Árni á aðdáenda - montfærsla Össurar

 

Ég er í sunnudagsfíling og er að moka út úr skápunum og nú liggur þessi feita fatahrúga á herbergisgólfinu og bíður eftir að ég geri eitthvað við hana.

En hvað á ég að gera?  Fötin eru heil, ágæt alveg, þó ég segi sjálf frá, og ég er að berjast við vinstri mannúðarmanninn í mér.  Á ég að skutla þessu í poka eða gefa það niður í Rauða kross eða Hjálpræðis?  Hugs, hugs.  Þá þarf ég að þvo góssið.  Æi nenni því ekki, hendi bingnum.

Og ekki orð um það meir.

Ég er að fá gesti í kaffi á eftir, verð auðvitað að flýta mér, en sit hér og reyki eins og sprúttsali við tölvuna (uss ekki segja), er sem sagt í pásu.

Ég ætlaði ekki að pirrast út í "ráðamenn" og næturfrömuði í dag, en svo asnaðist ég inná eyjuna illu heilli.  Þar var Össur efstur á blaði.  Mikið andskotans vitleysan alltaf og montið í honum Össuri.  Nú mærir hann sjálfa sig og dýralæknirinn og svo flatterar hann Geir Haarde (hafið þið tekið eftir því hvað Haarde er orðinn rosalega pirraður í viðtölum, alveg; ég ætla ekki að svara þessu, eða ég var búinn að segja þér það- fílingur? Ég held að það sé einkaþotan sem orsakar þetta, þær gera manni hluti).

Það er ekki nýtt að Össur monti sig og mæri.  En mér finnst gott að vita að Árni er með aðdáenda.  Var reyndar farin að vorkenna manninum yfir að vera sá óvinsælasti fyrr og síðar, en sem betur fer; Össur hreinlega elskar hann.  Þeir einir geta staðið keikir og haldið í taumana á þessari firrtu þjóð.

Hér er monthaninn!

Lífið er bölvuð tík, ég segi það satt.

Muuuuuuuu

Farin að henda.

Athugasemdir

[audur (IP-tala skráð) 27.4.2008 kl. 14:10]

Ekki hend´essu !!

Þarft ekkert að þvo ef þú ferð með það í gáminn í Sorpu.  Hver sem nú á hann....

[Birna Dis Vilbertsdóttir (IP-tala skráð) 27.4.2008 kl. 14:15]

Gefa,gefa það er málið.Össur montinn??????

[Jenný Anna Baldursdóttir, 27.4.2008 kl. 14:15]

Nei, nei, fer með hann í Sorpu, þarf að henda öðru dóti líka. Fékk ekki af mér að henda ónotuðum fötum eða nánast það.

[Hrönn Sigurðardóttir, 27.4.2008 kl. 14:42]

Ójá - einkaþotur eru slæmar fyrir egoið! Sagði konan, hokin af reynslu.

[Sunna Dóra Möller, 27.4.2008 kl. 15:03]

Hef tekið eftir pirringi í Haarde......ég myndi líka alveg pirrast upp ef að ég þyrfti að ferðast með einkaþotum.....myndi verða helv...álag á mér alveg hreint !

 Hef hent þegar ég hef ekki nennt í sorpu....fékk stórt samviskubit, nú sendi ég eiginmann í sorpu alveg hikstalaust þegar letipúkinn mætir í heimsókn! Hef samviskubit yfir svoi mörgu að ég er ekkert að bæta á það! 

Sunnudagur til sælu !! 

[Jenný Anna Baldursdóttir, 27.4.2008 kl. 15:03]

Birna Dís, ég er bara montin í þykjó, Össur þjáist af sjálfsánægju.  Hehemm.

Hrönnsla: Við vitum þetta, ferðafrömuðarnir.

[Jenný Anna Baldursdóttir, 27.4.2008 kl. 15:22]

Sunna Dóra: Ekki henda, bannað að henda, segir Auður.

[Eva Benjamínsdóttir, 27.4.2008 kl. 16:38]

Ó, það er svo erfitt að sortera og henda. Mig vantar hjálp, en gott hjá þér að vera svona svöl í bingnum...have a beautiful sunnyday

[Tiger, 27.4.2008 kl. 16:54]

Þarna er einmitt kominn kappi sem virkilega þarf á því að halda að fá örlítinn skammt af því sem þú notaðir sem fyrirsögn í síðustu færslu. Hann þarf á því að halda að hann sé "slappaður" aðeins á vangann til að vekja hann upp til raunveruleikans. Þetta er nefnilega málið með þessa stóru karla marga hverja - þeir missa tenginguna við jörðina og raunveruleikann. Lýst vel á það að þú gefir leppana til Sorpu þar sem koma má þeim í góð not til þeirra sem lítið/ekkert hafa, góð fyrirmynd! Knús á þig Jenný mín.