sem og vinna mitt besta fyrir þann sama. Knús í kjörklefann.

[Helga Magnúsdóttir, 27.4.2008 kl. 17:27]

Ég skal taka að mér dreifingu á áróðursefni fyrir þig. Gerði það fyrir Vigdísi á sínum tíma og tókst bara vel.

[Eyrún Gísladóttir, 27.4.2008 kl. 18:05]

Elskan farðu í framboð ég skal kvitta undir stuðningyfirlísingu ekki málið þá yrði kannski gaman að fylgjast með.

En sko oftast er nú nokkuð sammála þér en Ástþór er ekki krútt.hehehehe.

[Huld S. Ringsted, 27.4.2008 kl. 18:20]

Skelltu þér í framboð, ég skal byrja strax núna að safna fyrir þig undirskriftum, verð nú ekki lengi að smala saman 3000 eða 6000 eða hvað sem þarf................................... er vön

[Sigrún Ósk Arnardóttir, 27.4.2008 kl. 18:30]

Skelltu þér bara í framboð og fáðu Ástþór til að sponsa þig. Var hann ekki búinn að bjóðast til að sponsa einhvern í framboð?

[Steingerður Steinarsdóttir, 27.4.2008 kl. 18:48]

Skal sannarlega skrifa undir stuðningslista hjá þér en tek undir með Eyrúnu. Ég sé ekkert krúttlegt við Ástþór. Mér finnst hann alltaf minna á garðdverg á örvandi lyfjum. Augnaráðið er svo tryllingslega starandi.

[Guðrún B. (IP-tala skráð) 27.4.2008 kl. 19:39]

Sko Jenný.. ég er margoft búin að segja við þig að þú átt að fara i framboð.  Og ég skal standa þéttingsfast við bakið á þér, svo fast að þú þarft að sparka í mig.  Það sárvantar eins konu með munninn fyrir neðan nefið þarna inn til þess að hrista upp i þessu bévítans pakki.  Og svo tala ég nú ekki um að geta skellt sér í kaffi á Bessastaðina af og til. 

Ekki slæmt.

Gó wóman.

[Guðrún B. (IP-tala skráð) 27.4.2008 kl. 19:41]

Svoldið fljót að ýta á senda.  Elsku Jenný, takk fyrir stuðninginn og hlýjar hugsanir undanfarna daga.

Knús á þig.

[Hulla Dan, 27.4.2008 kl. 20:04]

Farðu í framboð!
Þó ég þekki þig aðeins frá þessari bloggsíðu er ég nokkuð 100% á að fyndnari manneskja hefur aldrei boðið sig fram.
Gó Jenný...

[Brjánn Guðjónsson, 27.4.2008 kl. 20:17]

spurning um að þú skellir í gang skoðanakönnun. það verður að fást botn í málið.

[Linda Linnet Hilmarsdóttir, 27.4.2008 kl. 20:50]

[Signý, 27.4.2008 kl. 21:38]

Sitt hvað ég mundi kjósa þig!... það yrði þá í fyrsta skipti sem ég mundi setja X við eitthvað... er ekki viss um að ég kunni að setja X... ég kann varla að fara í kjörklefa þar sem ég hef aldrei náð að snúa mér við til að tékka á borðinu þar inni... er blýantur eða penni? omg! ég er strax komin í tremma yfir þessu!...

En já... Jenný í framboð!... ég skal standa í smáralindinni með penna og möppu og selja fólki þá hugmynd að þú sért vænsti kostur og safna þessu 1500 manns á korteri!... Mér líst nefnilega svo djöfulli vel á þetta sem tigercooper segir... óútreiknanlegur forseti er eitthvað sem gæti verið spennandi fyrir ládeyðuna sem liggur yfir landinu svona öllu jafna

[Signý, 27.4.2008 kl. 21:40]

Hey já... svo gæti ég hæglega boðið mig fram í að vera þín vinstrihönd... þar sem ég er nú örfhent og ég reyndar í eigin fordómum geri fastlega ráðfyrir að þú sért rétthent..svo ekki þarftu hægri hendi...  Ég hef aldrei skilið fólk sem er rétthend að fá sér aðra svona hægrihendi... en hmmm.. já nei ok.. bara þú veist... veist af því...

[Jóhanna Magnúsar- og Völudóttir , 27.4.2008 kl. 21:51]

Hæ, hæ, .. þú yrðir fljót að safna undirskriftum, ég skal vera skemmtanastjórinn þinn á Bessastöðum, er óþreytandi (og eflaust óþolandi) partýdýr.

[Jenný Anna Baldursdóttir, 27.4.2008 kl. 22:11]

Ég verð að hryggja ykkur með að ég mun ekki fara fram að þessu sinni.  Eftir stífa sólarhringslanga fundi með stuðningsmönnum hef ég tekið þessa ákvörðun.  Ég get ekki sagt Íslandi allt, bara nærri því allt.  Því mun ég bíða átekta.

Tiger: Helvíti ertu lélegur maður.  Að geta ekki kosið mig.  Hm.. ég ótútreiknanleg. Ok, gengst við því.

Signý: Ég rukka þig um þetta í fyllingu tímans.

Djö sem íslenska þjóðin er að missa af miklu.

Dæs.

[Sigrún Jónsdóttir, 28.4.2008 kl. 00:09]

, þetta hefði verið svo rosalega gaman

[halkatla, 28.4.2008 kl. 08:47]

iff ónlí